Pink eye (conjunctivitis) : దేశవ్యాప్తంగా కాంజుంక్టివిటిస్ (కండ్ల కలక) కేసులు ఆందోళనకర స్థాయిలో పెరుగుతున్నాయి. ఈ ఇన్ఫెక్షన్ సోకిందంటే చాలు కళ్ల ఎర్రబబడిపోయి తీవ్రమైన మంట, నొప్పి చికాకును కలిగిస్తుంది. అసలు ఈ కండ్ల కలక ఎందుకొస్తుంది. ఇది వ్యాప్తి చెందకుండా ఎలాంటి జాగ్రత్తలు తీసుకోవాలనే విషయాలను ఇప్పుడు తెలుసుకుందాం..
కండ్ల కలకను ఐ ఫ్లూ (Eye Flu) లేదా పింక్ ఐ అని కూడా పిలుస్తారు. ఎడతెగని వర్షం, తేమతో కూడిన వాతావరణం, వైరస్, బ్యాక్టీరియా వ్యాప్తికి అనువైన పరిస్థితులు ఉండడంతో ఈ కంటి ఇన్ఫెక్షన్ కేసులు పెరుగుతున్నాయి. కండ్ల కలక తో కళ్ళు ఎరుపెక్కి, దురద కలిగిస్తుంది. అలెర్జీ లేదా ఇన్ఫెక్షన్ కారణంగా సంభవించే ఈ కండ్ల కలక కంటి వాపునకు కారణమవుతుంది. ఇది కంటిలోని తెల్లని భాగాన్ని కప్పివేస్తుంది. వర్షాకాలంలో అధిక తేమ కలిగిన వాతావరణంలో ఐ ఫ్లూ సర్వసాధారణంగా వ్యాపిస్తుంది.
క్రమం తప్పకుండా ముఖం కడుక్కోవడం, తరచుగా కళ్లను తాకకుండా ఉండడం, పరిసరాలను పరిశుభ్రంగా ఉంచుకోవడం ద్వారా ఐ ఫ్లూ వ్యాప్తిని నిరోధించవచ్చు. తల్లిదండ్రులు పిల్లలను తరచుగా చేతులు కడుక్కోవాలని ప్రోత్సహించాలి, వారి చేతి రుమాలు ఇతర పిల్లలతో పంచుకోకూడదు, వారి కళ్లను తాకకుండా ఉండాలి.
కండ్లకలక అనేది ఒక సాధారణ కంటి ఇన్ఫెక్షన్. ఇది కంటిలోని తెల్లని భాగాన్ని కప్పి, కనురెప్పల లోపలి ఉపరితలాన్ని కప్పి ఉంచే సన్నని, పారదర్శక పొరకు ఇన్ఫెక్షన్
సోకుతుంది. ఇన్ఫెక్షన్ కారణంగా ఎరుపు, దురద, మంట, కంటి నుంచి నీరు కారడం, కళ్ళలో విపరీతమైన నొప్పి వంటివి సంభవిస్తాయి.
కళ్ల కలక ఎలా ఎందుకు వస్తుంది..?
పెరిగిన తేమ
వర్షాకాలంలో వాతావరణం అధిక తేమను కలిగి ఉంటుంది. ఇది వైరస్ లు, బ్యాక్టీరియా పెరుగుదలకు అలాగే వ్యాప్తికి అనుకూలంగా ఉంటుంది. ఈ పెరిగిన తేమ వల్ల కంటి
ఇన్ఫెక్షన్లకు కారణమయ్యే వ్యాధికారక సూక్ష్మజీవులకు అనువైన సంతానోత్పత్తికి అవకాశం కల్పిస్తుంది.
కలుషితమైన నీరు
వర్షాకాలంలో పారిశుద్ధ్యం సరిగా లేకపోవడం, నీటి వనరులు కలుషితం కావడం, కలుషితమైన నీటితో ముఖం కడుక్కోవడం వల్ల కళ్లలోకి హానికరమైన సూక్ష్మజీవులు చేరి,
కండ్లకలక వంటి ఇన్ఫెక్షన్లకు దారితీస్తాయి.
అలెర్జీ కారకాలు
వర్షాకాలం గాలిలో ఫంగస్, ఇతర అలెర్జీ కారకాలను పెంచుతుంది. ఈ అలెర్జీ కారకాలు కళ్లతో తాకినప్పుడు కండ్లకలక సంభవించవచ్చు,
నివారణకు ఏంచేయాలి?
సరైన పరిశుభ్రత పాటించండి
సబ్బుతో లేదా నీటితో మీ చేతులను క్రమం తప్పకుండా కడగాలి. ముఖ్యంగా మీ కళ్ళను తాకడానికి ముందు. మీ కళ్లను రుద్దడం మానుకోండి. ఇలా చేయడం వల్ల కళ్లను మరింత చికాకుపెట్టడంతోపాటు ఇన్ఫెక్షన్లను వ్యాప్తి చేస్తుంది.
మీ ముఖాన్ని తాకడం మానుకోండి
కళ్లలోకి హానికరమైన వ్యాధికారక క్రిములను ప్రవేశపెట్టే ప్రమాదాన్ని తగ్గించడానికి, అపరిశుభ్రమైన చేతులతో మీ కళ్ళు, ముక్కు, నోటిని తాకడం మానుకోండి.
వ్యక్తిగత వస్తువులు..
టవల్, రుమాలు లేదా ఇతర వ్యక్తిగత వస్తువులను ఇతరులతో పంచుకోవద్దు. ఇది ఒక వ్యక్తి నుండి మరొకరికి అంటువ్యాధులను వ్యాప్తి చేస్తుంది.
కళ్లజోడు ఉపయోగించండి
మీరు వర్షాకాలంలో బయటికి వెళుతున్నట్లయితే, దుమ్ము, అలెర్జీ కారకాలు, కలుషితమైన నీటి నుండి మీ కళ్ళను రక్షించడానికి సన్ గ్లాసెస్ వంటివి ధరించండి.
పరిశుభ్రమైన పరిసరాలు
మీ నివాస స్థలం శుభ్రంగా, దుమ్ముధూళి లేకుండా ఉండేలా చూసుకోండి. అలర్జీలు కలిగిచే దమ్ము, సూక్ష్మజీవులు దరికి చేరకుండా కర్టెన్లు, పరుపులు, కార్పెట్లను క్రమం తప్పకుండా శుభ్రం చేయండి.
సొంత వైద్యం వద్దు
మీరు కంటికి అసౌకర్యం లేదా కండ్లకలక లక్షణాలను మీలో కనిపిస్తే నేత్ర వైద్యున్ని సంప్రదించండి. అంతేగానీ సొంత వైద్యం, ఇతరుల సలహాలు విని ఏవేవో ఐ డ్రాప్స్ వేసుకోవద్దు. ఎందుకంటే అవి మీకు పడకపోవచ్చు.
అప్ డేట్స్ తెలుసుకోండి
మీ ప్రాంతంలో వాతావరణ పరిస్థితులు , వ్యాధుల వ్యాధి వ్యాప్తి గురించి అప్డేట్ అవుతూ ఉండడండి స్థానిక ఆరోగ్య అధికారులు జారీ చేసిన సలహాలు, జాగ్రత్తలను
అనుసరించడం వలన మీరు సురక్షితంగా వ్యాధులకు దూరంగా ఉండొచ్చు.
రోగనిరోధక శక్తిని పెంచండి
ఆరోగ్యకరమైన రోగనిరోధక వ్యవస్థ మీ శరీరాన్ని ఇన్ఫెక్షన్ల నుండి రక్షించడంలో సహాయపడుతుంది. సమతుల ఆహారం తీసుకోండి, క్రమం తప్పకుండా వ్యాయామం చేయండి మరియు వర్షాకాలంలో మీ రోగనిరోధక వ్యవస్థకు మద్దతు ఇవ్వడానికి తగినంత విశ్రాంతి తీసుకోండి.
Electric Vehicles అప్డేట్ల కోసం హరితమిత్రను చూస్తూ ఉండండి, తాజా తెలుగు వార్తల కోసం మా వందేభారత్ వెబ్ సైట్ ను సందర్శించండి
