LIC Bima Sakhi Application : ప్రధాన మంత్రి నరేంద్ర మోదీ ఇటీవల బీమా సఖీ యోజనను ప్రారంభించిన విషయం తెలిసిందే.. చదువుకున్న మహిళలను ఆర్థికంగా నిలదొక్కునేందుకు వారిని స్వావలంబనగా తీర్చిదిద్దడమే లక్ష్యంగా LIC బీమా సఖీ పథకాన్ని అమలుచేస్తున్నారు. ఈ పథకం కేవలం మహిళలకు మాత్రమే.. వయసుతో నిమిత్తం లేకుండా అందరూ ఈ పథకంలో చేరవచ్చు. 10వ తరగతి ఉత్తీర్ణులైన 18 నుంచి 70 సంవత్సరాల మధ్య వయస్సు గల మహిళలు బీమా సఖి పథకానికి అర్హులు. పథకంలో చేరిన మహిళలను “బీమా సఖీ” (Bima Sakhi) అని పిలుస్తారు. ఆమె తన ప్రాంతంలోని మహిళలకు బీమా పథకాల గురించి అవగాహన పెంపొందించడంతోపాటు వారిని బీమా పథకాల్లో చేర్పించాల్సి ఉంటుంది. తద్వారా వారికి స్వయం ఉపాధి అవకాశాలు లభిస్తాయి. బీమా సఖీ పథకం గురించి పూర్తి వివరాలు ఇప్పుడు తెలుసుకుందాం.
బీమా సఖి పథకం గురించి
లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC ) ప్రవేశపెట్టిన ఈ పథకంలో పదో తరగతి ఉత్తీర్ణులైన 18 నుండి 70 ఏళ్ల మధ్య వయస్సు గల మహిళలకు సాధికారత కల్పించడానికి ఉద్దేశించింది.. ఈ పథకం కింద, విద్యావంతులైన మహిళలకు మొదటి 3 సంవత్సరాలు శిక్షణ ఇస్తారు. ప్రజలలో ఆర్థిక అక్షరాస్యత పెంచడంతోపాటు, బీమా ప్రాముఖ్యతను వివరిస్తారు.. ఇందుకోసం వారికి ప్రత్యేక శిక్షణ ఇవ్వనున్నారు. శిక్షణ సమయంలో మహిళలు కూడా కొంత స్టైఫండ్ ఇస్తారు.. మూడు సంవత్సరాల శిక్షణ తర్వాత, ఈ పదో తరగతి మహిళలు ఎల్‌ఐసిలో బీమా ఏజెంట్లుగా పని చేస్తారు. అలాగే బ్యాచిలర్ డిగ్రీ పాస్ అయిన బీమా సఖీలకు ఎల్‌ఐసిలో డెవలప్‌మెంట్ ఆఫీసర్‌గా అవకాశం లభిస్తుంది.
ఈ పథకం కోసం దరఖాస్తు చేసుకునే మహిళలు కనీసం మెట్రిక్యులేషన్/హైస్కూల్/10వ తరగతి పాస్ సర్టిఫికెట్ కలిగి ఉండాలి.
అన్ని బీమా పథకాల్లో చేరేందుకు నిర్ణీత వయోపరిమితి ఉంది. 18 నుంచి 70 ఏళ్ల మధ్య ఉన్న మహిళలు ఈ పథకానికి దరఖాస్తు చేసుకోవచ్చు.
మూడేళ్ల పాటు శిక్షణ
LIC Bima Sakhi Application : LIC యొక్క బీమా సఖీ (MCA పథకం) మహిళలకు మాత్రమే. ఇది స్టైఫండ్ పథకం. పథకంలో భాగమైన తర్వాత, 10వ తరగతి ఉత్తీర్ణులైన మహిళలకు మొదటి మూడు సంవత్సరాలు శిక్షణ ఇస్తారు. ఈ కాలంలో వారికి ప్రతి నెలా స్టైఫండ్ రూపంలో డబ్బు అందుతుంది.
ఈ పథకం యొక్క లక్ష్యం మహిళలను ఇన్సూరెన్స్ ఏజెంట్లుగా మహిళల ఆర్థిక అక్షరాస్యత కోసం శిక్షణ ఇవ్వడం. , మహిళలకు బీమా పాలసీలను విక్రయించడంలో శిక్షణ ఇస్తారు. ఫలితంగా వారి ఆదాయం పెరగడంతోపాటు కుటుంబాలకు ఆర్థిక భద్రతకు భరోసా లభిస్తుంది.
MCA స్కీమ్ కింద కార్పొరేషన్‌లో ఉద్యోగిగా ఏ వ్యక్తిని నియమించినా అది వేతన నియామకంగా పరిగణించబడదు. అంటే, ఈ పథకం కింద నియమితులయ్యే వ్యక్తులను కార్పొరేషన్ రెగ్యులర్ ఉద్యోగులుగా పరిగణించరు. జీతం చెల్లించరు. ఈ వ్యక్తులు ట్రైనీలు లేదా సహాయకులుగా మాత్రమే పనిచేస్తారు. వారికి నెలవారీగా నిర్ణీత మొత్తం (స్టైపెండ్) చెల్లిస్తారు. కానీ కార్పొరేషన్ శాశ్వత ఉద్యోగుల వంటి హక్కులు ప్రయోజనాలు ఉండవని గమనించాలి. MCA పథకం కింద, పాల్గొనేవారు ప్రతి సంవత్సరం నిర్దిష్ట పనితీరు నిబంధనలను కలిగి ఉండాలి.
బీమా సఖీ యోజనలో మీకు ఎంత డబ్బు వస్తుంది?
బీమా సఖీ పథకంలో చేరిన మహిళలు మొదటి 3 సంవత్సరాలు శిక్షణ పొందాలి. ఈ సమయంలో వారికి కొంత డబ్బు కూడా వస్తుంది. వీరి వివరాలు ఇలా ఉన్నాయి.
LIC అధికారిక వెబ్‌సైట్ (https://licindia.in/test2) ప్రకారం, 10వ తరగతి ఉత్తీర్ణులైన మహిళలకు పథకం కింద మొదటి సంవత్సరం కమీషన్ (బోనస్ కమీషన్ మినహా) 84,000 ఉంటుంది. ఈ పథకం కింద బీమా ఏజెంట్లుగా పనిచేసే మహిళల సంపాదనలో కమీషన్ కూడా ఒక భాగంగా ఉంటుంది. ఈ కమీషన్ కాకుండా, ప్రోగ్రామ్ మొదటి మూడు సంవత్సరాలలో పాల్గొనేవారు నెలవారీ స్టైఫండ్‌ను కూడా అందుకుంటారు.
మొదటి సంవత్సరం: నెలకు రూ. 7,000
రెండవ సంవత్సరం: నెలకు రూ. 6,000 స్టైఫండ్ ఇస్తారు. బీమా ఏజెంట్లుగా పనిచేస్తున్న మహిళలు తమ మొదటి సంవత్సరంలో విక్రయించిన పాలసీలలో కనీసం 65% రెండవ సంవత్సరం చివరి నాటికి యాక్టివ్‌గా ఉండాలి (ఉదాహరణకు, ఒక మహిళ మొదటి సంవత్సరంలో 100 పాలసీలను విక్రయించినట్లయితే, వాటిలో 65 రెండవ సంవత్సరం చివరి నాటికి అమలులో ఉండాలి. పాలసీలను విక్రయించడమే కాకుండా, వాటిని నిర్వహించడం ద్వారా వారి పనితీరు మెరుగుపడుతుంది.
మూడవ సంవత్సరం: నెలకు రూ. 5,000 (MCA పథకం కింద, బీమా ఏజెంట్లుగా పనిచేస్తున్న మహిళలు తమ రెండవ సంవత్సరంలో విక్రయించిన పాలసీలలో కనీసం 65% మూడవ సంవత్సరం చివరినాటికి యాక్టివ్‌గా ఉండేలా చూసుకోవాలి )
ఈ పనితీరు ప్రమాణం మహిళలు తమ కస్టమర్‌లకు మంచి సేవను అందించడానికి మరియు వారి పాలసీలను చురుకుగా ఉంచడానికి ప్రోత్సహిస్తుంది.
మీరు ఎలా దరఖాస్తు చేసుకోవచ్చు?
- ముందుగా LIC అధికారిక వెబ్‌సైట్ https://licindia.in/test2 కి వెళ్లండి.
- ఇప్పుడు దిగువన కనిపించే Bima Sakhi acquis లింక్ కోసం ఇక్కడ క్లిక్ చేయండి.
- ఆ తర్వాత మీ పేరు, పుట్టిన తేదీ, మొబైల్ నంబర్, ఈమెయిల్ ఐడీ, చిరునామా నింపండి.
- ఇప్పుడు మీరు LIC ఇండియాకి చెందిన ఏదైనా ఏజెంట్/డెవలప్‌మెంట్ ఆఫీసర్/ఉద్యోగి/మెడికల్ ఎగ్జామినర్‌కు సంబంధించినవారైతే అదే సమాచారాన్ని ఇవ్వండి. చివరగా క్యాప్చా కోడ్‌ను పూరించండి ఆ తర్వాత సబ్మిట్ బటన్‌పై క్లిక్ చేయండి.
ఈ పత్రాలు అవసరం
- వయస్సు ధ్రువీకరణ పత్రం
- అడ్రస్ ప్రూఫ్ ఐడీ
- 10వ తరగతి పాస్ సర్టిఫికెట్
- పై మూడు పత్రాలను మహిళా అభ్యర్థి స్వీయ-ధృవీకరణ చేసుకోవాలి. దరఖాస్తు చేస్తున్నప్పుడు అసంపూర్ణమైన లేదా తప్పు సమాచారం నింపినట్లయితే, దరఖాస్తు తిరస్కరించబడవచ్చు.
ఈ విషయాలను కూడా గుర్తుంచుకోండి
ఒక వ్యక్తి ఇప్పటికే LICలో ఏజెంట్ లేదా ఉద్యోగి అయితే, అతని కుటుంబ సభ్యులు ఈ పథకం కింద MCA (మాస్టర్ కన్సల్టెంట్ ఏజెంట్)గా పని చేయడానికి దరఖాస్తు చేసుకోవడానికి అర్హులు కారు.
ఒక వ్యక్తి గతంలో ఎల్‌ఐసిలో పనిచేసి, ఇప్పుడు పదవీ విరమణ చేసినట్లయితే లేదా మాజీ ఏజెంట్ అయితే, అతను ఈ పథకం కింద మళ్లీ బీమా ఏజెంట్‌గా పనిచేయడానికి అనుమతించబడరు.
ఇప్పటికే ఉన్న ఏజెంట్లు ఈ పథకం కింద MCA కోసం దరఖాస్తు చేయలేరు. అంటే, LIC ఏజెంట్లుగా పనిచేస్తున్న వారు MCA (మాస్టర్ కన్సల్టెంట్ ఏజెంట్) స్కీమ్ కింద రీ-రిక్రూట్‌మెంట్ కోసం దరఖాస్తు చేయలేరు.
MCA స్కీమ్ కోసం దరఖాస్తు చేస్తున్నప్పుడు, మహిళలు తమ దరఖాస్తు ఫారమ్‌తో పాటు తాజా పాస్‌పోర్ట్ సైజ్ ఫోటోను అప్‌లోడ్ చేయాలి.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..