Anna Canteens | పేదలకు గుడ్ న్యూస్.. రేప‌టి నుంచే అన్న క్యాంటీన్స్ షురూ.. రూ.5కే టిఫిన్స్, భోజనం | Andhrapradesh

Spread the love

Anna Canteens | ఏపీలో ఆగస్టు 15 నుంచి రాష్ట్రవ్యాప్తంగా అన్నా క్యాంటీన్లు ప్రారంభం కానున్నాయి. మొత్తం 33 మున్సిపాలిటీలలో 100 క్యాంటీన్లను పునఃప్రారంభించాల‌ని ప్ర‌భుత్వం నిర్ణయించింది. మొద‌టి విడతగా ఎంపిక చేసిన కేంద్రాల్లో ఇవి అందుబాటులోకి రానున్నాయి. ఇప్పటికే జిల్లాల్లో ఆయా మునిసిపాలిటీల్లో క్యాంటీన్లు ప్రారంభించేందుకు అన్ని ఏర్పాట్లు పూర్తయ్యాయి. సీఎం చంద్రబాబు కృష్ణా జిల్లా గుడివాడలో మొట్ట‌మొద‌టి అన్న‌ క్యాంటీన్‌ ప్రారంభించనున్నారు. మిగతా 99 అన్న క్యాంటీన్లు మరుసటిరోజు మంత్రులు, ఎమ్మెల్యేలు ప్రారంభించనున్నారు.

Highlights

తెలంగాణ‌లో రూ.5కే భోజ‌నం అందిస్తున్నారు. ఇవి ప్ర‌స్తుతం ప్ర‌భుత్వ‌ ఆస్ప్ర‌త్రులు, బ‌స్టాండ్లతోపాటు జ‌నసందోహం ఎక్కువ‌గా ఉన్న ర‌హ‌దారుల కూడ‌ళ్ల వ‌ద్ద ప్ర‌స్తుతం అక్ష‌య‌పాత్ర పేరుతో కొన‌సాగుతున్నాయి. కొత్తగా వచ్చిన కాంగ్రెస్ ప్రభుత్వం ఇటీవలే ఇందిరా క్యాంటీన్ల (Indira canteens )ను ప్రారంభించింది. అయితే గ‌తంతో టీడీపీ హయాంలో ఏపీలో చాలాచోట్ల ఇలాంటి క్యాంటీన్ల‌ను ఏర్పాట్లు చేశారు. కేవలం రూ.5కే ఆహారాన్ని అందించేవారు. అయితే వైసీపీ ప్రభుత్వం వీటిని కొన‌సాగించ‌లేదు. మ‌ళ్లీ టీడీపీ కూటమి ప్రభుత్వం అధికారంలోకి వ‌చ్చాక క్యాంటీన్లను పునఃప్రారంభించేందుకు సిద్ధ‌మైంది. పట్టణాల్లో 180, గ్రామీణ ప్రాంతాల్లో 200 వ‌ర‌కు అన్నా క్యాంటిన్లు ప్రారంభించాల‌ని నిర్ణ‌యించింది. ప్ర‌జ‌లు ఎక్కువ‌గా క‌నిపించే కూడ‌ళ్లు, మార్కెట్లు, ప్ర‌భుత్వ ఆసుపత్రుల వద్ద ఈ క్యాంటిన్ల ఏర్పాట్లు చేస్తారు. అన్న క్యాంటీన్ల‌ను రీ ఓపెన్ చేయ‌డంపై స‌ర్వ‌త్రా హ‌ర్షం వ్య‌క్త‌మ‌వుతోంది.