UTS Cashback Offer | రైలు ప్రయాణికులకు దక్షిణ మధ్య రైల్వే గుడ్ న్యూస్ చెప్పింది. అన్రిజర్వ్డ్ టికెటింగ్ సిస్టమ్ (UTS) మొబైల్ యాప్ ద్వారా అన్రిజర్వ్డ్ టిక్కెట్లపై క్యాష్ బ్యాక్ సౌకర్యాన్ని ప్రవేశపెట్టింది. సౌత్ సెంట్రల్ రైల్వే అధికారుల అభిప్రాయం ప్రకారం, UTS యాప్ ఆధునిక టికెటింగ్ వ్యవస్థలో ఒక పెద్ద ముందడుగు. భారతీయ రైల్వేస్లో అన్ రిజర్వ్ టిక్కెట్లపై ప్రయాణించేవారికి ఇది ఒక వరంగా చెప్పవచ్చు. డిజిటల్ ఇండియా చొరవకు అనుగుణంగా, ఈ యాప్ నగదు రహిత లావాదేవీలను ప్రోత్సహిస్తుంది. ప్రయాణీకులు R-Wallet, Paytm, PhonePe, Googlepay, UPI యాప్లు లేదా ఇంటర్నెట్ బ్యాంకింగ్ వంటి వివిధ డిజిటల్ ప్లాప్ఫాంల ద్వారా చెల్లింపు చేయవచ్చు. R-Wallet UTS యాప్లో అందుబాటులో ఉంటుంది. దీనిలో మొత్తాలను రూ. 20,000 పరిమితి వరకు డిపాజిట్ చేయవచ్చు. ప్రచార సూచనగా, R-Wallet ద్వారా కొనుగోలు చేసిన టిక్కెట్లపై 3 శాతం క్యాష్ బ్యాక్ ఇవ్వనున్నారు.
UTS Cashback Offer | యూటీఎస్ కు పెరుగుతున్న ఆదరణ
2023–24లో ఏప్రిల్ నుంచి జనవరి వరకు UTS మొబైల్ యాప్ సౌకర్యాన్ని పొందిన సగటు ప్రయాణీకుల సంఖ్య 83,510 కాగా, ప్రస్తుత ఆర్థిక సంవత్సరం 2024-25లో రోజుకు సగటున ప్రయాణికుల సంఖ్య 93,487. ఇది టిక్కెట్ల కొనుగోళ్లలో UTS యాప్ వినియోగిస్తున్న వారి సంఖ్య 12 శాతం పెరినట్లు తెలుస్తోంది . ఆండ్రాయిడ్, IOS, విండోస్ వెర్షన్ ఆపరేటింగ్ సిస్టమ్ స్మార్ట్ఫోన్ ఉన్న వ్యక్తులు యాప్ను ఉచితంగా డౌన్లోడ్ చేసుకోవచ్చు.
UTS యాప్ యూజర్ ఫ్రెండ్లీ, అనేక భాషల మద్దతు, నగదు రహిత లావాదేవీలు, యాప్ను ఎలా ఉపయోగించాలో దశల వారీ యూజర్ గైడ్ ఇందులో ఉంటుంది. అలాగే హెల్ప్లైన్ నంబర్లు తరచుగా అడిగే ప్రశ్నలతో సహా వివిధ రకాల కస్టమర్ సపోర్ట్ అందించే హెల్ప్ ట్యాబ్ వంటి వివిధ కీలక ఫీచర్లను కలిగి ఉంది .
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
