టాంటాలమ్ అంటే ఏమిటి? ఇది ఎప్పుడు కనుగొన్నారు..దాని లక్షణాలు ఏమిటి?
Tantalum : పంజాబ్‌లోని సట్లెజ్ నది ఇసుకలో అరుదైన లోహం టాంటాలమ్ ఉన్నట్లు రోపర్‌లోని ఇండియన్ ఇన్స్టిట్యూట్ ఆఫ్ టెక్నాలజీ (ఐఐటీ) పరిశోధకుల బృందం కనుగొంది. ఇన్స్టిట్యూట్ సివిల్ ఇంజినీరింగ్ విభాగంలో అసిస్టెంట్ ప్రొఫెసర్ డాక్టర్ రెస్మి సెబాస్టియన్ నేతృత్వంలోని బృందం ఈ ఆవిష్కరణను చేసింది. నిపుణుల అభిప్రాయం ప్రకారం, ఎలక్ట్రానిక్స్, సెమీకండక్టర్లలో ఈ లోహాన్ని విస్తృతంగా ఉపయోగిస్తున్న నేపథ్యంలో ఈ టాంటాలమ్ నిల్వలు గుర్తించడం పంజాబ్‌కు మాత్రమే కాకుండా భారతదేశానికి ఎంతో ముఖ్యమైనది.
టాంటాలమ్ అంటే ఏమిటి?
టాంటాలమ్ పరమాణు సంఖ్య 73 కలిగిన అరుదైన లోహం. ఇది బూడిద రంగులో ఉంటుది. ఇది బరువైనది, చాలా గట్టిది. ప్రస్తుతం వాడుకలో ఉన్న అత్యంత తుప్పు-నిరోధక లోహాలలో ఒకటి. ఇది అధిక తుప్పు నిరోధకతను కలిగి ఉంటుంది, ఎందుకంటే ఇది గాలిలో ఉంచినప్పుడు ఇది ఆక్సైడ్ పొరను ఏర్పరుస్తుంది, ఇది బలమైన, వేడి యాసిడ్ పరిసరాలతో ఉంచినప్పుడు కూడా తొలగించడం చాలా కష్టం.
స్వచ్ఛమైనప్పుడు, టాంటాలమ్ సాగేదిగా ఉంటుంది. అంటే దానిని తెగిపోనీయకుండా సాగదీయవచ్చు.. లాగవచ్చు లేదా సన్నని తీగ లేదా దారంలోకి లాగవచ్చు. అంతేకాకుండా, US డిపార్ట్‌మెంట్ ఆఫ్ ఎనర్జీ ప్రకారం, ఇది “150°C కంటే తక్కువ ఉష్ణోగ్రతల వద్ద రసాయన ప్రక్రియకు గురిచేసినప్పుడు కూడా తట్టుకుంటుంది. హైడ్రోఫ్లోరిక్ యాసిడ్, ఫ్లోరైడ్ అయాన్ కలిగిన ఆమ్ల ద్రావణాలు, సల్ఫర్ ట్రైయాక్సైడ్ ద్వారా మాత్రమే క్షయం అవుతుంది. టాంటాలమ్ చాలా ఎక్కువ ద్రవీభవన స్థానం కలిగి ఉంది.
టాంటాలమ్ మొదటిసారి ఎప్పుడు కనుగొనబడింది?
టాంటాలమ్‌ను 1802లో స్వీడన్‌లోని యట్టర్‌బీ నుంచి పొందిన ఖనిజాలలో అండర్స్ గుస్టాఫ్ ఎకెన్‌బర్గ్ అనే స్వీడిష్ రసాయన శాస్త్రవేత్త కనుగొన్నారు. ప్రారంభంలో, ఎకెన్‌బర్గ్ నియోబియం యొక్క భిన్నమైన రూపాన్ని మాత్రమే కనుగొన్నారని భావించారు. అయితే ఇది రసాయనికంగా టాంటాలమ్‌తో సమానంగా ఉంటుంది. “1866లో స్విస్ రసాయన శాస్త్రవేత్త జీన్ చార్లెస్ గలిస్సార్డ్ డి మారిగ్నాక్ టాంటాలమ్, నియోబియం రెండూ విభిన్న మూలకాలు అని నిరూపించారు.
Tantalum ఉపయోగాలు ఏమిటి?
టాంటాలమ్ ఎలక్ట్రానిక్ రంగంలో విరివిగా ఉపయోగిస్తారు. టాంటాలమ్‌తో తయారు చేసిన కెపాసిటర్‌లు ఇతర కెపాసిటర్‌ల కంటే ఎక్కువ మన్నికగా ఉంటాయి. చిన్న పరిమాణాలలో ఎక్కువ విద్యుత్‌ను నిల్వ చేయగలవు. ఇది స్మార్ట్‌ఫోన్‌లు, ల్యాప్‌టాప్‌లు, డిజిటల్ కెమెరాల వంటి పోర్టబుల్ ఎలక్ట్రానిక్ పరికరాలలో ఉపయోగిస్తారు.
టాంటాలమ్ అధిక ద్రవీభవన స్థానం కలిగి ఉన్నందున, ఇది తరచుగా ప్లాటినంకు ప్రత్యామ్నాయంగా వినియోగిస్తారు. ఇది చాలా ఖరీదైనది. అరుదైన లోహాన్ని రసాయన కర్మాగారాలు, అణు విద్యుత్ ప్లాంట్లు, విమానాలు, క్షిపణుల భాగాలను తయారు చేయడానికి కూడా ఉపయోగిస్తారు. టాంటాలమ్ శరీర ద్రవాలతో చర్య తీసుకోదు. US డిపార్ట్‌మెంట్ ఆఫ్ ఎనర్జీ ప్రకారం, కృత్రిమ కీళ్ల వంటి శస్త్రచికిత్స పరికరాలు, ఇంప్లాంట్లు తయారు చేయడానికి కూడా ఉపయోగిస్తారు.
Green Mobility, Environment కి సంబంధించిన తాజా సమాచారం కోసం హరితమిత్ర ను సందర్శించండి.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..న్యూస్ అప్డేట్స్ కోసం గూగుల్ న్యూస్ (Google News), తోపాటు ట్విట్టర్ లో, WhatsApp లోనూ సంప్రదించవచ్చు.
