LPG Gas Saving Tips | పెరుగుతున్న ఎల్పీజీ (LPG) ధరలు సామాన్యుల బడ్జెట్పై భారం మోపుతున్నాయి. అయితే, మన వంటగదిలో చేసే చిన్న చిన్న మార్పుల ద్వారా గ్యాస్ వినియోగాన్ని గణనీయంగా తగ్గించవచ్చని నిపుణులు చెబుతున్నారు. కొన్ని అద్భుతమైన గ్యాస్ పొదుపు చిట్కాలు పాటించడం ద్వారా గ్యాస్ కొరత నుంచి ఉపశమనం పొందవచ్చు. ఆ చిట్కాలు ఏంటో ఇప్పుడు చూద్దాం..
1. ప్రెజర్ కుక్కర్ను ఎక్కువగా వాడండి
సాధారణ పాత్రలతో పోలిస్తే ప్రెజర్ కుక్కర్లో వంట చేయడం వల్ల సమయం, గ్యాస్ రెండు ఆదా అవుతాయి. పప్పులు, బియ్యం, బంగాళాదుంపలు వంటివి కుక్కర్లో త్వరగా ఉడుకుతాయి.
2. వంటకు ముందే నానబెట్టండి
పప్పులు, శనగలు, రాజ్మా లేదా బియ్యం వంటి వాటిని వండటానికి కనీసం 30 నిమిషాల ముందు నానబెట్టడం వల్ల అవి మెత్తబడి, తక్కువ సెగతోనే త్వరగా ఉడుకుతాయి.
3. మూత పెట్టి వంట చేయడం మర్చిపోవద్దు
వంట పాత్రపై మూత పెట్టడం వల్ల లోపల ఆవిరి (Steam) పేరుకుపోయి ఆహారం వేగంగా ఉడుకుతుంది. మూత లేకుండా వండితే వేడి బయటకు పోయి గ్యాస్ ఎక్కువగా ఖర్చవుతుంది.
4. కూరగాయలను చిన్న ముక్కలుగా కోయండి
పెద్ద పెద్ద ముక్కల కంటే చిన్న ముక్కలుగా కోసిన కూరగాయలు వేగంగా ఉడుకుతాయి. దీనివల్ల వంట సమయం తగ్గి గ్యాస్ ఆదా అవుతుంది.
5. పాత్రకు తగ్గ బర్నర్ ఎంచుకోండి
చిన్న గిన్నెను పెద్ద బర్నర్పై పెడితే మంట పక్కల నుంచి వృధాగా పోతుంది. పాత్ర పరిమాణాన్ని బట్టి బర్నర్ను (చిన్నది లేదా పెద్దది) ఎంచుకోవడం చాలా ముఖ్యం.
6. పాత్రల అడుగు భాగం ఎలా ఉండాలి?
మందపాటి మరియు చదునైన (Flat bottom) అడుగు భాగం కలిగిన పాత్రలు వేడిని సమానంగా గ్రహించి వంటను వేగవంతం చేస్తాయి.
7. బర్నర్ శుభ్రత ముఖ్యం
గ్యాస్ బర్నర్లు మురికిగా ఉంటే మంట నీలి రంగులో కాకుండా పసుపు రంగులో వస్తుంది. దీనివల్ల గ్యాస్ వృధా అవుతుంది. కాబట్టి క్రమం తప్పకుండా బర్నర్లను క్లీన్ చేయాలి.
8.LPG Gas Saving Tips : చివరి వేడిని (Residual Heat) వాడండి
వంట దాదాపు పూర్తయ్యే దశలో ఉన్నప్పుడు స్టవ్ ఆపివేయండి. ఆ పాత్రలో ఉండే వేడికే మిగిలిన కొద్దిపాటి వంట పూర్తవుతుంది.
🇮🇳 జాతీయ ప్రయోజనాలే పరమావధిగా.. 🇮🇳
