- ఆర్థిక మంత్రి నిర్మలా సీతారామన్ అధ్యక్షతన 56వ జీఎస్టీ కౌన్సిల్ సమావేశం
- పన్ను నిర్మాణం సరళీకరణ లక్ష్యంగా తీసుకున్న ఏకగ్రీవ నిర్ణయం
- పౌరులపై ఆర్థిక భారం తగ్గించడమే ప్రధాన ఉద్దేశ్యం
New GST slabs announced : ఆర్థిక మంత్రి నిర్మలా సీతారామన్ (Nirmala Sitharaman) అధ్యక్షతన జరిగిన 56వ జీఎస్టీ కౌన్సిల్ (GST Council) సమావేశంలో ప్రస్తుతం ఉన్న 12 శాతం, 28 శాతం శ్లాబులను రద్దు చేశారు. వస్తువులు, సేవల పన్ను (Goods And Services Tax) కౌన్సిల్ పన్ను నిర్మాణంలో మూడు కొత్త GST స్లాబ్‌లకు ఆమోదం తెలిపింది. అవి 5 శాతం, 18 శాతం , 40 శాతం.
కొత్త జీఎస్టీ శ్లాబులు
5 శాతం, 18 శాతం సరళీకృత రెండు-రేటు శ్లాబ్ ను కౌన్సిల్ ఆమోదించింది, అదే సమయంలో విలాసవంతమైన వస్తువులకు కొత్త 40 శాతం స్లాబ్‌ను ప్రవేశపెట్టింది. ఈ మార్పులు సెప్టెంబర్ 22 నుండి అమల్లోకి వస్తాయని మారథాన్ సమావేశం తర్వాత సీతారామన్ ప్రకటించారు.
హిమాచల్ ప్రదేశ్ మంత్రి రాజేష్ ధర్మాని ఈ నిర్ణయం ఏకగ్రీవంగా తీసుకున్నట్లు ధృవీకరించారు. అందరూ GST రేట్లను హేతుబద్ధీకరించడానికి అంగీకరించారని, ఫలితంగా మూడు శ్లాబులు ఏర్పడ్డాయని ఆయన వివరించారు: 5%, 18%, లగ్జరీ వస్తువులకు 40% ప్రత్యేక రేటు. మునుపటి 12%, 28% శ్లాబులు తొలగించారు.
హిమాచల్ ప్రదేశ్ మంత్రి, GST కౌన్సిల్ సభ్యుడు హర్షవర్ధన్ చౌహాన్ కూడా ఇదే అభిప్రాయాన్ని వ్యక్తం చేశారు. పౌరులపై ఆర్థిక భారాలను తగ్గించే ఉమ్మడి లక్ష్యంతో GST హేతుబద్ధీకరణకు అందరు సభ్యులు మద్దతు ఇచ్చారని ఆయన పేర్కొన్నారు.
సామాన్యుడిపై దృష్టి : ఆర్థిక మంత్రి
సమావేశం అనంతరం జరిగిన విలేకరుల సమావేశంలో ఆర్థిక మంత్రి మాట్లాడుతూ, మధ్యతరగతి, పేద వ‌ర్గాల‌ను దృష్టిలో ఉంచుకుని సవరించిన జిఎస్‌టి స్లాబ్‌ల రూపంలో సంస్కరణలను తీసుకువచ్చామని అన్నారు. “సామాన్యులపై దృష్టి సారించి ఈ సంస్కరణలు చేశాం. సామాన్యుడి రోజువారీ వినియోగ వస్తువులపై విధించే ప్రతి పన్నును కఠినంగా సమీక్షించారు. అనేక అంశాల్లో రేట్లు బాగా తగ్గాయి… శ్రమతో కూడిన పరిశ్రమలకు మంచి మద్దతు లభించింది. రైతులు, వ్యవసాయ రంగం, అలాగే ఆరోగ్య రంగం ప్రయోజనం పొందుతాయి. ఆర్థిక వ్యవస్థ కీలకమైన చోదకులకు ప్రాధాన్యత ఇవ్వబడుతుంది” అని ఆమె చెప్పారు.
GST సంస్కరణలు: ఏది చౌకగా లభిస్తుంది?
సామాన్యులు, మధ్యతరగతి వస్తువులకు పూర్తి తగ్గింపు ఉంటుందని ఆమె అన్నారు. జీఎస్టీని 5 శాతానికి తగ్గించిన వస్తువులు: హెయిర్ ఆయిల్, టాయిలెట్ సబ్బు, సబ్బు బార్లు, షాంపూలు, టూత్ బ్రష్లు, టూత్ పేస్టు, సైకిళ్ళు, టేబుల్వేర్, కిచెన్ వేర్, ఇతర గృహోపకరణాలు అని సీతారామన్ చెప్పారు.
“5 శాతం నుండి జీఎస్టీని సున్నాకి తగ్గించిన వస్తువులు: అల్ట్రా-హై టెంపరేచర్ పాలు, చెనా, పనీర్. అన్ని భారతీయ బ్రెడ్‌లకు సున్నా రేటు ఉంటుంది. కాబట్టి రోటీ లేదా పరాఠా లేదా అది ఏదైనా, అవన్నీ సున్నాకి వస్తాయి.
జీఎస్టీని 12% నుంచి లేదా 18% నుంచి 5కి తగ్గింపు
ఆహార పదార్థాలు- నామ్‌కీన్, బుజ్జియా, సాస్‌లు, పాస్తా, ఇన్‌స్టంట్ నూడుల్స్, చాక్లెట్లు, కాఫీ, ప్రాసెస్డ్‌ మాంసం, కార్న్‌ఫ్లేక్స్, వెన్న, నెయ్యి, ఇవన్నీ 5%లో ఉన్నాయి.
28% నుండి 18%కి తగ్గింపు-
ఎయిర్ కండిషనింగ్ యంత్రాలు, 32 అంగుళాల కంటే ఎక్కువ ఉన్న టీవీలు, ఇప్పుడు 18% ఉన్న అన్ని టీవీలు, డిష్‌వాషింగ్ యంత్రాలు, చిన్న కార్లు, 350 సిసికి సమానమైన లేదా అంతకంటే తక్కువ ఉన్న మోటార్‌సైకిళ్లు అన్నీ ఇప్పుడు 18%కి వస్తున్నాయి” అని కేంద్ర ఆర్థిక మంత్రి నిర్మలా సీతారామన్ చెప్పారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
