Bengaluru Metro News : ప్రధానమంత్రి నరేంద్ర మోదీ (PM Narendra Modi) ఈరోజు (ఆగస్టు 10) కర్ణాటకలో పర్యటనకు రానున్నారు. ఈ సందర్భంగా, బెంగళూరులోని కెఎస్ఆర్ రైల్వే స్టేషన్లో ప్రధాని మోదీ మూడు వందే భారత్ ఎక్స్ప్రెస్ రైళ్ల (Vande Bharat Express)ను జెండా ఊపి ప్రారంభిస్తారు. వీటిలో బెంగళూరు – బెల్గాం, అమృత్సర్ – శ్రీ మాతా వైష్ణో దేవి కత్రా, నాగ్పూర్ (అజ్ని) – పూణే రైళ్లు ఉన్నాయి. దీని తరువాత, ఆయన బెంగళూరు మెట్రోలోని ఎల్లో లైన్ (Bengaluru Metro Yellow Line) ను జెండా ఊపి ప్రారంభించనున్నారు. అలాగే ఆర్వి రోడ్, రాగిగుడ్డ నుంచి ఎలక్ట్రానిక్ సిటీ మెట్రో స్టేషన్ వరకు మెట్రోలో ప్రయాణించనున్నారు. ప్రధానమంత్రి బెంగళూరులో పట్టణ కనెక్టివిటీ ప్రాజెక్టులను ప్రారంభించి, శంకుస్థాపన చేసి, బహిరంగ సభలో ప్రసంగిస్తారు.
మూడు కొత్త రైళ్లు వాటి మార్గాలు
- KSR బెంగళూరు-బెళగావి వందే భారత్ ఎక్స్ప్రెస్ – ప్రధాన స్టాప్లు: ధార్వాడ్, హుబ్లీ, హావేరి, దావణగెరె, తుమకూరు, యశ్వంతపూర్.
- నాగ్పూర్ (అజ్ని)–పుణే వందే భారత్ ఎక్స్ప్రెస్ – ప్రధాన స్టాప్లు: వార్ధా, బద్నేరా, షెగావ్, అకోలా, భుసావల్, జల్గావ్, మన్మాడ్, కోపర్గావ్, అహల్యానగర్, దౌండ్ కార్డ్ లైన్.
- శ్రీ మాతా వైష్ణో దేవి కత్రా–అమృతసర్ వందే భారత్ ఎక్స్ప్రెస్ – ప్రధాన స్టాప్లు: జమ్ము తావి, పఠాన్కోట్ కాంట్, జలంధర్ సిటీ మరియు బియాస్.
మొత్తం 144 వందే భారత్ రైళ్లు
ప్రస్తుతం దేశవ్యాప్తంగా 144 వందే భారత్ రైలు సర్వీసులు నడుస్తున్నాయి. ఈ మూడు కొత్త రైళ్ల చేరికతో ఈ సంఖ్య పెరుగుతుంది. ఇప్పటివరకు 6.3 కోట్లకు పైగా ప్రయాణికులకు వందే భారత్ ఎక్స్ప్రెస్ రైల్లు సేవలందించాయి. ఈ రైళ్ల నిర్వహణ ప్రయాణీకులకు వేగవంతమైన, సౌకర్యవంతమైన, సురక్షితమైన ప్రయాణ అనుభవాన్ని అందించడమే కాకుండా, దేశంలోని నాలుగు ప్రధాన రాష్ట్రాల్లో అభివృద్ధి వేగాన్ని వేగవంతం చేస్తుంది.
ఆధునిక సౌకర్యాలతో కూడిన రైళ్లు
పూర్తిగా స్వదేశీ సాంకేతికతతో తయారు చేయబడిన వందేభారత్ సెమీ-హై స్పీడ్ ఎక్స్ప్రెస్లో ‘కవాచ్’ వ్యవస్థ అమర్చబడి ఉంది. ఇది ప్రయాణాన్ని మరింత సురక్షితంగా చేస్తుంది. ఇందులో ఫోల్డబుల్ స్నాక్ టేబుల్, మొబైల్ ఛార్జింగ్ పోర్ట్, సౌకర్యవంతమైన సీట్లు, ఆధునిక టాయిలెట్లు, ఇన్ఫోటైన్మెంట్ సౌకర్యాలు ఉన్నాయి. ప్రతి కోచ్లో GPS ఆధారిత రియల్-టైమ్ ట్రాకింగ్ సిస్టమ్ కూడా ఉంది, తద్వారా ప్రయాణీకులు రైలు వేగం, స్థానం, తదుపరి స్టేషన్ గురించి అన్ని సమయాల్లో సమాచారాన్ని పొందవచ్చు.
బెంగళూరు మెట్రో పసుపు లైన్లో 16 స్టేషన్లు
రూ.15,610 కోట్లకు పైగా వ్యయంతో నిర్మించనున్న బెంగళూరు మెట్రో ఫేజ్-3 ప్రాజెక్టుకు ప్రధాని మోదీ శంకుస్థాపన చేయనున్నారు. ఈ ప్రాజెక్టు మొత్తం పొడవు 44 కి.మీ. కంటే ఎక్కువగా ఉంటుంది. ఇందులో 31 ఎలివేటెడ్ స్టేషన్లు ఉంటాయి. అదే సమయంలో, ఆర్వి రోడ్ నుంచి బొమ్మసంద్ర వరకు 19.15 కి.మీ. పొడవైన నమ్మ మెట్రో ఎల్లో లైన్లో 16 స్టేషన్లు ఉంటాయి. దీ నిర్మాణ వ్యయం రూ. 5,056.99 కోట్లు. ఈ కొత్త లైన్ మెట్రో ఫేజ్-2లో భాగం. ఈ రైల్వే లైన్ ముఖ్యమైన నివాస, పారిశ్రామిక. వాణిజ్య ప్రాంతాలను కలుపుతుంది, బెంగళూరులోని బిజీ టెక్, ఇండస్ట్రియల్ కారిడార్లో కనెక్టివిటీని మెరుగుపరుస్తుంది. ఈ లైన్ ప్రారంభంతో, బెంగళూరులో ప్రస్తుత మెట్రో నెట్వర్క్ 96 కి.మీ.లకు పైగా పెరుగుతుంది, ఇది ఈ ప్రాంతంలోని పెద్ద జనాభాకు సేవలు అందిస్తుంది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
