Cylinder Price | గుడ్ న్యూస్.. తగ్గిన కమర్షియల్ సిలిండర్ ధర..

Cylinder Price | చమురు మార్కెటింగ్ కంపెనీలు కమర్షియల్ LPG గ్యాస్ సిలిండర్ల ధరలను రూ. 69.50 తగ్గించాయి, ఇది జూన్ 1 నుండి  అమలులోకి వస్తుంది. ఈ సర్దుబాటుతో ఢిల్లీలో 19 కిలోల వాణిజ్య LPG సిలిండర్ రిటైల్ ధర రూ.1,676కి చేరుకుంది.

వార్తా సంస్థ ANI ప్రకారం , భారతదేశంలోని ఇతర మెట్రో నగరాల్లో ఈ తాజా ధరలు అందుబాటులోకి వచ్చాయి.

కాగా మే 1, 2024న 19 కిలోల కమర్షియల్ LPG సిలిండర్‌ల ధర రూ. 19 తగ్గింది.. ఈ వరుస తగ్గింపులు వల్ల ఆర్థిక ఇబ్బందులు ఎదుర్కొంటున్న, నిర్వహణ ఖర్చులతో కష్టపడుతున్న చిరు వ్యాపారాలకు ఉపశమనం కలిగింది.

ముంబైలో వాణిజ్య LPG సిలిండర్ ధర

ముంబైలోకూడా కమర్షియల్  సిలిండర్ ధర .69.50 తగ్గింది. కొత్త రేటును రూ.1,629గా నిర్ణయించింది.చెన్నై ధర ఇప్పుడు రూ.1,841.50గా ఉండగా, కోల్‌కతాలో   రూ.1,789.50గా ఉంది.

ఏప్రిల్‌లో 19 కిలోల కమర్షియల్ సిలిండర్లు, 5 కిలోల ఎఫ్‌టిఎల్ (ఫ్రీ ట్రేడ్ ఎల్‌పిజి) సిలిండర్ల ధరలు వరుసగా రూ.30.50, రూ.7.50 తగ్గాయి.

ఇండియన్ ఆయిల్ కార్పొరేషన్ (IOC), భారత్ పెట్రోలియం కార్పొరేషన్ లిమిటెడ్ (BPCL), హిందుస్థాన్ పెట్రోలియం కార్పొరేషన్ లిమిటెడ్ (HPCL) ప్రతి నెలా 1వ తేదీన వంట గ్యాస్ ధరలను సర్దుబాటు చేస్తాయి.

అర్హత కలిగిన కుటుంబాలకు సబ్సిడీలను అందించే ప్రధాన మంత్రి ఉజ్వల యోజన వంటి వివిధ పథకాల ద్వారా గృహ వంట కోసం LPG సిలిండర్‌లను ఉపయోగించడాన్ని ప్రభుత్వం ప్రోత్సహిస్తుంది.

ధర తగ్గడానికి నిర్దిష్ట కారణాలు వెల్లడి కానప్పటికీ, అంతర్జాతీయ చమురు ధరల హెచ్చుతగ్గులు, పన్ను విధానాల్లో మార్పులు, సరఫరా-డిమాండ్ డైనమిక్స్ వంటి అంశాలు ఈ ధరలను ప్రభావితం చేస్తాయి. వాణిజ్య, గృహ LPG సిలిండర్‌ల కోసం సమీక్షలు సాధారణంగా ప్రతి నెల మొదటి రోజున జరుగుతాయి.