కచ్ సరిహద్దులో డ్రోన్లు శ్రీనగర్లో మళ్లీ పేలుళ్ల శబ్దాలు
BREAKING Pak Violates Ceasefire : పాకిస్తాన్ మళ్లీ తన నీచబుద్ధిని (Pakistan betrays again) ప్రదర్శించింది. భారత్ – పాక్ మధ్య కాల్పుల విరమణ ప్రకటించి 3 గంటలు కూడా గడవకముందే, ఆ దేశం మరోసారి కాల్పుల విరమణను ఉల్లంఘించడం ద్వారా తన నిజ స్వరూపాన్ని చూపించింది. జమ్మూ కాశ్మీర్లోని ఉధంపూర్లో పేలుళ్ల శబ్దాలు వినిపిస్తున్నాయి. ఉధంపూర్లో అంధకారం మధ్య పాకిస్తాన్ డ్రోన్ను భారత వైమానిక రక్షణ దళాలు అడ్డుకున్నాయి. ఇంకా పేలుళ్ల శబ్దాలు వినబడుతున్నాయి.జమ్మూతో పాటు, అఖ్నూర్ సెక్టార్లో కూడా పాకిస్తాన్ కాల్పుల విరమణ ఉల్లంఘనకు పాల్పడినట్లు వార్తలు వస్తున్నాయి. జమ్మూ కాశ్మీర్లోని శ్రీనగర్లో పెద్ద ఎత్తున పేలుళ్లు వినిపిస్తున్నాయి.
#WATCH | जम्मू-कश्मीर: उधमपुर में ब्लैकआउट के बीच भारतीय वायु रक्षा बलों द्वारा पाकिस्तानी ड्रोन को रोका गया। धमाकों की आवाज सुनी जा सकती है।
(वीडियो वर्तमान समयानुसार नहीं है।) pic.twitter.com/u5hhk84kGi
— ANI_HindiNews (@AHindinews) May 10, 2025
కాల్పుల విరమణకు ఏమైంది? – ఒమర్ అబ్దుల్లా
జమ్మూ కాశ్మీర్ ముఖ్యమంత్రి ఒమర్ అబ్దుల్లా “కాల్పు విరమణకు ఏమైంది? శ్రీనగర్లో పేలుళ్ల శబ్దాలు వినిపించాయి” అని ప్రశ్న లేవనెత్తారు. కాగా పేలుడు శబ్దం తర్వాత జమ్మూలో విద్యుత్ సరఫరా నిలిచిపోయింది. పేలుళ్ల శబ్దాల తర్వాత జమ్మూలో బ్లాక్అవుట్ విధించారు. పాకిస్తాన్ డ్రోన్లు ఆకాశంలో కనిపించాయనే వార్తల తర్వాత, ప్రజలు తమ ఇళ్లలోనే ఉండాలని విజ్ఞప్తి చేస్తున్నారు. జమ్మూ కాశ్మీర్లోని వివిధ ప్రాంతాలకు పాకిస్తాన్ డ్రోన్లు వస్తున్నట్లు నివేదికలు ఉన్నాయి. భారత రక్షణ వ్యవస్థలు వాటిని గాల్లోనే అడ్డుకుంటున్నాయి.
సాయంత్రం పాకిస్తాన్ అంతర్జాతీయ సరిహద్దు, నియంత్రణ రేఖ (LoC) వెంబడి అనేక ప్రదేశాలలో కాల్పుల విరమణ ఒప్పందాన్ని ఉల్లంఘించింది. ఈ పరిణామాల నేపథ్యంలో, ఏదైనా కాల్పుల విరమణ ఉల్లంఘనలకు పూర్తి శక్తితో స్పందించాలని సరిహద్దు భద్రతా దళం (BSF)ని ఆదేశించారు. మరోవైపు, పాకిస్తాన్ సైన్యం అఖ్నూర్, రాజౌరి, ఆర్ఎస్ పురా సెక్టార్లలో అంతర్జాతీయ సరిహద్దు వెంబడి మిసైల్ దాడులకు పాల్పడింది. అంతేకాకుండా, జమ్మూలోని పలాన్వాలా సెక్టార్లో కూడా కాల్పుల విరమణ ఉల్లంఘనలు జరిగినట్లు నివేదించబడింది.
శ్రీనగర్, బారాముల్లాలో పెద్ద పేలుళ్ల శబ్దాలు వినిపించాయి, అక్కడ డ్రోన్లను కాల్చివేశారు, అనుమానాస్పద మానవరహిత వైమానిక వాహనాలు (UAVలు) కనిపించాయి.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
