అసన్సోల్లో రాళ్లు రువ్విన దుండగులు.. వాహనాలు ధ్వంసం
కోల్కతా రాజాబజార్లో రోడ్డుపై నమాజ్కు యత్నం.. పోలీసులతో ఘర్షణ
West Bengal Asansol Violence | పశ్చిమ బెంగాల్లో ఇంధన/ధ్వని కాలుష్య నిబంధనల అమలు, బహిరంగ ప్రార్థనల నియంత్రణ ఉత్తర్వులు తీవ్ర ఉద్రిక్తతలకు దారితీశాయి. అసన్సోల్లో లౌడ్స్పీకర్ల శబ్దాన్ని తగ్గించాలన్న పోలీసుల ఆదేశాలపై ఒక వర్గానికి చెందిన అల్లరిమూకలు పోలీస్ స్టేషన్పై దాడికి తెగబడగా, కోల్కతాలో రోడ్డుపై నమాజ్ నిర్వహణ విషయంలో పోలీసులకు, భక్తులకు మధ్య ఘర్షణ వాతావరణం నెలకొంది.
అసన్సోల్లో పోలీస్ స్టేషన్ ధ్వంసం.. రాళ్ల వర్షం
అసన్సోల్-దుర్గాపూర్ పోలీస్ కమిషనరేట్ పరిధిలోని జహంగీరి మొహల్లా (రైల్పాల్) ప్రాంతంలో సౌండ పొల్యూషన్ నిబంధనలపై అవగాహన కల్పించేందుకు వెళ్లిన పోలీసులు, స్థానిక మతపరమైన స్థలాల వద్ద లౌడ్స్పీకర్ల వాల్యూమ్ తగ్గించాలని కోరారు. మసీదు కమిటీ సభ్యులతో పోలీసులు మాట్లాడుతుండగా, ఒక్కసారిగా వందలాది మందితో కూడిన అల్లరిమూక పోలీస్ స్టేషన్ వద్దకు చేరుకుంది. ప్రార్థనలను అడ్డుకుంటున్నారనే పుకార్లతో రెచ్చిపోయిన గుంపు పోలీస్ స్టేషన్పై విచక్షణారహితంగా రాళ్లు, ఇటుకలతో దాడికి పాల్పడింది.
స్టేషన్ లోపలి ఫర్నిచర్, కిటికీ అద్దాలను పగులగొట్టి తీవ్ర నష్టం కలిగించారు. అల్లరిమూకలు స్టేషన్ వెలుపల, చుట్టుపక్కల వీధుల్లో నిలిపి ఉంచిన అనేక పోలీసు వాహనాలు, మోటార్ సైకిళ్లు, ప్రైవేటు ఆటోలను ధ్వంసం చేశారు. పరిస్థితి చేయి దాటిపోతుండటంతో పోలీసులు లాఠీచార్జ్ చేసి, బాష్పవాయువు (Tear Gas) ప్రయోగించి గుంపును చెదరగొట్టారు. అదనపు బలగాలు, కేంద్ర బలగాలు రంగంలోకి దిగిన తర్వాతే పరిస్థితి అదుపులోకి వచ్చింది.
సూత్రధారులను వదిలిపెట్టం: బీజేపీ ఎమ్మెల్యే
ఈ ఘటనపై అసన్సోల్ నార్త్ బీజేపీ ఎమ్మెల్యే కృష్ణేందు ముఖర్జీ తీవ్రంగా స్పందించారు. నగర ప్రశాంతతను దెబ్బతీసే ఇలాంటి ఉన్మాద చర్యలను ఎంతమాత్రం సహించబోమన్నారు. ఏసీ గదుల్లో కూర్చొని ఈ అల్లర్లకు స్కెచ్ వేసిన సూత్రధారులను వదిలిపెట్టే ప్రసక్తే లేదని, చట్టపరంగా కఠినంగా శిక్షిస్తామని స్పష్టం చేశారు.
కోల్కతాలో రోడ్డుపై నమాజ్ నిలిపివేత.. తీవ్ర వాగ్వాదం
మరోవైపు, కోల్కతాలోని రాజాబజార్ ప్రాంతంలో శుక్రవారం ప్రార్థనల (జుమ్మా నమాజ్) సందర్భంగా తీవ్ర గందరగోళం నెలకొంది. పబ్లిక్ రోడ్లను బ్లాక్ చేస్తూ ప్రార్థనలు చేయకూడదన్న ప్రభుత్వ కఠిన నిబంధనల ప్రకారం, వీధిలో కూర్చోవడానికి ప్రయత్నించిన భక్తులను పోలీసులు అడ్డుకున్నారు. దీనితో పోలీసులకు, భక్తులకు మధ్య తీవ్ర వాగ్వాదం, తోపులాట జరిగింది. గతంలో ఈ ప్రాంతంలో రోడ్లపై నమాజ్ చేయడం ఆనవాయితీగా వస్తోందని నిరసనకారులు వాదించారు. అయితే, ట్రాఫిక్కు అంతరాయం కలగకుండా పోలీసులు సమయస్ఫూర్తితో వ్యవహరించి భక్తులను రోడ్డుపై నుండి తొలగించడంతో పెద్ద ప్రమాదం తప్పింది. ప్రస్తుతం కోల్కతా, అసన్సోల్ వ్యాప్తంగా భారీ పోలీసు పికెట్లను ఏర్పాటు చేసి భద్రతను పర్యవేక్షిస్తున్నారు.
🇮🇳 జాతీయ ప్రయోజనాలే పరమావధిగా.. 🇮🇳
