తమిళనాడులో హృదయవిదారక ఘటన
సృష్టిలో తల్లి ప్రేమ మందు ఏదీ సాటిరాదు. తన పిల్లల కోసం ఏం చేయడానికైనా మాతృమూర్తులు వెనుకాడరు. చివరకు ప్రాణాలను సైతం తృణప్రాయంగా త్యాగం చేస్తారు. తన కొడుకు కాలేజీ ఫీజులను సమకూర్చేందుకు ఓ మహిళ ఉద్దేశపూర్వకంగా బస్సు కింద పడి ప్రాణాలను తీసుకుంది. పిల్లల ఫీజుల కోసం తనను తాను చంపుకోవడం హృదయాలను కలిచివేసింది. ఆమె ఆత్మహత్యకు పాల్పడిన దృశాలు సీసీ కెమెరాల్లో రికార్డ్ అయ్యాయి. ప్రస్తుతం ఇవి సోషల్ మీడియాలో వైరల్ అవుతున్నాయి. ఈ సంఘటనకు సంబంధించిన వివరాలు ఇలా ఉన్నాయి.
తమిళనాడులో ఓ మహిళ తన కుమారుడి చదువు కోసం డబ్బు సమకూర్చేందుకు బస్సు కిందకు వచ్చి ఆత్మహత్య చేసుకుంది. సేలం జిల్లాలోని కలెక్టర్ కార్యాలయంలో ‘సఫాయి కర్మచారి’ (క్లీనింగ్ స్టాఫ్)గా పనిచేస్తున్న ఒక మహిళ ఉద్దేశపూర్వకంగా బస్సు ముందు దూకినట్లు సోషల్ మీడియాలో వైరల్ అయిన వీడియోలో కనిపిస్తుంది.
యాక్సిడెంట్‌లో చనిపోతే తన కుటుంబానికి రూ.45,000 అందజేస్తానని ఎవరో ఓ వ్యక్తి తప్పుదోవ పట్టించడంతో ఆ మహిళ ఈ అనాలోచిత నిర్ణయం తీసుకుందని సమాచారం. కుమారుడి కాలేజీ ఫీజు కట్టేందుకు డబ్బు అత్యవసరం కావడంతో ఆ మహిళ తన జీవితాన్ని ముగించుకోవాలని నిర్ణయించుకున్నట్లు సమాచారం.
హెచ్చరిక: కింది వీడియోలో వీక్షకులకు ఇబ్బంది కలిగించే విజువల్స్ ఉండవచ్చు.
Poor state of Indian #education a safai karamchari woman in Salem misguided by someone jumped in front of a bus to get government assistance. She wanted to use that money to pay son’s college fee of 45000. She died. #EducationForAll
Is what #India needs @PMOIndia #educationnews pic.twitter.com/eP5VpMRgNR— Sumedha Sharma (@sumedhasharma86) July 17, 2023
విద్యా వ్యవస్థపై విమర్శలు
ఈ వీడియో నెటిజన్లను కదిలించింది. వీడియోను ట్వీట్ చేసిన వ్యక్తులతో పాటు ట్విట్టర్ వినియగదారులు ఈ సంఘటనపై ఓ వైపు తమ బాధను, మరోవైపు ఆగ్రహాన్ని వ్యక్తం చేశారు. కొడుకు ఫీజు కట్టినందుకు ఓ తల్లి ఆత్మహత్యకు పాల్పడిన పరిస్థితిని పలువురు ప్రశ్నిస్తూ ఆగ్రహం వ్యక్తం చేశారు. మంచి భవిష్యత్తు కోసం తమ పిల్లలను చదివించేందుకు పేద ప్రజలు పడుతున్న ఇబ్బందులను ఈ ఘటన ఎత్తి చూపుతోంది. పలువురు నెటిజన్లు విద్యావ్యవస్థపై విమర్శలు గుప్పిస్తున్నారు.
ఈ కేసులో పోలీసుల దర్యాప్తు కొనసాగుతోందని, పోలీసులు అన్ని కోణాల్లో దర్యాప్తు చేస్తున్నట్లు నివేదికలు చెబుతున్నాయి. పోలీసుల విచారణలో ఈ విషయం వెలుగులోకి వచ్చిందని రిపోర్టులు చెబుతున్నాయి.
మీరు లేదా మీకు తెలిసిన ఎవరైనా ఆత్మహత్యలవైపు ఆలోచిస్తున్నారా? అయితే మీకు సాయం చేసేందుకు కింది నెంబర్లకు కాల్ చేయండి
|
