Heavy Rains | తెలంగాణలో పలు జిల్లాలకు ఎల్లో అలెర్ట్.. ఇక ఐదురోజులు వర్షాలే..
Telangana Heavy Rains | తెలంగాణలో రానున్న ఐదు రోజుల పాటు తేలిక పాటి నుంచి మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. గురువారం నుంచి శనివారం వరకు రాష్ట్రవ్యాప్తంగా పలు ప్రాంతాల్లో వానలు కురుస్తాయని తెలిపింది. ఆదివారం, సోమవారాల్లో పలు జిల్లాల్లో భారీ వర్షాలు పడ‌నున్నాయ‌నిపేర్కొంది.
ఈ క్రమంలో రాష్ట్రంలోని పలు జిల్లాలకు ఎల్లో అలెర్ట్‌ను జారీ చేసింది. ఆదివారం ఖమ్మం, భద్రాద్రి కొత్తగూడెం, నల్లగొండ, సూర్యాపేట, నాగర్కర్నూల్, వనపర్తి జిల్లాల్లో పలుచోట్ల వర్షాలు కురిసే అవకాశం ఉన్న‌ట్లు వాతావరణ కేంద్రం వెల్లడించింది. పలుచోట్ల ఉరుములు, మెరుపులు, 30-40 కిలోమీటర్ల వేగంతో ఈదురుగాలులు వీస్తాయని హెచ్చరించింది.ఇక సోమవారం మంచిర్యాల, కరీంనగర్‌, పెద్దపల్లి, వరంగల్‌, భూపాలపల్లి, ములుగు, మహబూబాబాద్, జనగామ జిల్లాలో భారీ వర్షాలు (Heavy Rains) కురుస్తాయని...
