PM Modi in Wayanad | ప్రకృతి విలయంలో విలవిలలాడుతున్న వాయనాడ్లో పునరావాస కార్యక్రమాలపై ఆశలు రేకెత్తిస్తూ, ప్రధాని నరేంద్ర మోదీ శనివారం ఆగస్టు 10న కేరళలో పర్యటించారు. ఉదయం 11 గంటలకు కన్నూర్ అంతర్జాతీయ విమానాశ్రయానికి చేరుకోగా కేరళ గవర్నర్ ఆరిఫ్ మహ్మద్ ఖాన్, ముఖ్యమంత్రి పినరయి విజయన్లు ఆయనకు స్వాగతం పలికారు. ప్రధానమంత్రి కన్నూర్ పర్యటనలో కేంద్ర మంత్రి సురేశ్ గోపీ ప్రత్యేక విమానంలో ఆయనతో కలిసి వెళ్లారు. అక్కడి నుంచి వైమానిక దళం హెలికాప్టర్లో ఎక్కిన ప్రధాని వాయనాడ్లోని కొండచరియలు విరిగిపడిన ప్రాంతాలకు వెళ్లి విపత్తు జరిగిన ప్రదేశాన్ని సందర్శించే ముందు వయనాడ్లో ఏరియల్ సర్వే చేపట్టారు. ఏరియల్ సర్వేలో ఆయన కొండచరియలను పరిశీలించారు. ఇది ఇరువజింజి పూజ (నది) మూలం. వరద ప్రభావిత ప్రాంతాలైన పుంఛిరిమట్టం, ముండక్కై, చూరల్మల ప్రాంతాలను కూడా ఆయన పరిశీలించారు. ఏరియల్ సర్వే అనంతరం ఆయన హెలికాప్టర్ కల్పేటలోని ఎస్కేఎంజే స్కూల్ గ్రౌండ్లో దిగారు.
విమానాశ్రయంలో ప్రధానికి స్వాగతం పలికేందుకు ఎమ్మెల్యే కేకే శైలజ టీచర్, ముఖ్య కార్యదర్శి డాక్టర్ వీ వేణు, డీజీపీ షేక్ దర్వేష్ సాహిబ్, కన్నూర్ జిల్లా కలెక్టర్ అరుణ్ కే విజయన్, కన్నూర్ సిటీ పోలీస్ కమిషనర్ అజిత్ కుమార్, బీజేపీ నేతలు ఏపీ అబ్దుల్లాకుట్టి, సీకే పద్మనాభన్ తదితరులు వచ్చారు.
మూడు గంటల పాటు జరిగిన ప్రధాని మోదీ పర్యటనలో విపత్తు నుంచి బయటపడి చికిత్స పొందుతున్న వారితో కూడా ప్రధాని సమావేశమయ్యారు. ఛాపర్లో ప్రధాని మోదీ వెంట కేంద్ర సహాయ మంత్రి సురేశ్ గోపీ, గవర్నర్ ఆరిఫ్ మహ్మద్ ఖాన్, ముఖ్యమంత్రి పినరయి విజయన్ ఉన్నారు. అనంతరం ముఖ్యమంత్రితో ప్రధాని చర్చలు జరపనున్నారు. అలాగే వివిధ సహాయక బృందాలతో కూడా సమావేశమవుతారు. కాగా విపత్తులో నష్టపోయిన వారి పునరావాసం కోసం కేంద్రం నుంచి రూ. 2000 కోట్ల ప్రత్యేక ప్యాకేజీని అభ్యర్థించాలని రాష్ట్ర ప్రభుత్వం నిర్ణయించింది.
వాయనాడ్లో కొండచరియలు విరిగిపడటంతో కేంద్ర ప్రభుత్వం సహాయక చర్యలు చేపట్టింది. జూలై 30న, ఎడతెగని అతి భారీ వర్షాల కారణంగా వాయనాడ్ జిల్లాలోని ముండక్కి, చూరల్మల, వెల్లరిమల గ్రామం వద్ద పెద్ద కొండచరియలు విరిగిపడ్డాయి. మోదీ ప్రభుత్వం పరిస్థితిని సమీక్షించింది. సంఘటన స్థలంలో రెస్క్యూ, రిలీఫ్ ఆపరేషన్ కోసం NDRF, ఆర్మీ, ఎయిర్ ఫోర్స్, నేవీ, ఫైర్ సర్వీసెస్, సివిల్ డిఫెన్స్ వంటి 1200 మందికి పైగా రక్షకులను మోహరించి బాధితులకు అండగా నిలిచింది. వైద్య సహాయం చికిత్స కోసం వైద్యులు ఇతర వైద్య సిబ్బందితో పాటు 100 కి పైగా అంబులెన్స్లను మోహరించారు.
భారత సైన్యం వాయనాడ్లో 190 అడుగుల బెయిలీ వంతెనను నిర్మించింది. ఇది భారీ యంత్రాలు అంబులెన్స్ల రాకపోకలను సులభతరం చేసింది. విశేషమేమిటంటే, ఈ వంతెన నిర్మాణం కేవలం 71 గంటల్లో పూర్తయింది, వంతెన దెబ్బతినడం వల్ల చిక్కుకుపోయిన సుమారు 200 మందిని రక్షించడానికి భారీ వాహనాలు యంత్రాలను సమీకరించడం ద్వారా రెస్క్యూ కార్యకలాపాలను పెంచింది.
ఇప్పటి వరకు, మొత్తం 30 మందిని రక్షించారు, 520 మందిని తరలించారు. 112 మృతదేహాలను NDRF రెస్క్యూ టీమ్లు వెలికితీశాయి. రాష్ట్రంలోని ప్రభావిత ప్రాంతాలను సందర్శించేందుకు కేంద్ర ప్రభుత్వం ఇంటర్ మినిస్టీరియల్ సెంట్రల్ టీమ్ (IMCT)ని ఏర్పాటు చేసింది. ఈ బృందం ఆగస్టు 8 నుంచి 10వ తేదీ వరకు ప్రభావిత ప్రాంతాల్లో పర్యటిస్తుంది.
గత 5 ఏళ్లలో మొత్తం దాదాపు రూ. 1780 కోట్లలలో స్టేట్ డిజాస్టర్ రెస్పాన్స్ ఫండ్ (SDRF) లో కేంద్రం వాటాగా రూ.1200 కోట్లను మోదీ ప్రభుత్వం విడుదల చేసింది. దీనికి తోడు మోడీ ప్రభుత్వం గత ఐదేళ్లలో రాష్ట్ర విపత్తుల నివారణ నిధికి రూ.445 కోట్లు కేటాయించింది.
Kerala | PM Narendra Modi undertook an aerial survey in Wayanad before physically visiting the location of the disaster.
In the aerial survey, he saw the origin of the landslide, which is in the origin of Iruvazhinji Puzha (River). He also observed the worst affected areas of… pic.twitter.com/bGGSbIbbZ6
— ANI (@ANI) August 10, 2024
Organic Formin, Green Mobility, Solar Energy, Environment కి సంబంధించిన వార్తల కోసం హరితమిత్ర ను సందర్శించండి.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..
