Pension Scheme – PM Shram Yogi Mandhan Yojana : ప్ర‌ధాని న‌రేంద్ర మోదీ నేతృత్వంలోని కేంద్ర ప్రభుత్వం వివిధ వర్గాల ప్రజలకు సంక్షేమ పథకాలను అమ‌లు చేస్తోంది. ఇందులో భాగంగా దేశవ్యాప్తంగా ఉన్న అసంఘటిత కార్మికులకు కూడా గొప్ప ప‌థ‌కాన్ని అందిస్తోంది. భారతదేశంలో వారి ప్రస్తుత ఆదాయం ఆధారంగా భవిష్యత్ కు భ‌రోసా ఇచ్చేందుకు పెన్షన్ అందించే పథకం ఇది. అసంఘ‌టిక కార్మికుల కోసం ప్రభుత్వం 2019 లో ప్రధాన మంత్రి శ్రమ యోగి మంధన్ యోజనను ప్రారంభించింది. ఈ పథకం ద్వారా కార్మికులకు ప్రతి నెలా పెన్షన్ అందిస్తారు. ఈ పథకం వల్ల ఏ కార్మికులు ప్రయోజనం పొందుతారో ఈ పథకానికి ఎలా దరఖాస్తు చేసుకోవాలో ఇపుడు తెలుసుకుందాం..
Pension Scheme : రూ. 3000 వరకు పెన్షన్
ప్రధాన్ మంత్రి శ్రమ యోగి మంధన్ యోజన తో ప్రధానంగా దేశంలోని అసంఘటిత రంగంలో పనిచేసే కార్మికులు ప్రయోజనం పొందుతున్నారు. ఈ పథకం ద్వారా, కార్మికులకు ప్రతి నెలా రూ. 3000 వరకు పెన్షన్ ఇవ్వబడుతుంది. ఈ పథకానికి కార్మికులు ప్రతి నెలా జమ చేయాలి. కార్మికులు చెల్లించిన దానికి సమానమైన మొత్తాన్ని ప్రభుత్వం కూడా చెల్లిస్తుంది.
ఎలాంటి కార్మికులకు వర్తిస్తుంది.?
ప్రధాన్ మంత్రి శ్రమ యోగి మంధన్ యోజన ముఖ్యంగా దుకాణదారులు, రిక్షా లాగేవారు, చెప్పులు కుట్టేవారు, దర్జీలు, దుస్తులను ఉతికేవారు, క్షురకులు వంటి వృత్తులలో పనిచేసే వారికి అందించబడుతుంది. ఈ పథకం ప్రయోజనాలను పొందడానికి వయోపరిమితిని 18 సంవత్సరాల నుంచి 40 సంవత్సరాలుగా నిర్ణ‌యించారు. ఈ పథకంలో, కనీసం 20 సంవత్సరాలు న‌గదును డిపాజిట్ చేయాలి. డిపాజిట్ చేసిన పెట్టుబడి ఆధారంగా, 60 ఏళ్లు నిండిన తర్వాత ప్రతి నెలా పెన్షన్ ఇవ్వబడుతుంది.
ఎలా దరఖాస్తు చేయాలి?
ప్రధాన్ మంత్రి శ్రమ యోగి మంధన్ యోజనకు దరఖాస్తు చేసుకోవడానికి, మీరు మీ సమీపంలోని కామన్ సర్వీస్ సెంటర్ (CSS)కి వెళ్లాలి. ఈ పథకానికి దరఖాస్తు చేసుకోవడానికి కామన్ సర్వీస్ సెంటర్‌కు వెళ్లడం ద్వారా మాత్రమే అవకాశం ఉంటుంది. దరఖాస్తు చేసుకోవడానికి, ప్రజలు ఆధార్ కార్డ్, పాన్ కార్డ్, బ్యాంక్ ఖాతా పాస్‌బుక్ లేదా చెక్‌బుక్ వంటి అవసరమైన పత్రాలను తీసుకెళ్లాలి. దరఖాస్తు విజయవంతం అయిన తర్వాత, మీకు శ్రమ యోగి కార్డ్ జారీ చేయబడుతుంది. గుర్తుంచుకోండి, ప్రతి నెలా ఈ పథకానికి స్థిరమైన మొత్తం మీ బ్యాంక్ ఖాతా డ్రా చేబ‌డుతుంది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
