Cherlapalli Railway Terminal | హైదరాబాద్ నగర శివారులోని చెర్లపల్లిలో ప్రయాణికుల కోసం కొత్త టెర్మినల్ పనులు వేగంగా పూర్తవుతున్నాయి, ఈ నెలలోనే ప్రారంభోత్సవానికి సిద్ధమవుతోంది. విమానాశ్రయాల తరహాలో అత్యంత ఆధునిక సౌకర్యాలతో లేటెస్ట్ డిజైన్ రూపుదిద్దుకుంటోంది. ఈ చర్లపల్లి రైల్వే టర్మినల్ సుమారు రూ. 430 కోట్ల వ్యయంతో నిర్మిస్తున్నారు. ఇక రైళ్ల ఆలస్యానికి త్వరలో చెక్ పడనుంది.
రైల్వే అధికారులు తెలిపిన వివరాల ప్రకారం, హైదరాబాద్ మహానగర పరిధిలో ఇప్పటికే ఉన్న సికింద్రాబాద్, నాంపల్లి, కాచిగూడ రైల్వే స్టేషన్లకు నిత్యం భారీ సంఖ్యలో వచ్చిపోయే ప్రయాణికులతో కిక్కిరిసిపోతుంటాయి. అయితే చర్లపల్లి రైల్వే టర్మినల్ అందుబాటులోకి వస్తే ఆయా స్టేషన్లపై భారం తగ్గిపోతుంది. అనేక రైళ్లు చెర్లపల్లి నుంచే ప్రారంభమయ్యే అవకాశం ఉంది.
సికింద్రాబాద్, నాంపల్లి, కాచిగూడ టెర్మినల్స్ వద్ద రద్దీని తగ్గించడానికి, పశ్చిమాన ఉన్న లింగంపల్లి స్టేషన్ను కూడా టెర్మినల్ స్టేషన్గా అభివృద్ధి చేస్తున్నారు. ఆధునిక నిర్మాణ ముఖభాగంతో కొత్త స్టేషన్ భవనం నిర్మిస్తున్నారు. ఇందులో ఆరు బుకింగ్ కౌంటర్లు, మహిళలు పురుషుల కోసం ప్రత్యేక వెయిటింగ్ హాళ్లు, అలాగే ఉన్నత-తరగతి వెయిటింగ్ ఏరియా, గ్రౌండ్ ఫ్లోర్లో ఎగ్జిక్యూటివ్ లాంజ్ ఉంటాయి.
మొదటి అంతస్తులో కెఫెటేరియా, రెస్టారెంట్, తల్లుల కోసం ఫీడింగ్ క్యాబిన్లు, మహిళలు, పురుషులకు రెస్ట్రూమ్ సౌకర్యాలు ఉంటాయని దక్షిణ మధ్య రైల్వే (SCR) అధికారులు తెలిపారు. డిజైన్లో విశాలమైన కాన్కోర్స్ ప్రాంతాలు, విద్యుద్దీపాల వెలుగులతో ఆధునిక ఎలివేషన్ ఉంటుంది. స్టేషన్ MMTS ఫేజ్ – II ప్రాజెక్ట్ కింద కూడా వస్తుంది.
రీడెవలప్ చేయబడిన రైల్వే స్టేషన్లో నాలుగు అదనపు హై-లెవల్ ప్లాట్ఫారమ్లు ఉంటాయి. అయితే ఇప్పటికే ఉన్న ఐదు ప్లాట్ఫారమ్లు కూడా పూర్తి పొడవు రైళ్లకు అనుగుణంగా విస్తరించారు. రెండు కొత్త ఫుట్ ఓవర్ బ్రిడ్జ్లు, ఒకటి 12 మీటర్ల వెడల్పు, మరొకటి 6 మీటర్ల వెడల్పుతో, ఇంటర్-ప్లాట్ఫారమ్ లు ఈజీగా ప్రయాణికులు ప్లాట్ ఫాంలు మారేందుకు అనుకూలంగా ఉంటాయి. ఇంకా, మొత్తం తొమ్మిది ప్లాట్ఫారమ్లలో ఎస్కలేటర్లు, లిఫ్టులు ఉంటాయి. ఇది స్టేషన్ నుంచి రైళ్లను ప్రారంభించేందుకు, కోచ్ నిర్వహించేలా సౌకర్యాలు కూడా ఉన్నాయి.
జంట నగరాల్లో నాలుగో టెర్మినల్..
జంటనగరాల్లో చర్లపల్లి రైల్వే స్టేషన్ నాలుగో కీలకమైన ప్యాసింజర్ టెర్మినల్గా మారనుంది. కొత్త టెర్మినల్ విమానాశ్రయాలతో సమానంగా ఆధునిక సౌకర్యాలు, సాంకేతికతతో అభివృద్ధి చేస్తున్నారని సీనియర్ SCR అధికారి ఒకరు తెలిపారు. చర్లపల్లి టెర్మినల్ ప్రాముఖ్యతను వివరిస్తూ ఇది సికింద్రాబాద్, నాంపల్లి, కాచిగూడ స్టేషన్లలో భారాన్ని తగ్గించడమే కాకుండా పెరుగుతున్న నగర జనాభా అవసరాలను కూడా తీర్చగలదని తెలిపారు. ఔటర్ రింగ్ రోడ్ (ORR), రాబోయే రీజినల్ రింగ్ రోడ్ (RRR) లకు ఈ టెర్మినల్ ప్రయాణీకులకు ఖచ్చితంగా సహాయపడుతుందని అధికారులు చెబుతున్నారు.
కొత్త చర్లపల్లి రైలు టెర్మినల్ విశేషాలు.. :
- రూ.430 కోట్లతో ఆధునిక సౌకర్యాలతో టెర్మినల్ అభివృద్ధి
- ఆరు బుకింగ్ కౌంటర్లు
- నాలుగు అదనపు ఉన్నత-స్థాయి ప్లాట్ఫారమ్లు
- రెండు కొత్త ఫుట్ ఓవర్ బ్రిడ్జిలు -12-మీటర్లు, 6 మీటర్ల వెడల్పు
- మొత్తం 9 ప్లాట్ఫారమ్లలో ఎస్కలేటర్లు, లిఫ్టులు ఉన్నాయి
- పురుషులు, మహిళలకు ప్రత్యేక వెయిటింగ్ హాళ్లు
- ఉన్నత-తరగతి వెయిటింగ్ ఏరియా, ఎగ్జిక్యూటివ్ లాంజ్
- కఫేటేరియా, రెస్టారెంట్, ఫీడింగ్ క్యాబిన్లు
- స్టేషన్ నుంచి రైళ్లను ప్రారంభించేందుకు కోచ్ నిర్వహణ సౌకర్యాలు ఉన్నాయి.
Organic Formin, Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..
🇮🇳 జాతీయ ప్రయోజనాలే పరమావధిగా.. 🇮🇳
