రోడ్లపై ఇష్టారాజ్యంగా వాహనాలు నడుపుతామంటే కుదరదు.. ఆర్టిఫిషియల్ ఇంటెలిజన్సీతో పనిచేసే ఈ హైటెక్ సీసీ కెమెరాలు (AI cameras) మిమ్మల్ని ఓ కంట కనిపెడుతూనే ఉంటాయి. ఏ చిన్ని తప్పు చేసినా ఇట్టే పసిగట్టి ఫొటోలు తీసి పోలీసులకు అందిస్తాయి. బెంగళూరు-మైసూరు హైవేపై ( Bengaluru-Mysuru highway ) ఏఐ కెమెరాలు 13 లక్షల ట్రాఫిక్ ఉల్లంఘనలను గుర్తించాయి. వీటి సాయంతో పోలీసులు గత మూడేళ్లలో రూ. 90 కోట్ల వరకు జరిమానాలు విధించారు. అయితే ఇందులో కేవలం 4కోట్లు మాత్రమే వసూలు చేయగలిగారు.
119 కి.మీ 10-లేన్ బెంగళూరు-మైసూరు హైవే వెంబడి అమర్చిన ఇంటెలిజెంట్ ట్రాఫిక్ మేనేజ్మెంట్ సిస్టమ్ (ITMS) కెమెరాలు 2022-2024 మధ్యకాలంలో 13 లక్షల ట్రాఫిక్ ఉల్లంఘన కేసులను బుక్ చేశాయని కర్ణాటక హోం శాఖ వెల్లడించింది. ఈ నివేదిక ప్రకారం ఈ మూడేళ్లలో మొత్తం రూ.90 కోట్ల జరిమానాలు కూడా విధించగా అందులో రూ.4 కోట్లు మాత్రమే వసూలు చేశారు. మూడేళ్లలో మొత్తం 13 లక్షల కేసుల్లో 74,000 మాత్రమే క్లియర్ అయ్యాయి. 2024లో మొత్తం 4.1 లక్షల కేసులు బుక్ చేయగా రూ.24 కోట్ల జరిమానా విధించారు. ఈ కేసుల్లో కేవలం 15,000 కేసులు పెండింగ్లో ఉన్న రూ.23 కోట్ల జరిమానాతో క్లియర్ చేశారు.
- సీటు బెల్ట్ లేకుండా డ్రైవింగ్ : 7 లక్షల కేసులు
- అతివేగం : 2 లక్షల కేసులు
- లేన్ క్రమశిక్షణ ఉల్లంఘనలు : లక్ష
- డ్రైవింగ్ లో ఉండగా మొబైల్ ఫోన్లను ఉపయోగించడం : 23,000
కర్ణాటక ట్రాఫిక్, రోడ్డు భద్రతా విభాగం ఏర్పాటు చేసిన ITMS కెమెరాలు ఏఐ టెక్నాలజీని ఉపయోగించి ట్రాఫిక్ ఉల్లంఘనలను పర్యవేక్షిస్తాయి, గుర్తిస్తాయి. డిపార్ట్మెంట్ ప్రకారం, హైవే వెంట మొత్తం 12 కెమెరాలు అమర్చారు. మండ్య, రామనాగ్రా ప్రాంతాల్లో ఒక్కొక్కటి ఐదు కెమెరాలు, మైసూరు ప్రాంతంలో రెండు కెమెరాలు అమర్చారు. ఈ కెమెరాలు సాధారణంగా ఉల్లంఘనలకు పాల్పడిన వాహనాల చిత్రాలను క్యాప్చర్ చేస్తాయి. వాహన రిజిస్ట్రేషన్ నంబర్ను ఉపయోగించి యజమానికి తక్షణమే SMS పంపుతాయి, ట్రాఫిక్ ఉల్లంఘన, సంబంధిత జరిమానా గురించి వారికి తెలియజేస్తాయి.
డ్రైవర్ల నుంచి ఫిర్యాదులు
అయితే, సీటు బెల్టులు ధరించినా కూడా.. డ్రైవింగ్ చేసేటప్పుడు మొబైల్ ఫోన్లు ఉపయోగించకున్నా కూడా జరిమానా విధించినట్లు కొందరు డ్రైవర్ల నుంచి ఫిర్యాదులు వస్తున్నాయి. వీటిని ట్రఫిక్ విభాగం క్షుణ్ణంగా సమీక్షిస్తోంది. ఫిర్యాదుదారులు లేవనెత్తిన కీలక సమస్య ఏమిటంటే సీటు బెల్ట్ ధరించనందుకు కేసులను సరిగ్గా బుక్ చేయడం. చొక్కా రంగు ముదురు రంగులో ఉన్నప్పుడు AI- ఆధారిత కెమెరాలు తరచుగా సీట్ బెల్ట్లను గుర్తించడంలో విఫలమవుతాయని, సీట్ బెల్ట్లు కనిపించకుండా ఉంటాయని వారు వాదించారు.
జూలై 2024లో అడ్వాన్స్డ్ ట్రాఫిక్ మేనేజ్మెంట్ సిస్టమ్ (ATMS)ని ఇన్స్టాల్ చేసిన తర్వాత, బెంగళూరు-మైసూరు యాక్సెస్-నియంత్రిత హైవే రోడ్డు మరణాలలో భారీగా తగ్గుదలని నమోదు చేసింది, 2023లో మరణాల సంఖ్య 188 నుంచి 2024లో కేవలం 50కి పడిపోయిందని, . రోడ్డు రవాణా, రహదారుల మంత్రిత్వ శాఖ వెల్లడించింది. .
క్షణాల్లోనే వాహనదారులకు మెసేజ్
రోడ్డు రవాణా, రహదారుల మంత్రిత్వ శాఖ ఇటీవల లోక్సభలో సమర్పించిన డేటా ప్రకారం, 2024 సెప్టెంబర్ నుంచి డిసెంబర్ వరకు సున్నా మరణాలు నమోదయింది. AI-శక్తితో పనిచేసే కెమెరాలు నిజ సమయంలో వాహనాల వేగాన్ని పర్యవేక్షించగల అధునాతన అల్గారిథమ్లతో అమర్చబడి ఉంటాయి. వాహనం స్పీడ్ లిమిట్ దాడిపోయినపుడు (సాధారణంగా 80-100 km/h) కెమెరాలు ఆటోమేటిక్గా వాహనం నంబర్ ప్లేట్ను క్యాప్చర్ చేస్తాయి. డేటా ట్రాఫిక్ మేనేజ్మెంట్ సెంటర్ (TMC)కి బదిలీ చేయబడుతుంది, అక్కడ మోటారు వాహనాల చట్టం కింద కేసులు నమోదు చేయబడతాయి, ఇ-చలాన్లు (ఎలక్ట్రానిక్ జరిమానాలు) జనరేట్ అవుతాయి. అలాగే వాహనదారులకు వెంటనే సందేశం పంపుతాయి.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
