South Central Railway | దసరా, దీపావళి పండుగల దృష్ట్యా దక్షిణ మధ్య రైల్వే ప్రత్యేక రైళ్లను ప్రకటించింది. దసరా, దీపావళి, ఛత్ పండుగల సమయంలో ప్రయాణికుల రద్దీకి అనుగుణంగా దక్షిణ మధ్య రైల్వే వివిధ నగరాల మధ్య ప్రత్యేక రైళ్లను ఏర్పాటు చేసింది.
కాచిగూడ – తిరుపతి స్పెషల్ ట్రైన్
దీని ప్రకారం, రైలు నంబర్ 07063/07064 కాచిగూడ-తిరుపతి-కాచిగూడ రైలు 14 సర్వీసులు నడపబడతాయి. రైలు నెం.07063 కాచిగూడ-తిరుపతి అక్టోబరు 1, 8, 15, 22, 29 మరియు నవంబర్ 5, 12 తేదీల్లో మంగళవారాల్లో అందుబాటులో ఉంటుంది. అలాగే రైలు నెం.07064 తిరుపతి-కాచిగూడ రైలు అక్టోబరు 2, 9, 16, 23, 30వ తేదీలతోపాటు మరియు నవంబర్ 6 మరియు 13వ తేదీల్లో ప్రతీ బుధవారం నడుస్తుంది.
హాల్టింగ్ స్టేషన్స్..
ఈ ప్రత్యేక రైళ్లు ఉమ్దానగర్, షాద్నగర్, జడ్చర్ల, మహబూబ్నగర్, వనపర్తి రోడ్, గద్వాల్, కర్నూలు సిటీ, ధోనే, గూటి, యర్రగుంట్ల, కడప, రాజంపేట, రేణిగుంట స్టేషన్లలో రెండు దిశలలో ఆగుతాయి.
సికింద్రాబాద్ – తిరుపతి స్పెషల్ ట్రైన్
ఇదిలా ఉండగా, రైలు నెం. 07041 సికింద్రాబాద్-తిరుపతి రైలు సర్వీసులు బుధ, శుక్రవారాల్లో అక్టోబర్ 2, 4, 9, 11, 16, 18, 23, 25, 30 మరియు నవంబర్ 1, 6, 8, 13 మరియు 15 తేదీల్లో నడుస్తాయి.
తిరుగు ప్రయాణంలో, రైలు నెం. 07042 తిరుపతి-సికింద్రాబాద్ రైలు సర్వీసులు అక్టోబర్ 3, 5, 10, 12, 17, 19, 24, 26, 31 మరియు నవంబర్ 2, 7, 9, 14, 16వ తేదీల్లో గురు, శనివారాల్లో నడుస్తాయి.
హాల్టింగ్ స్టేషన్స్
ఈ ప్రత్యేక రైళ్లు జనగాం, కాజీపేట, వరంగల్, మహబూబాబాద్, డోర్నకల్, ఖమ్మం, మధిర, విజయవాడ, తెనాలి, చీరాల, ఒంగోలు, నెల్లూరు, గూడూరు, రేణిగుంట స్టేషన్లలో రెండు వైపులా ఆగుతాయని దక్షిణ మధ్య రైల్వే (South Central Railway) ప్రకటించింది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..
🇮🇳 జాతీయ ప్రయోజనాలే పరమావధిగా.. 🇮🇳
