Hyderabad Lok Sabha elections 2024: హైదరాబాద్ జిల్లాలోని 15 అసెంబ్లీ నియోజకవర్గాల పరిధిలో గల ఓటర్ల జాబితా నుంచి చనిపోయిన, మారిన, నకిలీ ఓట్లతో సహా మొత్తం 5.41 లక్షల మంది ఓటర్లను ఎన్నికల సంఘం తొలగించింది.
తెలంగాణలో మొత్తం 17 లోక్సభ స్థానాలు ఉన్నాయి. హైదరాబాద్లో మే 13న నాలుగో విడలతో ఓటింగ్ జరగనుంది. ఏఐఎంఐఎం కంచుకోటగా నిలిచిన హైదరాబాద్ లోక్ సభ స్థానంలో AIMIM అధినేత అసదుద్దీన్ ఒవైసీపై బీజేపీ నుంచి మాధవి లత పోటీ చేస్తున్నారు. అందుకే రాష్ట్రంలోనే కాకుండా దేశవ్యాప్తంగా హాట్ సీట్ గా నిలిచింది. .
అయితే ఓట్ల తొలగింపుపై జిల్లా ఎన్నికల అధికారి మాట్లాడుతూ.. హైదరాబాద్ జిల్లాలో ఎన్నికల యంత్రాంగం ఓటర్ల జాబితా స్వచ్ఛతకు కృషిచేస్తోందని, ఎన్నికలు నిష్పక్షపాతంగా జరిగేలా అన్ని చర్యలు తీసుకుంటున్నామన్నారు. పోలింగ్ స్టేషన్లు అందుబాటులో ఉండే ప్రాంతాల్లోనే కాకుండా అన్ని ECI నిబంధనలకు కట్టుబడి ఉండేలా చూసేందుకు చర్యలు చేపట్టామని తెలిపారు.
జనవరి 2023 నుంచి హైదరాబాద్ జిల్లాలోని 15 అసెంబ్లీ నియోజకవర్గాలలో మొత్తం 47,141 మంది చనిపోయిన ఓటర్లు, 4,39,801 “బదిలీ ఓటర్లు” , 54,259 డూప్లికేట్ ఓటర్లను ఓటర్ల జాబితా నుంచి తొలగించారు. దీన్ని బట్టి హైదరాబాద్ లోక్ సభ పరిధిలో ECI సూచనలను అనుసరించి మొత్తం 5,41,201 మంది ఓటర్లను తొలగించినట్లు అధికారులు తెలిపారు.
వోటర్ల పరిశీలన కోసం అధికారులు వెళ్లినపుడు చాలా మంది ఓటర్లు ఎలక్టోరల్ రోల్లో “నాన్-స్టాండర్డ్” ఇంటి నంబర్లను కలిగి ఉన్నట్లు గుర్తించారు. అలాంటి ఓటర్లను గుర్తించేందుకు స్పెషల్ డ్రైవ్ చేపట్టి సవరణలు చేశారు. హైదరాబాద్ జిల్లాలో మొత్తం 1,81,405 మంది ఓటర్లను గుర్తించి వారి ఇంటి నంబర్లలో సవరణలు చేసినట్లు తెలిసింది.
Hyderabad Lok Sabha elections : పోలింగ్ శాతాన్ని మెరుగుపరచడానికి తీసుకున్న చర్యల్లో భాగంగా ఒకటి కుటుంబంలోని సభ్యులను ( “విభజిత ఓటర్లను” )ఒకే పోలింగ్ స్టేషన్కు తీసుకువచ్చారు. హైదరాబాద్ జిల్లాలో మొత్తం 3,78,713 సవరణలు చేయడంతో కుటుంబంలోని చీలిక ఓటర్లను ఒకే పోలింగ్ కేంద్రానికి తీసుకొచ్చారు.
గ్రేటర్ హైదరాబాద్ మునిసిపల్ కార్పొరేషన్ (జిహెచ్ఎంసి) కమీషనర్గా ఉన్న హైదరాబాద్ జిల్లా ఎన్నికల అధికారి, ఓటర్ల జాబితాల ప్రక్షాళనకు, ఓటర్లను సులభతరం చేయడానికి మరియు స్వేచ్ఛగా మరియు నిష్పక్షపాతంగా ఎన్నికల నిర్వహణకు అన్ని చర్యలు తీసుకున్నట్లు ప్రకటనలో తెలిపారు. హైదరాబాద్ జిల్లాలోని 15 అసెంబ్లీ నియోజకవర్గాలు హైదరాబాద్, సికింద్రాబాద్ లోక్సభ నియోజకవర్గాలలో భాగంగా ఉన్నాయి. హైదరాబాద్ లోక్సభ నియోజకవర్గ పరిధిలో ఆరు లక్షల బోగస్ ఓట్లు ఉన్నాయని ఆ నియోజకవర్గం బీజేపీ అభ్యర్థి కె మాధవి లత గతంలో ప్రకటించారు.
Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..
🇮🇳 జాతీయ ప్రయోజనాలే పరమావధిగా.. 🇮🇳
