Earthquake in Telangana | తెలుగు రాష్ట్రాల్లో బుధవారం ఉదయం భూ ప్రకంపణలు సంభవించాయి. దీంతో ప్రజలు ఒక్కసారిగా భయాందోళనకు గురయ్యారు. నేషనల్ సెంటర్ ఫర్ సిస్మోలజీ (National Center for Seismology) ప్రకారం బుధవారం ఉదయం తెలంగాణలో 5.3 తీవ్రతతో భూకంపం సంభవించింది. NCS ప్రకారం ఉదయం 7:27 గంటలకు ప్రకంపనలు నమోదయ్యాయి. ములుగు జిల్లాలో 40 కిలోమీటర్ల లోతులో భూకంప కేంద్రం కేంద్రీకృతమై ఉంది.
సోషల్ మీడియా ప్లాట్ఫారమ్ X లో NCS పోస్ట్ చేసిన వివరాల ప్రకారం.. “EQ ఆఫ్ M: 5.3, ఆన్: 04/12/2024 07:27:02 IST, చివరి: 18.44 N, పొడవు: 80.24 E, లోతు: 40 కి.మీ, స్థానం: ములుగు, తెలంగాణ.
ఖమ్మం, మహబూబాబాద్, నల్గొండ, వరంగల్, హనుమకొండ, మహబూబాబాద్, రంగారెడ్డి, హైదరాబాద్, సంగారెడ్డి, మంచిర్యాల, భద్రాద్రి జిల్లాల్లో పలుచోట్ల ప్రకంపనలు వచ్చాయి. ఖమ్మం జిల్లాలో కొత్తగూడెం, చర్ల, చింతకాని, నాగులవంచ, మణుగూరు, భద్రాచలం తదితర ప్రాంతాల్లో ప్రకంపనలు వచ్చాయి.
అలాగే, ఆంధ్రప్రదేశ్లోని కృష్ణా, ఏలూరు జిల్లాల్లో కూడా స్వల్పంగా ప్రకంపనలు వచ్చాయి. ప్రధానంగా గోదావరి పరీవాహక ప్రాంతంతో పాటు కోల్ బెల్ట్ ప్రాంతంలో భూకంపం సంభవించినట్లు అధికారులు తెలిపారు. కాగా ఈ భూకంపం కారణంగా ఎలాంటి ప్రాణనష్టం లేదా ఆస్తి నష్టం జరగలేదు. ముఖ్యంగా, భారతదేశంలో నాలుగు భూకంప మండలాలు ఉన్నాయి – జోన్ II, జోన్ III, జోన్ IV మరియు జోన్ V. జోన్ V అత్యధిక స్థాయిలో భూకంపాలను నమోదవుతాయి. అయితే జోన్ II అత్యల్ప స్థాయి భూకంపనలు ఉంటాయి.
ఇందులో తెలంగాణ తక్కువ తీవ్రత గల జోన్ IIలో ఉంటుంది. సుమారుగా, దేశంలోని 11% జోన్ Vలో, సుమారు 18% జోన్ IVలో, దాదాపు 30% జోన్ IIIలో, ఇక మిగిలిన ప్రాంతాలు జోన్ IIలో ఉన్నాయి. భారతదేశంలోని దాదాపు 59% భూభాగం (భారతదేశంలోని అన్ని రాష్ట్రాలను కవర్ చేస్తుంది) వివిధ తీవ్రతల భూకంపాలకు గురయ్యే అవకాశం ఉంది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
