Bharat Taxi Sarathi Didi | మహిళల భద్రతకు ‘సారథి దీదీ’ భరోసా: మహిళా ప్రయాణీకుల కోసం ప్రత్యేక విండో!

Bharat Taxi Sarathi Didi | నేటి కాలంలో మహిళలు ఒంటరిగా ప్రయాణించాలంటే భద్రతపై ఒక్కోసారి ఆందోళ‌న నెల‌కొన‌డం స‌హ‌జం. ఈ సమస్యకు పరిష్కారంగా, ప్రముఖ రవాణా సేవల సంస్థ ‘భారత్ టాక్సీ’ (Bharat Taxi) ఒక వినూత్న ముందడుగు వేసింది. మహిళా ప్రయాణీకుల సౌకర్యం, భద్రతను దృష్టిలో ఉంచుకుని ‘సారథి దీదీ’ అనే ప్రత్యేక విభాగాన్ని త్వరలో ప్రారంభించబోతోంది.

ఏమిటీ ‘సారథి దీదీ’ విండో?

ఈ ప్రత్యేక ఫీచర్ ద్వారా మహిళా ప్రయాణీకులు కేవలం మహిళా డ్రైవర్లను (సారథులను) మాత్రమే ఎంచుకునే అవకాశం ఉంటుంది. దీనివల్ల ప్రయాణం మరింత సురక్షితంగా, సౌకర్యవంతంగా నమ్మదగినదిగా మార‌నుంది.

‘స్కూటీ దీదీ’తో ఉపాధి, రక్షణ

కేవలం కార్లు మాత్రమే కాకుండా, మహిళా రైడర్ల కోసం ‘స్కూటీ దీదీ’ అనే మరో చొరవను కూడా భారత్ టాక్సీ తీసుకువచ్చింది.

మహిళా డ్రైవర్లు – మహిళా రైడర్లు: స్కూటీ లేదా బైక్ రైడ్లలో మహిళా డ్రైవర్లే మహిళా ప్రయాణీకులను గమ్యస్థానాలకు చేరుస్తారు. ఈ పథకం ద్వారా వేలాది మంది మహిళలకు కొత్త ఉపాధి మార్గాలు లభిస్తాయి.

డ్రైవర్ల సంక్షేమం: ‘కమిషన్ కోత లేదు’

సాధారణ టాక్సీ యాప్‌ల మాదిరిగా కాకుండా, భారత్ టాక్సీ తన డ్రైవర్ల (సారథుల) సంపాదనలో ఎటువంటి కమిషన్ తీసుకోదు. డ్రైవర్లు కేవలం నిర్ణీత ఛార్జీని మాత్రమే చెల్లిస్తారు. అదనపు కోతలు ఉండవు. సారథులు ‘ఇ-శ్రమ్’ (e-Shram) పోర్టల్‌లో నమోదు చేసుకోవడం ద్వారా ₹5 లక్షల వరకు ఉచిత వైద్య చికిత్స, ఇతర ప్రభుత్వ సంక్షేమ పథకాలను పొందవచ్చు.

ఒకే యాప్‌లో అనేక ప్రయాణ మార్గాలు

భారత్ టాక్సీ యాప్ వినియోగదారులకు పలు రకాల ఆప్షన్లను అందిస్తుంది:

• కార్లు (Sedan, SUV)
• ఆటో రిక్షాలు
• బైక్, స్కూటీ రైడ్లు

బుకింగ్ చేసుకోవడం ఎలా?

• భారత్ టాక్సీ సేవలను పొందడం చాలా సులభం.
• వెబ్‌సైట్: www.bharattaxi.com
• హెల్ప్‌లైన్ (24×7): +91-9696000999 లేదా +91-7607003240
• ఈమెయిల్: info@bharattaxi.com
• యాప్: ప్రస్తుతం ఆండ్రాయిడ్ ప్లేస్టోర్‌లో అందుబాటులో ఉంది.

ఢిల్లీ-NCRలో వేగంగా విస్తరణ

జూన్ 6, 2025న ప్రారంభమైన భారత్ టాక్సీ, కేవలం 8 నెలల కాలంలోనే రికార్డు స్థాయిలో రిజిస్ట్రేషన్లను సాధించింది. ప్ర‌ధానంగా దిల్లీ-NCR ప్రాంతంలో ఇప్పటికే 8 సహాయ కేంద్రాలను ఏర్పాటు చేసి, డ్రైవర్లను కేవలం ఉద్యోగులుగా కాకుండా వారిని ‘యజమానులుగా’ మార్చడమే లక్ష్యంగా పనిచేస్తోంది.