Ugadi 2026: తెలుగు కాలమానం ప్రకారం రాబోయే శ్రీ పరాభవ నామ సంవత్సర ఉగాది పర్వదినాన్ని పురస్కరించుకుని వరంగల్కు చెందిన ప్రముఖ పండితులు బ్రహ్మశ్రీ తుమ్మనేపల్లి రవీంద్రాచారి గారు పూజా ముహూర్తాలను ఉద్వాసన సమయాలను వెల్లడించారు.
ఉగాది పండుగ ముహూర్తాలు (మార్చి 19, 2026 – గురువారం):
- పండుగ ప్రారంభం: ఉదయం 8:05 నిమిషాలకు ఉగాది పండుగ ప్రారంభమవుతుంది.
- అమ్మవారిని ప్రతిష్టించడం: ఉదయం 9:40 నుండి మధ్యాహ్నం 2:20 నిమిషాల వరకు ఇళ్లలో మరియు వ్యాపార సంస్థలలో అమ్మవారిని కొలువుదీర్చడానికి అత్యంత శుభప్రదమైన సమయం.
- పూజా కార్యక్రమం: ఇదే సమయంలో దేవతారాధన, అఖండ దీపారాధన మరియు ఇష్టదైవ ప్రార్థనలు నిర్వహించుకోవడం శుభకరం.
Ugadi 2026 : ముఖ్య గమనిక – అమావాస్య సమయం:
మార్చి 19, గురువారం ఉదయం 7:26 నిమిషాల వరకు అమావాస్య తిథి ఉంటుంది. కావున, అమావాస్య రోజునే అమ్మవారిని పెట్టుకునే ఆచారం ఉన్నవారు ఉదయం 5:50 నుండి 7:05 నిమిషాల లోపు వారి ఆచారాల ప్రకారం పండుగను జరుపుకోవచ్చు.
అమ్మవారి ఉద్వాసన సమయం:
పండుగ పూజ అనంతరం అమ్మవారిని కదిలించే (ఉద్వాసన) సమయం మార్చి 19, గురువారం సాయంత్రం 5:40 నుండి రాత్రి 7:26 నిమిషాల మధ్య ఇళ్లలో మరియు దుకాణాలలో అమ్మవారిని, అఖండ దీపాన్ని కదిలించడం శుభప్రదం.
శుభ ముహూర్తాలు వివరాలు:
పండుగ తర్వాత కొత్త పనులు ప్రారంభించడానికి లేదా ఇతర శుభ కార్యాలకు పండితులు సూచించిన ముహూర్తాలు:
- మార్చి 20 (శుక్రవారం): ఉదయం 9:20 నుండి 10:50 వరకు (రేవతి నక్షత్రం, వృషభ లగ్నం).
- మార్చి 21 (శనివారం): ఉదయం 9:20 నుండి 10:50 వరకు (అశ్విని నక్షత్రం, వృషభ లగ్నం). ఇది అశ్విని నక్షత్రం మరియు ఆదినక్షత్రం కాబట్టి అందరూ ఈ ముహూర్తాన్ని ఉపయోగించుకోవచ్చు.
- మార్చి 25 (బుధవారం): ఉదయం 9:10 నుండి 10:30 వరకు (మృగశిర నక్షత్రం, వృషభ లగ్నం).
🇮🇳 జాతీయ ప్రయోజనాలే పరమావధిగా.. 🇮🇳