Crop Loans | మెజారిటీ సంఖ్యలో లోక్సభ స్థానాలను గెలుచుకోవాలనే ఉద్దేశ్యంతో ముఖ్యమంత్రి రేవంత్ రెడ్డి (CM Revanth Reddy, ) రైతులకు ₹ 2 లక్షల వరకు రుణమాఫీని అమలు చేస్తానని హామీలు గుప్పించారు. దాదాపు ప్రతి ఎన్నికల ర్యాలీలో దేవుని పేరు మీద ఆయన ప్రమాణాలు కూడా చేశారు. ఇప్పుడు తెలంగాణలో పార్లమెంట్ ఎన్నికలు ముగియడంతో ముఖ్యమంత్రి తన హామీని నిలబెట్టుకోవాల్సిన సమయం వచ్చింది. కానీ ఆయన ముందున్న కఠినమైన వాస్తవం ఏమిటంటే, రైతులను అప్పుల కాడి నుండి విముక్తి చేయడానికి సీఎంకు ₹ 33,000 కోట్ల మేర నిధులు అవసరం ఉంది.
కనీస మద్దతు ధర కంటే బోనస్గా క్వింటాల్ వరికి రూ.500 చెల్లించడంతోపాటు అనేక సంక్షేమ పథకాలను కాంగ్రెస్ ప్రభుత్వం ఇప్పటికే ప్రకటించిన విషయం తెలిసిందే.. రాష్ట్రం ఇప్పటికే సబ్సిడీతో కూడిన ఎల్పిజి సిలిండర్ పథకాన్ని అమలు చేయడంతో పాటు 200 యూనిట్ల విద్యుత్తును ఉచితంగా అందించడం ప్రారంభించింది. ఇది సామాజిక భద్రత పెన్షన్, రైతు భరోసాను పెంచడం వంటి వాటిపై దృష్టి పెట్టాల్సి ఉంది. రాష్ట్ర ఖజానాతో నుంచి ఔట్ ఫ్లో ఇది వరద పోటులా కనిపిస్తోంది.
బీఆర్ఎస్, బీజేపీ నుంచి ముప్పేట దాడి
ఇచ్చిన హామాలను నెరవేర్చాలని రేవంత్ రెడ్డిపై విపక్ష బీఆర్ఎస్, బీజేపీ నుంచి విపరీతమైన ఒత్తిడి ఉంది. ముఖ్యమంత్రి ఎలా తమ వాగ్దానాలను నిలబెట్టుకుంటారోనని వారు ఎదురుచూస్తున్నారు. అయితే, పంద్రాగస్టు నాటికి రుణ మాఫీ చేసి తీరుతామని రేవంత్ రెడ్డి చెబుతూ వస్తున్నారు. సమస్యను పరిష్కరించేందుకు తన వద్ద అనేక ప్లాన్లు ఉన్నాయని ముఖ్యమంత్రి చెప్పారు.
పోలింగ్ ముగిసిన వెంటనే, రైతులకు తాను చేసిన హామీని నెరవేర్చే మార్గాన్ని కనుగొనాలని ముఖ్యమంత్రి ఆర్థికచ వ్యవసాయ శాఖను కోరారు. ఇది చాలా జటిలమైన సమస్యే అయినప్పటికీ, అధికారులు సాధ్యాసాధ్యాలను పరిశీలించి, పూర్తిగా అసాధ్యం కాకపోయినా దానిని అమలు చేయడం చాలా కష్టమని గుర్తించారు. రుణమాఫీకి ₹33,000 కోట్లకు పైగా అవసరమవుతున్నప్పటికీ,లబ్ధిదారుల అర్హత ప్రమాణాలు నిర్ణయించబడిన తర్వాత మాత్రమే ఖచ్చితమైన సంఖ్య తేలుతుంది. ఈ ప్రమాణాలలో ఒక కుటుంబంలో ఒక్కరు మాత్రమే రుణమాఫీకి అర్హులా లేదా చిన్న, సన్నకారు రైతులకు మాత్రమే పరిమితం చేయాలా లేదా రైతులందరికీ వర్తింపజేయాలా అనేదానిపై ముడిపడి ఉంటుంది.
రుణాల చెల్లింపు కోసం కొన్ని సూచనలు
ఒక కార్పొరేషన్ ద్వారా రైతుల రుణాలను చెల్లించాలనే ఆర్థిక శాఖ ఒక సూచనను రేవంత్ రెడ్డి ముందుంచింది. బ్యాంకులకు రెగ్యులర్ గా చెల్లింపులు చేసేందుకు కార్పొరేషన్ కు బడ్జెట్ లో కేటాయింపులు చేయాలని సూచించింది. ఇటీవల అధికారులు బ్యాంకర్లతో చర్చలు జరిపి తమ కార్యాచరణ ప్రణాళికను వారి ముందు ఉంచారు. బ్యాంకర్ల విషయానికొస్తే, వారు రుణాల చెల్లింపును పొందుతారు కాబట్టి వారికి సమస్య ఉండకపోవచ్చు. అయితే, సమస్య ఏమిటంటే, ప్రజల సొమ్ముతో రైతుల రుణాలను తిరిగి చెల్లించడాన్ని రిజర్వ్ బ్యాంక్ ఆఫ్ ఇండియా (ఆర్బిఐ) ఆమోదించదు.
ప్రభుత్వం ముందున్న మరో ఎంపిక దీర్ఘకాలిక రుణాలను పెంచడం. కానీ బ్యాంకులు ఈ ఆలోచనను ఇష్టపడకపోవచ్చు, ఎందుకంటే వారు వెంటవెంటనే తప్పనిసరిగా రుణాలను క్లియర్ చేయాలని చూస్తారు. ఆదాయాన్ని సమకూర్చే ఆస్తిని సృష్టించడం కోసం రుణాన్ని సేకరించినట్లయితే, బ్యాంకర్లకు అభ్యంతరం ఉండకపోవచ్చు. అయితే రైతుల రుణాల విషయంలో మాత్రం ఆస్తుల సృష్టి జరగడం లేదు. అవి రైతుల రుణాలు చెల్లించేందుకు ఉద్దేశించినది కాబట్టి అది సాధ్యం కాకపోవచ్చు.
రుణాల చెల్లింపులో సవాళ్లు
రాష్ట్ర ప్రభుత్వం ఎదుర్కొనే మరో సమస్య ఏమిటంటే, మారిన నిబంధనల ప్రకారం, రాష్ట్ర ప్రభుత్వాల రుణాలను గణించడంలో ఆఫ్బడ్జెట్ రుణాలు కూడా చేర్చబడ్డాయి. ఫిస్కల్ రెస్పాన్సిబిలిటీ అండ్ బడ్జెట్ మేనేజ్మెంట్ (FRMB) చట్టం ద్వారా నిర్దేశించబడిన రాష్ట్ర GSDPలో నాలుగు శాతం పరిమితిని వారు ఓవర్షూట్ చేస్తున్నారో లేదో ఈ గణన నిర్ణయిస్తుంది. అధికారులు చూస్తున్న ఇతర ఎంపికలు పన్నుల వసూలులో సామర్థ్యాన్ని మెరుగుపరచడం.
లేఅవుట్ రెగ్యులరైజేషన్ స్కీమ్ (ఎల్ఆర్ఎస్) అమలుకు రుసుము వసూలు చేయడం, ప్రభుత్వ భూముల అమ్మకం ద్వారా వచ్చే ఆదాయంతో రైతుల రుణాలు చెల్లించాలని ప్రభుత్వం భావిస్తున్నట్లు తెలుస్తోంది.
2024-25 బడ్జెట్లో, వివిధ అవసరాల కోసం 59,000 కోట్ల రుణాలను సమీకరించాలని రాష్ట్రం ప్రతిపాదించగా, అందులో ₹ 33,000 కోట్ల వరకు రుణాలు సేకరించేందుకు కేంద్రం అంగీకరించింది. ఇందులో రాష్ట్రం ఇప్పటికే ₹8000 కోట్లు సమీకరించింది. పంట రుణాల మాఫీపై తీసుకున్న రుణాల మొత్తం సొమ్మును రాష్ట్రం ఉపయోగించినట్లయితే, ఇతర సంక్షేమ పథకాలకు ఆర్థికంగా ఏమీ ఉండదు. ఈ లోటును నివారించేందుకు గుత్తేదారులకు బిల్లుల చెల్లింపును మళ్లీ వాయిదా వేయాలనే ప్రతిపాదన ఉంది.
1 ఏప్రిల్ 2019 మరియు 10 డిసెంబర్ 2023 మధ్య రైతులు పొందిన ₹2 లక్షల వరకు అన్ని రుణాలను మాఫీ చేయాలని ప్రభుత్వం ప్రతిపాదిస్తోంది. జిల్లా కేంద్ర సహకార బ్యాంకులు, ప్రాథమిక వ్యవసాయ సహకార సంఘాలు, గ్రామీణ వికాస బ్యాంకులు రుణమాఫీకి అర్హులైన రైతుల జాబితాలను రూపొందించి ప్రభుత్వానికి పంపాలని ఇప్పటికే ఆదేశాలు జారీ చేశారు.
రైతుల రుణమాఫీ కోసం పోరాటాలు
BRS ప్రభుత్వం, 2018లో రెండవ సారి అధికారంలోకి వచ్చిన తరువాత, పంట రుణమాఫీ పథకం-2018 కింద ప్రతి రైతు కుటుంబానికి ₹1 లక్ష వరకు రైతుల రుణాలను (Crop Loans) మాఫీ చేస్తానని ఇచ్చిన హామీని పూర్తిగా అమలు చేయయడంలో చివరికి విఫలమైంది.
2014 ఏప్రిల్ 1న లేదా ఆ తర్వాత మంజూరైన, పునరుద్ధరించబడిన రుణాలు (Crop Loans), 11 డిసెంబర్ 2018 నాటికి బకాయి ఉన్న రుణాలు ఈ పథకం కింద మాఫీకి అర్హులని అప్పటి ప్రభుత్వం పేర్కొంది. రాష్ట్ర ప్రభుత్వం రెండు దశల్లో ₹50,000 వరకు రుణాలను మాఫీ చేయగలిగింది. అయితే మిగిలిన ₹1 లక్ష వరకు రుణాలను పూర్తిగా పూర్తి చేయలేకపోయింది. వ్యవసాయ రంగానికి పెట్టుబడిగా పంట రుణాల మాఫీ పథకాన్ని రైతు సంఘాలు చాలా ముఖ్యమైనవిగా చూస్తున్నాయి. అయితే, ఈ సవాలుపై ప్రభుత్వం వాస్తవిక దృక్పథాన్ని కలిగి ఉండాలని వారు కోరుతున్నారు.
Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..
అలాగే న్యూస్ అప్డేట్స్ కోసం గూగుల్ న్యూస్ (Google News) తోపాటు ఎక్స్ (X) , వాట్సప్ చానల్ లో జాయిన్ కండి..
