ప్రపంచ వేదికలపై ప్రధాని మోదీకి అంతర్జాతీయ అవార్డుల వెల్లువ
ప్రధానమంత్రి నరేంద్ర మోదీకి జూలై 13న (స్థానిక కాలమానం ప్రకారం) ‘గ్రాండ్ క్రాస్ ఆఫ్ ది లెజియన్ ఆఫ్ హానర్’, పురస్కారాన్ని ఫ్రాన్స్ అధ్యక్షుడు ఇమ్మాన్యుయేల్ మాక్రాన్ చేతులమీదుగా అందుకున్నారు. ఇది అత్యున్నత ఫ్రెంచ్ గౌరవం.
గడచిన తొమ్మిదేళ్ల పదవీకాలంలో ప్రధాని మోదీకి అనేక దేశాలు అత్యున్నత పౌర పురస్కారాలను అందించాయి. 2014లో ప్రధానమంత్రి బాధ్యతలు స్వీకరించినప్పటి నుంచి ప్రపంచ దేశాలు ఆయనకు ప్రదానం చేసిన 14వ అత్యున్నత రాష్ట్ర గౌరవం ఇది. ఈ గుర్తింపులు ప్రధాని మోదీ నాయకత్వం.. ప్రపంచ వేదికపై భారతదేశాన్ని బలంగా నిలబెట్టిన ఆయన దార్శనికతకు ఇది ప్రతిబింబంగా నిలుస్తోంది. ప్రపంచవ్యాప్తంగా ఉన్న దేశాలతో భారతదేశం యొక్క పెరుగుతున్న సంబంధాలను కూడా ఇది చాటుతుంది.
ప్రధాని మోదీకి లభించిన అవార్డులను ఒకసారి చూద్దాం:
- జూన్ 2023లో ప్రెసిడెంట్ అబ్దెల్ ఫతాహ్ ఎల్-సిసి ప్రధాని మోదీకి ఈజిప్ట్ యొక్క అత్యున్నత రాష్ట్ర గౌరవం ‘ఆర్డర్ ఆఫ్ నైల్’తో సత్కరించారు.
పాపువా న్యూ గినియా గవర్నర్ జనరల్ సర్ బాబ్ దాడే, ఆర్డర్ ఆఫ్ లోగోహు యొక్క గ్రాండ్ కంపానియన్‌తో ప్రధాని మోదీకి సత్కరించారు. - పీఎం నరేంద్ర మోదీ ప్రపంచ నాయకత్వానికి గుర్తింపుగా ఫిజీ అత్యున్నత గౌరవం, పానియన్ ఆఫ్ ది ఆర్డర్ ఆఫ్ ఫిజీని కూడా ప్రదానం చేశారు. ఈ అవార్డును మే 2023లో ఫిజీ పీఎం సితివేణి రబుకా ప్రదానం చేశారు.
- 2023లో పాపువా న్యూ గినియా పర్యటన సందర్భంగా, రిపబ్లిక్ ఆఫ్ పలావ్ ప్రెసిడెంట్ సురాంగెల్ S. విప్స్, జూనియర్ ద్వారా పీఎం మోదీకి ఎబాకల్ అవార్డు లభించింది.
- 2021 డిసెంబర్‌లో భూటాన్ ప్రధాని మోదీని అత్యున్నత పౌర అలంకరణ ఆర్డర్ ఆఫ్ ద డ్రక్ గ్యాల్పోతో సత్కరించింది.
- యుఎస్ ప్రభుత్వంచే లెజియన్ ఆఫ్ మెరిట్, అత్యుత్తమ సేవలు, విజయాల పనితీరులో ప్రతిభ కనబర్చినందుకు యునైటెడ్ స్టేట్స్ ఆర్మ్‌డ్ ఫోర్సెస్ అవార్డు 2020లో PM మోడీకి ప్రదానం చేయబడింది.
- PM మోడీ 2019లో ప్రతిష్టాత్మక కింగ్ హమద్ ఆర్డర్ ఆఫ్ ది రినైసెన్స్‌ను అందుకున్నారు. ఈ గౌరవాన్ని బహ్రెయిన్ ప్రదానం చేసింది.
- ఆర్డర్ ఆఫ్ ది డిస్టింగ్విష్డ్ రూల్ ఆఫ్ నిషాన్ ఇజ్జుద్దీన్- విదేశీ ప్రముఖులకు మాల్దీవుల అత్యున్నత గౌరవం 2019లో ప్రధాని మోదీకి అందించారు.
- రష్యా తమ అత్యున్నత పౌర పురస్కారం – ఆర్డర్ ఆఫ్ సెయింట్ ఆండ్రూ అవార్డును 2019లో ప్రధాని మోదీకి అందించింది.
- 2019లో, ప్రధాన మంత్రికి ఆర్డర్ ఆఫ్ జాయెద్ అవార్డు లభించింది. ఇది యునైటెడ్ అరబ్ ఎమిరేట్స్ యొక్క అత్యున్నత పౌర గౌరవం.
- 2018లో, ప్రధాని నరేంద్ర మోదీ పాలస్తీనాలో చారిత్రాత్మక పర్యటన చేసినప్పుడు, ఆయనకు గ్రాండ్ కాలర్ ఆఫ్ స్టేట్ ఆఫ్ పాలస్తీనా అవార్డు లభించింది. విదేశీ ప్రముఖులకు పాలస్తీనా ఇచ్చే అత్యున్నత గౌరవం ఇదే.
- 2018లో PM మోడీకి ఆఫ్ఘనిస్తాన్ అత్యున్నత పౌర గౌరవమైన స్టేట్ ఆర్డర్ ఆఫ్ ఘాజీ అమీర్ అమానుల్లా ఖాన్‌ను అందించారు.
- ఏప్రిల్ 2016లో, తన సౌదీ అరేబియా పర్యటన సందర్భంగా, ప్రధానమంత్రి నరేంద్ర మోడీకి సౌదీ అరేబియా యొక్క అత్యున్నత పౌర పురస్కారం- కింగ్ అబ్దుల్ అజీజ్ సాష్ లభించింది. కింగ్ సల్మాన్ బిన్ అబ్దుల్ అజీజ్ చేతుల మీదుగా ప్రధానికి ఈ ప్రతిష్టాత్మక అవార్డు లభించింది.
READ MORE Bangladesh | బంగ్లాదేశ్ లో జడలు విప్పుతున్నమరో నిషేధిక ఉగ్రవాద సంస్థ.. భారత్ కూ ప్రమాదమే..
అంతర్జాతీయ ప్రతిష్టాత్మక సంస్థలు అందించిన అవార్డులు:
ప్రధాని మోదీకి ప్రపంచవ్యాప్తంగా ఉన్న ప్రతిష్టాత్మక సంస్థలు కూడా అనేక అవార్డులను ప్రదానం చేశాయి.
- 2021లో కేంబ్రిడ్జ్ ఎనర్జీ రీసెర్చ్ అసోసియేట్స్(CERA) ద్వారా గ్లోబల్ ఎనర్జీ అండ్ ఎన్విరాన్‌మెంట్ లీడర్‌షిప్ అవార్డును ప్రధాని మోదీకి అందించారు. ప్రపంచ ఇంధనం, పర్యావరణం పరిరక్షణపై నిబద్ధతకు ఈ అవార్డు లభించింది.
- 2019లో, స్వచ్ఛ భారత్ అభియాన్ కోసం బిల్ అండ్ మెలిండా గేట్స్ ఫౌండేషన్ ద్వారా ప్రధాని మోదీకి ‘గ్లోబల్ గోల్‌కీపర్’ అవార్డు లభించింది. స్వచ్ఛ భారత్ ప్రచారాన్ని ‘ప్రజా ఉద్యమం’గా మార్చినందుకు, వారి రోజువారీ జీవితంలో పరిశుభ్రతకు అత్యంత ప్రాధాన్యతనిచ్చిన భారతీయులకు ఈ అవార్డును ప్రధాని మోదీ అంకితం చేశారు.
- మొట్టమొదటిసారిగా ఫిలిప్ కోట్లర్ ప్రెసిడెన్షియల్ అవార్డును 2019లో ప్రధాని మోదీకి అందించారు. ఈ అవార్డును ఏటా దేశ నాయకుడికి అందజేస్తారు. ‘దేశానికి అత్యుత్తమ నాయకత్వం వహించినందుకు’ ప్రధాని మోదీని ఎంపిక చేసినట్లు అవార్డు కమిటీ పేర్కొంది.
- యునైటెడ్ నేషన్స్ ఛాంపియన్స్ ఆఫ్ ది ఎర్త్ అవార్డు: ఇది UN అత్యున్నత పర్యావరణ గౌరవం. 2018లో ప్రపంచ వేదికపై సాహసోపేతమైన పర్యావరణ నాయకత్వానికి ప్రధాని మోదీని UN గుర్తించింది.
- సియోల్ శాంతి బహుమతి: మానవజాతి సామరస్యం, దేశాల మధ్య సయోధ్య, ప్రపంచ శాంతికి కృషి చేయడం ద్వారా తమదైన ముద్ర వేసిన వ్యక్తులకు సియోల్ శాంతి బహుమతి కల్చరల్ ఫౌండేషన్ ద్వైవార్షిక ప్రదానం చేస్తుంది. 2018లో ప్రధాని మోదీకి ప్రతిష్టాత్మక అవార్డు లభించింది.
