Chandra Grahanam | మార్చి 3న సంపూర్ణ చంద్రగ్రహణం.. భారత్‌లో ‘బ్లడ్ మూన్’ దర్శనం – నగరాల వారీ సమయాలు ఇవే

Chandra Grahanam | మార్చి 3, 2026న ఈ సంవత్సరంలోని మొదటి ప్రధాన ఖగోళ సంఘటన జరగబోతోంది. గత నెలలో జరిగిన సూర్యగ్రహణం భారత్‌లో కనిపించకపోవడంతో, ఈసారి కనిపించే చంద్రగ్రహణం (Chandra Grahan) పై ఖగోళ పరిశీలకుల్లో ఉత్సాహం నెలకొంది. ఈసారి చంద్రగ్రహణం భారతదేశంలోని పలు ప్రాంతాల నుంచి కనిపించనుంది. దీనికి సంబంధించిన ముఖ్యమైన సమయాలు ఇలా ఉన్నాయి:

Chandra Grahanam : సింహరాశిలో చంద్రుడు

ఈసారి చంద్రగ్రహణం సింహరాశిలో, పూర్వ ఫల్గుణి నక్షత్రంలో సంభవిస్తుంది. జ్యోతిష్య పరంగా ఇది శుక్రునికి చెందిన నక్షత్రంగా భావిస్తారు. వ్యక్తిగత, వృత్తిపరమైన జీవితాల్లో మార్పులకు సంకేతంగా కొందరు భావిస్తారు.

(గమనిక: ఇవి జ్యోతిష్య విశ్లేషణలు మాత్రమే.)

‘బ్లడ్ మూన్’ అంటే ఏమిటి?

సంపూర్ణ చంద్రగ్రహణ సమయంలో చంద్రుడు భూమి నీడలోకి వెళ్తాడు. భూమి వాతావరణం ద్వారా వచ్చే ఎరుపు కాంతి తరంగదైర్ఘ్యాలు మాత్రమే చంద్రునిపై పడటంతో అది ఎరుపు లేదా రాగి రంగులో కనిపిస్తుంది. అందుకే దీనిని “బ్లడ్ మూన్” అంటారు. ఇది పూర్తిగా సహజ ఖగోళ ప్రక్రియ మాత్రమే.
సూర్యగ్రహణంలా కంటి రక్షణ అవసరం లేదు.

ఇతర దేశాల్లో కూడా దృశ్యమానత

ఈ సంపూర్ణ చంద్రగ్రహణం పాకిస్తాన్, ఆఫ్ఘనిస్తాన్, ఇరాన్, ఆస్ట్రేలియా, న్యూజిలాండ్, రష్యా, అమెరికా ఖండం మరియు ఆసియా దేశాల్లో కనిపించనుంది.

భారత్‌లో ఎప్పుడు కనిపిస్తుంది?

ఈ గ్రహణం “చంద్రోదయ గ్రహణం” కేటగిరీలో పడుతుంది. అంటే చంద్రుడు ఉదయించే సమయానికి గ్రహణం ఇప్పటికే ప్రారంభమై ఉంటుంది. దిల్లీ, ముంబై, బెంగళూరు, చెన్నై వంటి నగరాల్లో సుమారు సా. 6:20–6:30 మధ్య గ్రహణం చివరి దశ కనిపిస్తుంది. ఈశాన్య రాష్ట్రాల్లో చంద్రోదయం ముందుగా కావడంతో అక్కడ ఎక్కువసేపు గ్రహణం వీక్షించే అవకాశం ఉంటుంది.

నగరాల వారీ సమయాలు

చంద్రగ్రహణం ఎలా చూడాలి?

• తూర్పు దిశ స్పష్టంగా కనిపించే ప్రదేశాన్ని ఎంచుకోండి.
• బైనాక్యులర్లు లేదా చిన్న టెలిస్కోప్ ఉంటే స్పష్టంగా చూడవచ్చు.
• నగర వెలుగులు తక్కువగా ఉండే ప్రదేశం మంచిది.
• కంటి రక్షణ అవసరం లేదు.

మార్చి 3న హోలీ ఆడాలా? : జ్యోతిష్య సంప్రదాయాల ప్రకారం గ్రహణ సమయంలో హోలీ ఆడడం శుభప్రదంగా పరిగణించరు. అయితే ఇది వ్యక్తిగత విశ్వాసాలకు సంబంధించిన అంశం మాత్రమే.