దేశంలో సెప్టెంబర్ 22న GST 2.0 అమల్లోకి వచ్చింది. నవరాత్రి మొదటి రోజున, పాలు, బ్రెడ్, చీజ్, వెన్న, నూనె, సబ్బు, షాంపూ, పిల్లల విద్యా సామగ్రిపై GSTని తగ్గించడం ద్వారా ప్రభుత్వం ప్రజలకు భారీగా ఉపశమనం కలిగించింది. ప్రధానమంత్రి నరేంద్ర మోదీ ఈ నిర్ణయాన్ని “పొదుపు పండుగ”గా అభివర్ణించారు. ఇది పేద, మధ్యతరగతి కుటుంబాలకు డబ్బు ఆదా చేస్తుందని అన్నారు. కాబట్టి, ప్రతి ఉత్పత్తి ధరలు ఎంత త‌గ్గుతుందో తెలుసుకోండి..
పాల ఉత్పత్తుల ధ‌ర‌ల త‌గ్గుముఖం
UHT పాలపై 5% GST సున్నాకి తగ్గించబడింది. 1 లీటరు ప్యాక్ ఇప్పుడు రూ.75కి లభిస్తుంది, ఇది గతంలో రూ.77గా ఉంది.
పనీర్ పై 12% పన్ను రద్దు, 200 గ్రాముల ప్యాక్ ఇప్పుడు రూ.80కి లభిస్తుంది, గతంలో ధర రూ.90గా ఉండేది.
500 గ్రాముల వెన్న ధర రూ.305 నుంచి రూ.285కి తగ్గింది.
నెయ్యిపై పన్ను 12% నుండి 5% కి తగ్గింది, 1 లీటరు అముల్ నెయ్యి ఇప్పుడు 610 రూపాయలకు లభిస్తుంది, ఇది గతంలో 650 రూపాయలు.
GST 2.0 ఫుడ్ అండ్‌ స్నాక్స్
బ్రెడ్, పిజ్జాను GST ని పూర్తిగా తొల‌గించారు. బ్రెడ్ ప్యాక్ ఇప్పుడు రూ.19 కి లభిస్తుంది, గతంలో ఇది రూ.20 గా ఉంది.
పాస్తా, నూడుల్స్, కార్న్ ఫ్లేక్స్ పై పన్ను 12-18% నుండి 5% కి తగ్గించబడింది.
బిస్కెట్లు, నామ్కీన్ పై పన్నును కూడా 5%కి పెంచారు.
వ్యక్తిగత సంరక్షణ ఉత్పత్తులు
గతంలో నూనె, షాంపూ, సబ్బులపై 18% జీఎస్టీ విధించగా, దానిని 5%కి తగ్గించారు.
ఇప్పుడు రూ.100 విలువైన షాంపూ ప్యాక్ రూ.118కి బదులుగా రూ.105కి లభిస్తుంది.
స్వీట్లు, చాక్లెట్లు
చాక్లెట్ ఇప్పుడు రూ.50కి బదులుగా రూ.44కి లభిస్తుంది.
కిలోకు 400 రూపాయలు ఖరీదు చేసే లడ్డూపై పన్ను ఇకపై 72 రూపాయలకు బదులుగా 20 రూపాయలకు మాత్రమే ఉంటుంది.
పిల్లల అభ్యాస సామాగ్రి
నోట్‌బుక్‌లు, పెన్సిళ్లు, రబ్బరులు, గ్లోబ్‌లు, ప్రాక్టీస్ పుస్తకాలు, గ్రాఫ్ పుస్తకాలు మరియు ప్రయోగశాల నోట్‌బుక్‌లపై GST పూర్తిగా రద్దు చేశారు. ఈ జీఎస్టీ సంస్కరణల తర్వాత, దాదాపు 99% నిత్యావసర వస్తువులు ఇప్పుడు చౌకగా లభిస్తాయని ప్రభుత్వం పేర్కొంది. పండుగ సీజన్‌కు ముందు తీసుకున్న ఈ చర్య, సామాన్యులకు ఆర్థికంగా ఊర‌ట క‌లిగించేందుకు కేంద్రం చ‌ర్య‌లు తీసుకుంది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
