పూరీ రథయాత్ర 2025: లక్షలాది భక్తుల మధ్య ప్రారంభమైన పవిత్ర పర్వదినం – Puri Jagannath Rath Yatra 2025
Puri Jagannath Rath Yatra 2025 | దేశంలోనే అత్యంత చారిత్రాత్మకమైన జగన్నాథ రథయాత్ర 2025 పూరీలో ఘనంగా ప్రారంభమైంది. దేశం నలుమూలల నుంచి, విదేశాల నుంచి లక్షలాది మంది భక్తులు ఈ మహోత్సవానికి హాజరయ్యారు. ఈ నేపథ్యంలో పూరీ నగరం మొత్తం హై-సెక్యూరిటీ జోన్‌గా మార్చారు. తీరప్రాంత యాత్రా పట్టణంలో విస్తృతంగా బలగాలను మోహరించారు. AI- ఆధారిత నిఘా, రియల్-టైమ్ పర్యవేక్షణతో భారీ భద్రతను ఏర్పాటు చేశారు.జగన్నాథుడు, బలభద్రుడు, దేవి సుభద్రల రథాలు ఈరోజు సాయంత్రం గుండిచా ఆలయానికి బయలుదేరడానికి సిద్ధమవుతుండగా, ఈ భారీ కార్యక్రమానికి అన్ని సన్నాహాలు పూర్తి చేసినట్లు జిల్లా యంత్రాంగం తెలిపింది. ఆలయం లోపల అన్ని ఆచారాలు పూర్తయిన తర్వాత సాయంత్రం 4 గంటలకు రథయాత్ర ప్రారంభం కానుంది.రథయాత్ర సందర్భంగా ప్రధానమంత్రి నరేంద్ర మోదీ దేశ ప్రజలకు శుభాకాంక్షలు తెలిపారు. ఒక వీడియోతో పాటు, ఆయన Xలో హిందీలో పోస్ట్ చేశారు: “జగన్నాథున...
