అమోల్డ్ డిస్ప్లేతో Fire-Boltt Apollo 2 Smartwatch లాంచ్ అయింది.. వివరాలు ఇవిగో..
Fire-Boltt Apollo 2 Smartwatch : ఫైర్-బోల్ట్ అపోలో 2 స్మార్ట్‌వాచ్ భారతదేశంలో లాంచ్ అయింది. స్మార్ట్ వాచ్ 466×466 పిక్సెల్‌ల రిజల్యూషన్‌తో 1.43-అంగుళాల AMOLED డిస్‌ప్లే, బ్లూటూత్ కాలింగ్, హార్ట్ రేట్ మానిటర్, స్లీప్ ట్రాకర్, SpO2 మానిటర్ వంటి స్మార్ట్ హెల్త్ సెన్సార్‌లతో వస్తుంది. ఇది 110కి పైగా స్పోర్ట్స్ మోడ్‌లను కూడా సపోర్ట్ చేస్తుంది. మల్టీ క్లౌడ్- బేస్డ్ వాచ్ ఫేస్ లను కలిగి ఉంది. స్మార్ట్ వాచ్ సాధారణ వినియోగంతో బ్యాటరీ లైఫ్.. ఏడు రోజులకు, స్టాండ్‌బై మోడ్‌లో 20 రోజుల వరకు అందించగలదని కంపెనీ తెలిపింది.
ఫైర్-బోల్ట్ అపోలో 2 ధర
ఫైర్ -బోల్ట్ అపోలో 2 స్మార్ట్ వాచ్ ధర భారతదేశంలో రూ. 2,499 గా నిర్ణయించారు. అధికారిక Fire-Boltt వెబ్‌సైట్, Flipkart లో విక్రయానికి అందుబాటులో ఉంటుంది. ఇది బ్లాక్, డార్క్ గ్రే, గ్రే, పింక్ అనే నాలుగు విభిన్న కలర్ వేరియంట్‌లలో వస్తుంది.
Fire-Boltt Apollo 2 Smartwatch స్పెసిఫికేషన్స్
ఫైర్-బోల్ట్ యొక్క అపోలో 2 స్మార్ట్ వాచ్ 1.43-అంగుళాల (466×466 పిక్సెల్స్) AMOLED డిస్‌ప్లేను కలిగి ఉంది. ఇది మెటాలిక్ బాడీ, సిలికాన్ పట్టీలను కలిగి ఉన్న వృత్తాకార డయల్‌ తో వస్తుంది. ఈ వాచ్ బ్లూటూత్ కాలింగ్‌కు మద్దతు ఇస్తుంది, వినియోగదారులు వాచ్ నుంచి నేరుగా ఫోన్ కాల్‌లు చేయడానికి, రిసీవ్ చేసుకోవడానికి అనుమతిస్తుంది. స్మార్ట్‌వాచ్‌లో గూగుల్ అసిస్టెంట్, సిరి వంటి AI వాయిస్ అసిస్టెంట్‌లు కూడా ఉన్నాయి.
Also Read : Amazfit Cheetah, Cheetah Pro స్మార్ట్‌వాచ్‌లు లాంచ్
ఇది SpO2 మానిటరింగ్, హార్ట్ రేట్ సెన్సార్‌లు, ఫిమేల్ హెల్త్ ట్రాకర్, స్లీప్ మానిటరింగ్ వంటి అనేక స్మార్ట్ హెల్త్ ట్రాకర్‌లను కలిగి ఉంది. అదనంగా, ఫైర్-బోల్ట్ అపోలో 2 110 స్పోర్ట్స్ మోడ్‌లకు మద్దతునిస్తుంది. ఇది ఎంచుకోవడానికి మల్టీ క్లౌడ్- బేస్డ్ వాచ్ ఫేస్‌లను కూడా కలిగి ఉంది. Fire-Boltt Apollo 2 సాధారణ వినియోగంతో గరిష్టంగా ఏడు రోజుల బ్యాటరీ లైఫ్ను బ్లూటూత్ కాలింగ్‌తో 2 రోజుల వరకు, స్టాండ్‌బై మోడ్‌లో 20 రోజుల వరకు అందిస్తుందని కంపెనీ పేర్కొంది. ఇక ఈ వాచ్‌లో అలారం, టైమర్, స్టాప్‌వాచ్, వాతావరణ వివరాలు, సెడెంటరీ రిమైండర్‌లు కూడా ఉన్నాయి. Fire Boltt నుండి వచ్చిన ఈ తాజా వాచ్ నీరు, ధూళి నిరోధకత కోసం IP67-రేట్ చేయబడింది. ఇందులో ఇన్-బిల్ట్ గేమ్‌లు, స్మార్ట్ నోటిఫికేషన్, కెమెరా, మ్యూజిక్ కంట్రోల్స్ కూడా ఉన్నాయి.
