హైదరాబాద్ లో ఎన్నో ప్రత్యేకతల స్టీల్ బ్రిడ్జి అందుబాటులోకి వచ్చేసింది…
హైదరాబాద్: హైదరాబాద్ మహానగరంలో ట్రాఫిక్‌ చిక్కులకు చెక్‌ పెట్టేందుకు తెలంగాణ ప్రభుత్వం కొత్తగా వారధులను నిర్మిస్తోంది. ఈ క్రమంలో మరో ప్రత్యేకమైన (Steel Bridge) శనివారం అందుబాటులోకి వచ్చింది. ఇందిరా పార్క్‌-వీఎస్టీ ఉక్కు వంతెనను మంత్రి కేటీఆర్ శనివారం ఉదయం ప్రారంభించారు.
తెలంగాణ ఉద్యమ నేత, కార్మిక నాయకుడు, మాజీ మంత్రి అయిన నాయిని నర్సింహారెడ్డి గౌరవార్థం ఈ వంతెనకు ఆయన పేరు పెట్టారు. ఇందిరా పార్క్‌ చౌరస్తా (Indira Park) నుంచి ఆర్టీసీ బస్‌ భవన్ సమీపంలోని వీఎస్టీ చౌరస్తా వరకు ఈ బ్రిడ్జిని నిర్మించారు. ఫలితంగా ఆర్టీసీ క్రాస్‌రో డ్స్‌, అశోక నగర్‌, వీఎస్టీ (VST) జంక్షన్ల ప్రాంతంలో ఏర్పడే ట్రాఫిక్‌ రద్దీ తగ్గుతుందని రాష్ట్ర ప్రభుత్వం భావిస్తున్నది.
ఎన్నో ప్రత్యేకతలు
- దక్షిణ భారత దేశంలోనే ఇది మొదటి పొడవైన స్టీల్ బ్రిడ్జ్‌.
- జీహెచ్‌ఎంసీ చరిత్రలోనే ఈ బ్రిడ్జికి మరో ప్రత్యేకత ఉంది. మొదటిసారి భూ సేకరణ లేకుండానే ఈ బ్రిడ్జిని నిర్మించారు. మెట్రో లైన్ పై నుంచి ఉండడం ఈ బ్రిడ్జికి ఉన్న మరో స్పెషాలిటీ.
- ఈబ్రిడ్జి పొడవు 2.62కిలో మీటర్లు.. వెడల్పు నాలుగు లైన్లు
- ఈ వంతెన కోసం సుమారు 12, 316 మెట్రిక్‌ టన్నుల ఉక్కును వినియోగించారు.
- 81 స్టీల్ పిల్లర్లు, 426 ఉక్కు దూలాలను ఉపయోగించారు.
- కాంక్రీట్‌ 60-100 ఏళ్లు, స్టీల్100 సంవత్సరాలకు పైగా మన్నికగా ఉంటుందని ఇంజినీర్లు పేర్కొంటున్నారు.
- స్ట్రాటజిక్‌ రోడ్ డెవలప్‌మెంట్‌ ప్రోగ్రాం కింద (ఎస్ఆర్డీపీ) రూ.450కోట్లతో ఈ బ్రిడ్జి నిర్మాణాన్ని జీహెచ్‌ఎంసీ చేపట్టింది.
- రోజుకు లక్ష వాహనాలకు పైగా తిరిగే ఈ రూట్‌లో వాహనదారులకు రద్దీ టైంలో 30-40 నిమిషాల సమయం పట్టేది. అయితే ఈ వంతెన నిర్మాణంలో కేవలం ఐదే ఐదు నిమిషాల్లో ప్రయాణం కొనసాగించవచ్చని అధికారులు చెబుతున్నారు.
బ్రిడ్జిని ప్రారంభించిన అనంతరం మంత్రి కేటీఆర్ (Minister KTR) మాట్లాడుతూ.. ‘ఈ స్టీల్ బ్రిడ్జికి నాయిని నర్సింహా రెడ్డి పేరు పెట్టాం. ఈ వంతెన నిర్మాణంతో ట్రాఫిక్‌ కష్టాలు తీరతాయి. ఎస్ఆర్డీపీ లో ఇది 36వ ప్రాజెక్టు. హైదరాబాద్‌లో మరిన్ని అభివృద్ధి కార్యక్రమాలు చేపడతాం. అంతర్జాతీయ స్థాయిలో నగరాన్ని అభివృద్ధి చేస్తున్నాం.’ అని మంత్రికేటీఆర్ పేర్కొన్నారు.
హైదరాబాద్ నగర వాసులకు ట్రాఫిక్‌ సమస్య నుంచి శాశ్వత విముక్తి కల్పించడమే లక్ష్యంగా బీఆర్ఎస్ ప్రభుత్వం చేపట్టిన వ్యూహాత్మక రహదారి అభివృద్ధి ప్రణాళికలో (ఎస్ఆర్డీపీ) భాగంగా ఇందిరా పార్కు నుంచి వీఎస్టీ క్రాస్ రోడ్ వరకు నిర్మించిన స్టీల్ ఫ్లై ఓవర్‌ను పురపాలక శాఖ మంత్రి శ్రీ @KTRBRS… pic.twitter.com/lqlFktyHxC
— BRS Party (@BRSparty) August 19, 2023
