Thursday, February 13Thank you for visiting

TGSRTC New Electric Buses |ఆర్టీసీ ప్రయాణికుల‌కు గుడ్‌న్యూస్‌.. త్వ‌ర‌లో రోడ్ల‌పైకి కొత్త‌గా 1000 ఎలక్ట్రిక్ బస్సులు

Spread the love

New Electric Buses | రాష్ట్రంలో హరిత వాతావరణాన్ని పెంపొందించేందుకు, కాలుష్య భూతాన్ని క‌ట్ట‌డి చేసే దిశ‌గా తెలంగాణ రాష్ట్ర రోడ్డు రవాణా సంస్థ (TGSRTC) ముందుకు సాగుతోంది. తాజాగా 1000 కొత్త ఎలక్ట్రిక్ బస్సులకు ఆర్డర్ ఇచ్చింది. దశలవారీగా ఈ బస్సులు రోడ్డెక్కించాల‌ని అధికారులు భావిస్తున్నారు. ప్రస్తుతం, RTC కింద ఎలక్ట్రిక్ బస్సులు గ్రాస్ కాస్ట్ కాంట్రాక్ట్ (GCC) మోడల్‌లో నడుస్తున్నాయి.

1000 ఎలక్ట్రిక్ బస్సుల్లో 500 ఎలక్ట్రిక్ బస్సులను హైదరాబాద్‌లోనే నడిపే అవకాశం ఉంది. ఇతర ఎలక్ట్రిక్ బస్సులు సూర్యాపేట, వరంగల్, నల్గొండ, కరీంనగర్, నిజామాబాద్ వంటి అత్య‌ధిక ట్రాఫిక్ రూట్లలో న‌డవ‌నున్నాయి. హెచ్‌సియు, హయత్‌నగర్‌తో సహా డిపోలలో డీజిల్ బస్సుల స్థానంలో ఎలక్ట్రిక్ బస్సులు కూడా ఉంటాయి. ప్రస్తుతం ఉన్న కొన్ని ఎలక్ట్రిక్, డీజిల్ బస్సులను డిమాండ్ ఉన్న గ్రామీణ ప్రాంతాలకు కేటాయించనున్నారు.

READ MORE  Transfers In Telangana | రాష్ట్రంలో కొనసాగుతున్న బదిలీల పర్వం

మరోవైపు ఎంజీబీఎస్‌, జేబీఎస్‌, హెచ్‌సీయూ, హయత్‌నగర్‌-2, రాణిగంజ్‌, కూకట్‌పల్లి, బీహెచ్‌ఈఎల్‌, హైదరాబాద్‌-2, వరంగల్‌, సూర్యాపేట, కరీంనగర్‌-2, నిజామాబాద్‌ సహా పలు డిపోల్లో కూడా ఛార్జింగ్‌ స్టేషన్లు ఏర్పాటు చేస్తున్నారు. ఒక్కో స్టేషన్‌లో 20 నుంచి 25 ఛార్జింగ్ గన్‌లు ఉన్నాయి, ఇవి ఒకే సమయంలో ఒకటి కంటే ఎక్కువ బస్సులను కలిగి ఉంటాయి. అలాగే, కొత్త ఎలక్ట్రిక్ బస్సులు, ఈవీ ఛార్జింగ్ స్టేషన్లను త్వరలో ముఖ్యమంత్రి ఎ రేవంత్ రెడ్డి ప్రారంభించ‌నున్న‌ట్లు స‌మాచారం. ప్రస్తుతం TGSRTC RGIA రూట్‌లో 49 బస్సులు, విజయవాడ, హైదరాబాద్ రూట్ మధ్య 10 ఎలక్ట్రిక్ బస్సులతో సహా 100 ఎలక్ట్రిక్ బస్సుల(New Electric Buses)ను నడుపుతోంది.

READ MORE  New Energy Policy in Telangana | రాష్ట్రంలో త్వరలో కొత్త విద్యుత్ పాలసీ

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..

న్యూస్ అప్డేట్స్  కోసం గూగుల్ న్యూస్ (Google News), తోపాటు, ఫేస్ బుక్,  ఎక్స్ (ట్విట్టర్) లో జాయిన్ కండి.

Leave a Reply

Your email address will not be published. Required fields are marked *

అత్యాధునిక హంగులతో చర్లపల్లి రైల్వే టెర్మినల్ చూశారా? దుర్గదేవి నవరాత్రి ఉత్సవాలు.. తొమ్మిది ఆలయాలు..