హైదరాబాద్: రాష్ట్ర వ్యాప్తంగా ఓటర్ల జాబితా సమగ్ర సవరణ (SIR) మరియు పోలింగ్ స్టేషన్ల పరిధిలో గ్రామ/వార్డు సభల నిర్వహణపై తెలంగాణ ముఖ్య ఎన్నికల అధికారి (CEO) C. సుదర్శన్ రెడ్డి (Telangana CEO Sudharsan Reddy) కీలక వీడియా కాన్ఫరెన్స్ నిర్వహించారు. ఈ సమావేశంలో అదనపు సీఈఓ Dr. వాసం వెంకటేశ్వర్ రెడ్డి, డిప్యూటీ సీఈఓ G.S. చారి, జీహెచ్ఎంసీ కమిషనర్ & హైదరాబాద్ జిల్లా ఎన్నికల అధికారి సహా రాష్ట్రంలోని అన్ని జిల్లాల ఎన్నికల అధికారులు (DEOs), ఎలక్టోరల్ రిజిస్ట్రేషన్ అధికారులు (EROs), అసిస్టెంట్ ఎలక్టోరల్ రిజిస్ట్రేషన్ అధికారులు (AEROs) పాల్గొన్నారు.
గ్రామ/వార్డు సభల నిర్వహణపై సీఈఓ ముఖ్య సూచనలు:
- ASDD ఓటర్ల వివరాల ప్రకటన: గ్రామ మరియు వార్డు సభలలో Absent, Shifted, Dead, Duplicate (ASDD) ఓటర్ల వివరాలను సంబంధిత బిఎల్ఓ (BLO)లు బహిరంగంగా చదివి వినిపించాలి. అలాగే ముసాయిదా జాబితాలో కొత్తగా చేర్చబడిన ఓటర్ల వివరాలను కూడా వెల్లడించాలి.
- మిస్సయిన దరఖాస్తుల పరిశీలన: ఆన్లైన్ లేదా ఆఫ్లైన్ ద్వారా దరఖాస్తు చేసుకున్నప్పటికీ, ఏవైనా సాంకేతిక కారణాల వల్ల ముసాయిదా జాబితాలో పేర్లు రాని దరఖాస్తుదారుల వివరాలను గుర్తించి తక్షణమే పరిశీలన జరపాలి.
- ఫారాల నమోదుపై అవగాహన: 01.10.2026 నాటికి 18 ఏళ్లు నిండే అర్హులైన పౌరులు ఓటరుగా నమోదయ్యేందుకు Form-6 సమర్పించేలా ప్రోత్సహించాలి. ఓటర్ల జాబితా నుండి పేర్ల తొలగింపునకు Form-7, సవరణలు లేదా చిరునామా మార్పులకు Form-8 వినియోగించడంపై విస్తృత అవగాహన కల్పించాలి.
- నోటీసులు & హియరింగ్లు: No-Mapping Cases మరియు Anomalies (లోపాలు) ఉన్న ఓటర్లకు నోటీసుల జారీ ప్రక్రియను వేగవంతం చేయాలి. ప్రతీ నోటీసులో విచారణ వేదిక (Hearing Venue), తేదీ మరియు సమయం తప్పనిసరిగా నమోదు చేయాలి.
రాజకీయ పార్టీలతో సమన్వయం:
Anomalies మరియు No Mapping వివరాలతో కూడిన జాబితాలను బిఎల్ఓలు సంబంధిత రాజకీయ పార్టీల ప్రతినిధులకు పంచుకోవాలని సీఈఓ సూచించారు. ఎన్నికల ప్రక్రియ పారదర్శకంగా సాగేందుకు ప్రతి వారం తప్పనిసరిగా పొలిటికల్ పార్టీ మీటింగ్స్ (Political Party Meetings) నిర్వహించి క్షేత్రస్థాయి సమస్యలను పరిష్కరించాలని ఆదేశించారు.
ఓటరు నమోదు లేదా ఓటర్ల జాబితా సవరణల గురించిన మరిన్ని వివరాలు, సేవల కోసం అధికారిక (Voter Services Portal) లేదా భారత ఎన్నికల సంఘం (ECI) వెబ్సైట్ను చూడవచ్చు.
🇮🇳 జాతీయ ప్రయోజనాలే పరమావధిగా.. 🇮🇳
