TGSRTC Discount | హైదరాబాద్: భారీ వర్షాలు, వరదలతో అవ‌స్థ‌లుప‌డుతూ.. రెండు తెలుగు రాష్ట్రాల మధ్య ప్రయాణించే ప్రయాణికులకు టీజీఎస్ ఆర్టీసీ స్వ‌ల్ప ఊర‌ట క‌ల్పించింది. హైదరాబాద్-విజయవాడ రూట్‌ (Hyderabad to Vijayawada buses )లో రాజధాని AC సూపర్ లగ్జరీ బస్సులతో స‌హా అన్నింటిలో ప్ర‌యాణించేవారికి 10 శాతం రాయితీని అందించాలని తెలంగాణ రాష్ట్ర రోడ్డు రవాణా సంస్థ ( టీజీఎస్‌ఆర్‌టీసీ ) నిర్ణయించింది.
హైదరాబాద్-విజయవాడ మార్గంలో ముఖ్యంగా వారాంతాల్లో ప్రయాణికుల రద్దీ ఎక్కువగా ఉండడంతో ఆర్థిక భారాన్ని తగ్గించాల‌నే ఉద్దేశంతో కొన్ని హైఎండ్ సర్వీసులపై రాయితీలు (TGSRTC Discount) కల్పించాలని నిర్ణయించినట్లు ఆర్టీసీ అధికారులు తెలిపారు. ఈ రాయితీ హైదరాబాద్ నుంచి విజయవాడ వరకు మార్గంలో వర్తిస్తుంది. ఉదాహరణకు, ఒక ప్రయాణికుడు రాజధాని ఏసీ సర్వీస్‌లో హైదరాబాద్ నుంచి విజయవాడకు వెళ్లాలనుకుంటే, విజయవాడ వరకు టిక్కెట్‌పై 10 శాతం తగ్గింపు ఇస్తారు. ఈ డిస్కౌంట్‌ వల్ల ఒక్కో ప్రయాణికుడికి కనీసం రూ.50 నుంచి రూ.100 వరకు ఆదా అవుతుందని అంచనా.
ముందస్తుగా రిజర్వేషన్ చేసుకునే ప్రయాణికులకు కార్పొరేషన్ ఇప్పటికే రాయితీలు కల్పిస్తున్నట్లు టీజీఎస్‌ఆర్‌టీసీ అధికారులు తెలిపారు. వివరాల కోసం ప్రయాణీకులు TGSRTC కాల్ సెంటర్ – 040-69440000 లేదా 040 -23450033 నంబర్లను సంప్రదించవచ్చు. లేదా టికెట్ రిజర్వేషన్ కోసం అధికారిక వెబ్‌సైట్ www.tsrtconline.com పై క్లిక్ చేయాలి
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..
