Rohit Sharma take retirement From Test : భారత క్రికెట్ నుంచి షాకింగ్ వార్తలు వస్తున్నాయి. ఐపీఎల్ కొనసాగుతుండగా టీం ఇండియా కెప్టెన్ రోహిత్ శర్మ టెస్ట్ క్రికెట్ (Test Cricket) నుంచి రిటైర్మెంట్ ప్రకటించాడు. ఐపీఎల్ తర్వాత, టీం ఇండియా ఇంగ్లాండ్తో ఐదు మ్యాచ్ల టెస్ట్ సిరీస్ లో తలపడనున్న క్రమంలో రోహిత్ నుంచి అనూహ్యమైన ప్రకటన వచ్చింది.
ఇంగ్లాండ్ పర్యటనకు ముందే రోహిత్ శర్మ ఇలా రిటైర్మెంట్ ప్రకటించడం భారత అభిమానులు షాక్ కు గురవుతున్నారు. రోహిత్ శర్మ తన టెస్ట్ క్యాప్ ఫోటోను తన ఇన్స్టాగ్రామ్లో షేర్ చేసి టెస్ట్ క్రికెట్ నుంచి రిటైర్ అవుతున్నట్లు ప్రకటించాడు.
టెస్ట్ క్యాప్ ఫోటోను షేర్ చేస్తూ రోహిత్ శర్మ ఇలా వ్రాశాడు, “నేను టెస్ట్ క్రికెట్ నుంచి రిటైర్ అవుతున్నానని అభిమానులందరితో పంచుకోవాలనుకుంటున్నాను. టెస్ట్ క్రికెట్లో టీమ్ ఇండియాకు ప్రాతినిధ్యం వహించడం నాకు చాలా గౌరవంగా ఉంది. ఇప్పుడు నేను వన్డే ఫార్మాట్లో మాత్రమే టీమ్ ఇండియాకు కెప్టెన్గా ఉంటాను. సంవత్సరాలుగా మీ ప్రేమ, మద్దతుకు ధన్యవాదాలు.”
ఇంగ్లాండ్ పర్యటనకు ముందు రోహిత్ శర్మ ఆకస్మిక రిటైర్మెంట్ వార్త అందరినీ ఆశ్చర్యపరిచింది. ‘హిట్మ్యాన్’ రోహిత్ శర్మ ఇకపై వన్డే ఫార్మాట్లో మాత్రమే భారత్కు ప్రాతినిధ్యం వహిస్తాడు. 2024 టీ20 ప్రపంచ కప్ గెలిచిన తర్వాత, రోహిత్ టీ20 ఫార్మాట్కు వీడ్కోలు పలికాడు.
Rohit Sharma : టెస్ట్ క్రికెట్లో రికార్డు
హిట్మ్యాన్ టెస్ట్ రికార్డుల విషయానికొస్తే రోహిత్ శర్మ టెస్టుల్లో మొత్తం 67 మ్యాచ్లు ఆడాడు. ఈ మ్యాచ్లలో 116 ఇన్నింగ్స్లలో బ్యాటింగ్ చేసి, అతను 40.57 సగటుతో 4301 పరుగులు చేశాడు. ఈ కాలంలో, అతని బ్యాట్ నుండి 12 సెంచరీలు, 18 అర్ధ సెంచరీలు వచ్చాయి, ఇందులో అత్యధిక స్కోరు 212 పరుగులు.
2024-25 బోర్డర్-గవాస్కర్ ట్రోఫీలో టీం ఇండియా అవమానకరమైన ఓటమి తర్వాత, రోహిత్ శర్మ కెప్టెన్సీ, అతని ప్రదర్శనపై ప్రశ్నలు తలెత్తాయి. అయితే, రోహిత్ సిడ్నీ టెస్ట్ నుండి తనను తాను తప్పుకోగా అతని స్థానంలో జస్ప్రీత్ బుమ్రా జట్టు కెప్టెన్సీని చేపట్టాడు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
