లావా విరాట్ V1, లావా V1 5G పూర్తి స్పెసిఫికేషన్లు, ఫీచర్లు ఎలా ఉన్నాయంటే?
ప్రసిద్ధ స్వదేశీ స్మార్ట్ఫోన్ తయారీ సంస్థ లావా (Lava) భారత మార్కెట్లో తన సరికొత్త ‘విరాట్’ (Virat) సిరీస్ స్మార్ట్ఫోన్లను లాంచ్ చేయడానికి సిద్ధమైంది. దీనికోసం ప్రముఖ ఈ-కామర్స్ దిగ్గజం ఫ్లిప్కార్ట్ (Flipkart) తో భాగస్వామ్యం కుదుర్చుకున్నట్లు తెలిపింది. ఈ సిరీస్ నుండి తొలి స్మార్ట్ఫోన్లుగా లావా విరాట్ V1 (Lava Virat V1) మరియు లావా విరాట్ V1 5G (Lava Virat V1 5G) లు జూలై 24 (శుక్రవారం) న అధికారికంగా ఆవిష్కృతం కానున్నాయి.
లాంచ్ తేదీతో పాటు ఈ రెండు స్మార్ట్ఫోన్లకు సంబంధించిన కీలక స్పెసిఫికేషన్లను లావా సంస్థ ఫ్లిప్కార్ట్ ద్వారా వెల్లడించింది.
లావా విరాట్ V1 5G స్పెసిఫికేషన్లు:
- ప్రాసెసర్: యూనిసోక్ T8200 SoC (Unisoc T8200) ప్రాసెసర్పై ఇది పనిచేస్తుంది.
- ర్యామ్ & స్టోరేజ్: 4GB RAM, 64GB ఆన్బోర్డ్ స్టోరేజ్ సపోర్ట్ ఉంటుంది.
- ఆపరేటింగ్ సిస్టమ్: ఎలాంటి యాడ్స్ (Ads) లేదా బ్లోట్వేర్ (Bloatware) లేకుండా క్లీన్ ఆండ్రాయిడ్ 16 (Android 16) ఓఎస్తో రావడం విశేషం.
- డిస్ప్లే: 6.75 ఇంచుల HD+ రిజల్యూషన్, 120Hz రిఫ్రెష్ రేట్ డిస్ప్లే కలదు.
- బ్యాటరీ: భారీ 6,000 mAh బ్యాటరీని అమర్చారు.
- కెమెరా: వెనుక వైపు 13MP ప్రధాన కెమెరాతో డ్యూయల్ కెమెరా సెటప్, సెల్ఫీల కోసం ముందు భాగంలో 5MP కెమెరా ఉంటాయి.
- రక్షణ & రంగులు: IP64 వాటర్/డస్ట్ రెసిస్టెన్స్ రేటింగ్ కలిగి ఉంది. ఇది ‘ఆర్య బ్లూ’, ‘సోనార్ గోల్డ్’ రంగులలో లభిస్తుంది.
లావా విరాట్ V1 స్పెసిఫికేషన్లు:
- ప్రాసెసర్: Unisoc SC9863A ప్రాసెసర్తో రానుంది.
- ర్యామ్ & స్టోరేజ్: 4GB RAM, 64GB స్టోరేజ్.
- ఆపరేటింగ్ సిస్టమ్: ఇది ఆండ్రాయిడ్ 15 (గో ఎడిషన్ – Android 15 Go Edition) ఓఎస్తో వస్తుంది. ఇందులోనూ ఎలాంటి క్లటర్, యాడ్స్ ఉండవు.
- డిస్ప్లే: 6.75 ఇంచుల HD+ డిస్ప్లే ఉంటుంది.
- బ్యాటరీ: 5,000 mAh బ్యాటరీ సామర్థ్యాన్ని కలిగి ఉంది.
- కెమెరా & అదనపు ఫీచర్లు: 13MP డ్యూయల్ రియర్ కెమెరా, 5MP ఫ్రంట్ కెమెరా, IP64 రేటింగ్ మరియు సైడ్-మౌంటెడ్ ఫింగర్ప్రింట్ స్కానర్ ఉంటాయి.
ధర మరియు ఇతర ఆఫర్లు:
లావా ఈ రెండు స్మార్ట్ఫోన్లను ఫ్లిప్కార్ట్ ద్వారా ప్రత్యేకంగా విక్రయించడమే కాకుండా, కొనుగోలుదారులకు ఉచిత డోర్స్టెప్/హోమ్ సర్వీస్ (Free Home Service) సౌకర్యాన్ని అందిస్తోంది. కంపెనీ వీటి అధికారిక ధరలను ఇంకా ప్రకటించనప్పటికీ, విరాట్ సిరీస్ ఫోన్ల ధర రూ. 25,000 లోపే ఉండబోతోందని స్పష్టం చేసింది.
🇮🇳 జాతీయ ప్రయోజనాలే పరమావధిగా.. 🇮🇳
