IPL 2025 Mega Auction Vaibhav Suryavanshi : వైభవ్ సూర్యవంశీపై రాజస్థాన్ రాయల్స్ భారీ పందెం వేసింది. ఐపీఎల్ 2025 మెగా వేలంలో వైభవ్ను రాజస్థాన్ ఏకంగా రూ.1.10 కోట్లకు కొనుగోలు చేసింది. బేస్ ధర కంటే చాలా రెట్లు ఎక్కువ ధరకు ఒప్పందం కుదుర్చుకున్నారు. వేలంలో అమ్ముడుపోయిన అతి పిన్న వయస్కుడైన ఆటగాడు వైభవ్ నిలిచాడు. కేవలం 13 ఏళ్ల వయసులోనే చిన్న వయసులోనే ఎన్నో రికార్డులు సృష్టించాడు. అండర్ 19 టీమ్ ఇండియా తరఫున వైభవ్ అద్భుత ప్రదర్శన చేశాడు.
వైభవ్ కోసం జరిగిన వేలంలో ఢిల్లీ క్యాపిటల్స్ రాజస్థాన్తో తలపడింది. కానీ చివరకు రాజస్థాన్ గెలిచింది. వైభవ్పై ఢిల్లీ క్యాపిటల్స్ తొలి బిడ్ వేసింది. కానీ ఢిల్లీ చివరిగా కోటి రూపాయల వరకు బిడ్ వేసింది. అయితే రూ. 1.10 కోట్లకు రాజస్థాన్ కొనుగోలు చేసింది. కాగా, వైభవ్ సూర్యవంశీ బేస్ ధర రూ.30 లక్షలు మాత్రమే.
అండర్ 19 టీమ్ ఇండియా తరఫున వైభవ్ సెంచరీ
వైభవ్ స్వస్థలం బీహార్. అతను 2023లో రంజీ నుంచి అరంగేట్రం చేశాడు. 12 సంవత్సరాల 284 రోజుల వయస్సులో వైభవ్ తన తొలి మ్యాచ్ ఆడాడు. ఇప్పుడు ఐపీఎల్ ఆడేందుకు రెడీ అయ్యాడు.భారత అండర్ 19 జట్టులో వైభవ్ అద్భుత ప్రదర్శన చేశాడు. టీమిండియా తరఫున సెంచరీ చేశాడు. చెన్నైలో అండర్ 19 ఆస్ట్రేలియా జట్టుతో వైభవ్ మ్యాచ్ ఆడాడు. ఇందులో ఓ సెంచరీ నమోదు చేసుకున్నాడు.వైభవ్ కేవలం 62 బంతుల్లోనే 104 పరుగులు సాధించాడు.
రాజస్థాన్ వేలంలో..
ఐపీఎల్ వేలంలో అత్యంత ఖరీదైన ఆటగాడిని జోఫ్రా ఆర్చర్ రూపంలో రాజస్థాన్ కొనుగోలు చేసింది. 12.50 కోట్లకు ఆర్చర్ను జట్టు కొనుగోలు చేసింది. రూ.6.50 కోట్లకు తుషార్ దేశ్పాండేను కొనుగోలు చేసింది. అలాగే 5.25 కోట్లకు వానిందు హసరంగాను కొనుగోలు చేశారు. మహిష్ తీక్షణను రూ.4.40 కోట్లకు, నితీష్ రాణా కూడా 4.20 కోట్లకు రాజస్థాన్లో భాగమయ్యారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు
