Ugadi Panchangam karkataka Rasi Phalalu | క్రోధి నామ ఉగాది పంచాంగం: కర్కాటక రాశి వారికి కొత్త సంవత్సరం ఫలితాలు ఎలా ఉన్నాయి..

ఈ సంవత్సర కర్కాటక రాశి వారికి 2-05-2024 నుండి సంవత్సరాంతం వరకు లాభ స్థానంలో, బృహస్పతి , శని అష్టమ స్థానం , భాగ్య స్థానంలో, అలాగే  కేతువు తృతీయ స్థానంలో సంచారం చేస్తున్నాడు..

Ugadi Panchangam karkataka Rasi Phalalu  శ్రీ కోధి నామ సంవత్సరంలో కర్కాటక రాశి (Cancer Sign ) వారికి మిశ్రమమైన ఫలితాలు గోచరిస్తున్నాయి. మితిమీరిన ఆత్మవిశ్వాసం మంచిది కాదు అని గ్రహిస్తారు. నమ్మిన వారు మోసం చేయడం వలన మానసికంగా కొంత కుంగిపోతారు. శరీరంలో దాగివున్న పాత రోగాలు తిరగబడతాయి. విద్యార్థులకు యోగదాయకమైన కాలం. వివాహ ప్రయత్నాలు చేసే వారికి అనుకూలమైన సమయం.

కుల సంఘాల ప్రోత్సాహం వలన సంఘంలో గౌరవ మర్యాదలు పెరుగుతాయి. సొమ్ము కొంత దొంగల పాలవుతుంది. వ్యాపార స్థలములో అగ్ని ప్రమాదాలు జరిగే అవకాశాలు ఉన్నాయి. కోర్టు కేసులు వాయిదా పడతాయి.

 విదేశీ యాన ప్రయత్నాలు చేసే వారికి వీసా మంజూరు అవుతుంది. Real Estate, Construction రంగంలో ఉన్నవారికి సంతృప్తికరమైన ఆదాయం ఉంటుంది. వడ్డీ వ్యాపారం చేసే వారికి నష్టాలు కలుగుతాయి. పాలు, కూరగాయల వ్యాపారం చేసే వారికి ఆదాయం పెరుగుతుంది. మిర్చి వ్యాపారస్తులకు మంచి లాభాలు ఉంటాయి. వాహనాలు నడిపేటప్పుడు చాలా జాగ్రత్తగా ఉండండి. ఆశ్లేష నక్షత్ర స్త్రీలు బంగారం చేజార్చుకునే అవకాశం కలదు. రాజకీయరంగంలో ఉన్నవారికి గడ్డు కాలము. సోదరుల సహాయంతో కొంత అప్పు తీర్చగలుగుతారు.

Panchangam karkataka Rasi Phalalu జ్యోతిష్య వృత్తిలో ఉన్న వారికి అపకీర్తి తప్పదు. కడుపుకు సంబంధించిన అనారోగ్య సమస్యల వల్ల ఇబ్బంది పడతారు. పుష్యమి నక్షత్ర జాతకులకు మధ్యవర్తిత్వం వలన ఇబ్బందులు కలుగుతాయి. కొత్తగా పరిచయమైన వ్యక్తులను అతిగా నమ్మకూడదు. వివాహ ప్రయత్నాలు చేసే వారికి అనుకూల సమయం. వేళ తప్పిన భోజనం ఉంటుంది. Medicine Manufacture వ్యాపారం చేసేవారికి ప్రభుత్వం నుంచి నోటీసులు అందుతాయి. Cement & Hardware వ్యాపారస్తులకు నష్టాలు కలుగును. వీలైనంతవరకు అప్పు చేయకూడదు. ఈ రాశి వారు శనికి జపం చేయించి తగు దానాలు చేయాలి. ఆంజనేయ స్వామి ఆరాధన చెప్పదగిన సూచన.