న్యూఢిల్లీ: ప్రపంచ మనుగడకు హిందూ సమాజం కేంద్రబిందువు అని రాష్ట్రీయ స్వయంసేవక్ సంఘ్ (RSS) చీఫ్ మోహన్ భగవత్ (RSS Chief Mohan Bhagwat) అన్నారు. “హిందువులు లేకుండా, ప్రపంచం ఉనికిలో ఉండదు” అని ఆయన పేర్కొన్నారు హిందూ నాగరికతకు అంతమనేది లేదని స్పష్టం చేశారు. శనివారం మణిపూర్ పర్యటన సందర్భంగా ఆయన కీల‌క వ్యాఖ్యలు చేశారు.
భగవత్ మాట్లాడుతూ, యునాన్ (గ్రీస్), మిస్ర్ (ఈజిప్ట్), రోమ్ వంటి మహా సామ్రాజ్యాలు ఈ భూమి నుంచి పూర్తిగా అంతరించిపోయినప్పటికీ భారతీయ నాగరికత మాత్రం శాశ్వతంగా నిలిచి ఉండటానికి ఇందులో ఏదో తెలియని ప్రత్యేకత ఉందని అన్నారు. “ఎన్నో జాతులు మంచికాలం–చెడుకాలం చూశాయి. కానీ మన నాగరికతలో ఏదో శక్తి ఉంది… అందుకే మనం ఇంకా నిలిచివున్నాం,” అని మోహన్ భగవత్ వ్యాఖ్యానించారు.
తన ప్రసంగంలో ఆయన హిందూ సమాజాన్ని ప్రపంచ ధర్మ సంరక్షకుడిగా ఆర్ఎస్ఎస్ చీఫ్ పేర్కొన్నారు. “భారత్ అంటే అమర నాగరికత పేరు. కొన్ని యుగాలుగా మన సమాజ నిర్మాణమే హిందుత్వాన్ని నిలబెట్టిందని తెలిపారు. ఇటీవల మణిపూర్‌లో జరిగిన జాతి ఘర్షణల తర్వాత భగవత్ మొదటిసారి రాష్ట్రాన్ని సందర్శించడం గమనార్హం.
భారతదేశంలోని క్రైస్తవులు, ముస్లింలు కూడా ఇదే పూర్వీకుల వారసులేనని ఆయన గతంలో వెల్లడించిన విషయాన్ని మరోసారి పునరుద్ఘాటించారు.
ఆర్థిక స్వావలంబన కీల‌కం
మోహన్ భగవత్ సాంస్కృతిక ప్రాముఖ్యతను నొక్కిచెప్పడంతో పాటు, భగవత్ భారతదేశ ఆర్థిక స్వావలంబనపై దృష్టి పెట్టాలని కోరారు. సైనిక, జ్ఞాన సామర్థ్యాలతో పాటు, దేశ నిర్మాణానికి ఆర్థిక బలం అత్యంత కీలకమని ఆయన అన్నారు. “జాతిని నిర్మించేటప్పుడు, మొదటి అవసరం ఆర్థిక సామర్థ్యమ‌ని గుర్తుచేశారు. అయితే మన ఆర్థిక వ్యవస్థ పూర్తిగా స్వావలంబనగా ఉండాలి. మనం ఎవరిపైనా ఆధారపడకూడదు, ”అని ఆయన అన్నారు. భారత దిగుమతులపై అమెరికా విధించిన అధిక సుంకాల తర్వాత, స్వదేశీ విధానాల కోసం ప్రభుత్వం పునరుద్ధరించిన ఒత్తిడి మధ్య ఆయన వ్యాఖ్యలు వచ్చాయి.
సాంస్కృతిక శక్తితో పాటు, దేశ నిర్మాణంలో ఆర్థిక బలం అత్యంత కీలకమని మోహన్ భగవత్ పేర్కొన్నారు. “దేశం ఎవరి మీదా ఆధారపడకూడదు. పూర్తి స్వావలంబన ఉండాలి. అదే నిజమైన శక్తి,” అని ఆయన అన్నారు. కాగా అమెరికా భారతీయ దిగుమతులపై ఇటీవల విధించిన సుంకాల నేపథ్యంలో ఈ వ్యాఖ్యలు ప్రాధాన్యం సంతరించుకున్నాయి.
సామాజిక ఐక్యతకు చారిత్రక ఉదాహరణలు
అసమానతలు, ఘర్షణలు, తిరుగుబాట్లను సమాజం ఏకతాటిపైకి వొస్తే అధిగమించవచ్చని ఆయన చరిత్రను ఉదహరించి చెప్పారు. నక్సలిజం తగ్గిపోవడం కూడా ఇదే సామాజిక సంకల్ప ఫలితమని Mohan Bhagwat పేర్కొన్నారు. అలాగే బ్రిటిష్ వలస పాలనపై భారతీయుల నిర్ణయాత్మక పోరాటాన్ని గుర్తుచేస్తూ, “మన స్వరాన్ని ఎన్నడూ అణగదీయలేకపోయారు” అని అన్నారు. తన మొత్తం ప్రసంగం ద్వారా భగవత్, భారతదేశ శక్తి — సాంస్కృతిక మూలాలు, సామాజిక ఐక్యత, ఆర్థిక స్వావలంబన, చారిత్రక పట్టుదల — ఈ నాలుగు స్తంభాలపైనే నిలిచివుందని హైలైట్ చేశారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), వాట్సప్ చానల్లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
