సాంకేతికతపై మానవుల‌కు నియంత్ర‌ణ ఉండాలి : ఆర్ఎస్ఎస్ చీఫ్‌ మోహన్ భగవత్

నాగ్‌పూర్ పుస్తక ప్రదర్శనలో RSS చీఫ్ కీలక ప్రసంగం

నాగ్‌పూర్ : సాంకేతికతపై మానవులకు పూర్తి నియంత్రణ ఉండాలని, భారతీయ నైతికత క‌లిగిన‌ నిజమైన జాతీయవాదమే ప్రపంచానికి శాంతిని అందిస్తుందని రాష్ట్రీయ స్వయంసేవక్ సంఘ్ (RSS) చీఫ్ మోహన్ భగవత్ స్పష్టం చేశారు. శనివారం నాగ్‌పూర్ పుస్తక ప్రదర్శనలో రచయితలు, హాజరైన వారిని ఉద్దేశించి ఆయన ప్రసంగించారు. ప్రపంచ మార్పుల నేపథ్యంలో సాంస్కృతిక పరిరక్షణ, సమతుల్య జీవితం యొక్క ఆవశ్యకతను ఆయన వివ‌రించారు.

AI కి మానవుడే మాస్టర్ కావాలి

ఆర్టిఫిషియల్ ఇంటెలిజెన్స్ (AI) పెరుగుదలతో మానవులు కేవలం ‘యంత్రాలుగా’ మారిపోకూడదని మోహన్ భగవత్ హెచ్చరించారు. “సాంకేతికతను ఆపలేం, కానీ అది తప్పనిసరిగా మానవాళి శ్రేయస్సుకు సేవ చేయాలి, మనం దాని యజమానులుగా ఉండాలి, దాని పరిమితులను నిర్దేశించాలి. మొబైల్ ఫోన్‌లను సాధనాలుగా ఉపయోగించాలి, అవి మనల్ని ఉపయోగించుకోనివ్వకూడదు,” అని ఆయన అన్నారు.
నిజమైన AI యుగంలో, శరీరం, మనస్సు, తెలివి. ఆత్మను కలిగి ఉన్న సమతుల్య జీవితాన్ని కొనసాగించడానికి ప్రజలు సిద్ధంగా ఉండాలని ఆయన పిలుపునిచ్చారు.

ఖచ్చితమైన భావోద్వేగ వ్యక్తీకరణ కోసం భారతీయ భాషలను కాపాడుకోవాలని, ఎందుకంటే ఆంగ్లం లేదా విదేశీ భాషలలో కొన్ని భావాలు పూర్తిగా వ్యక్తం కావడం కష్టమని అన్నారు. ప్రపంచీకరణ అనువాదంలో భావాలను పలుచన చేస్తుందని, కాబట్టి రచయితలు స్థానిక వ్యక్తీకరణలను కాపాడుకోవాలని లేకపోతే సాంస్కృతిక నష్టం వాటిల్లే ప్రమాదం ఉందని హెచ్చరించారు.

సామరస్యం కోసం జాతీయ‌వాదం

RSS ‘రాష్ట్రవాదం’ (భారతీయ జాతీయవాదం) అనేది పాశ్చాత్య ‘జాతీయవాదం’ నుండి భిన్నంగా ఉంటుందని ఆయన స్పష్టం చేశారు. పాశ్చాత్య జాతీయవాదం అహంకారం నుంచి పుట్టి యుద్ధాలకు దారి తీస్తే, భారతీయ ‘రాష్ట్రం’ అహం రద్దు నుండి ఉద్భవించి, సంఘర్షణ లేకుండా ఐక్యతను పెంపొందిస్తుంది. “మతం, భాష లేదా ఆచారాలతో సంబంధం లేకుండా, భారత మాత కుమారులుగా మనం సోదరులం,” అని పేర్కొంటూ కలహాలపై సమన్వయాన్ని ప్రోత్సహించాలని తెలిపారు.

విద్యా సంస్కరణలు, యువతకు మార్గదర్శనం

కొనసాగుతున్న విద్యా సంస్కరణలను అభినందించిన భగవత్, నిరంతర మూల్యాంకనం చేయాలని సూచించారు. యువతకు దేశం యొక్క నిజమైన చరిత్రను వికీపీడియా నుండి కాకుండా ప్రాథమిక వనరుల నుండి అధ్యయనం చేయాలని పిలుపునిచ్చారు. సంప్రదాయాలను గుడ్డిగా అంగీకరించకుండా, పరిశీలన ద్వారా వాటిని అభివృద్ధి చేసుకోవాలని సూచించారు.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి.  అలాగే మా  గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్,  వాట్సప్ చానల్లో కనెక్ట్ అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.