Maha Shivaratri Buses | హైదరాబాద్: ఫిబ్రవరి 26న మహా శివరాత్రి ప‌ర్వ‌దినం సందర్భంగా భక్తుల కోసం తెలంగాణ రాష్ట్ర రోడ్డు రవాణా సంస్థ (TGSRTC) రాష్ట్రంలోని వివిధ జిల్లాలతోపాటు పొరుగున ఉన్న ఆంధ్రప్రదేశ్ (Andhrapradesh) నుంచి 3,000 ప్రత్యేక బస్సులను నడపనుంది.
ఫిబ్రవరి 24 నుండి 28 వరకు అందుబాటులో ఉండే ఈ ప్రత్యేక బస్సు సర్వీసులు రాష్ట్రంలోని వివిధ ప్రాంతాల్లోని 43 శైవ క్షేత్రాలకు సేవ‌లందించ‌నున్నాయి. గత సంవత్సరంతో పోలిస్తే ఈ సంవత్సరం 800 కి పైగా ఎక్కువ ప్రత్యేక బస్సులు నడిపిస్తున్నారు.
శ్రీశైలానికి (Srishailam) 800, వేములవాడకు 714, కీసరగుట్ట (keesaragutta) కు 270 , ఏడుపాయకు 444, వేలాలకు 171, కాళేశ్వరం(Kaleshwaram) 80, కొమురవెల్లికి 51 , ఇతర ప్రాంతాలకు మొత్తం 800 సర్వీసులు నడపనున్నట్లు ఆర్టీసీ అధికారులు తెలిపారు. హైదరాబాద్‌లోని ఎంజిబిఎస్(MGBS), జెబిఎస్, దిల్‌సుఖ్‌నగర్, ఐఎస్ సదన్, కెపిహెచ్‌బి, బిహెచ్‌ఇఎల్ నుండి శ్రీశైలం పుణ్యక్షేత్రానికి భక్తుల కోసం ప్రత్యేక బస్సులు అందుబాటులో ఉంటాయి.
ఈ ప్రత్యేక సర్వీసులలో TGSRTC సవరించిన ప్రత్యేక ఛార్జీలను వసూలు చేస్తుందని, పండుగ సీజన్‌లో ఈ సేవలకు ముందస్తు రిజర్వేషన్ సౌకర్యాన్ని కల్పించిందని అధికారులు తెలిపారు. “మహారాత్రి శివరాత్రి సందర్భంగా భక్తులకు ఎటువంటి ఇబ్బందులు తలెత్తకుండా చూసేందుకు యాజమాన్యం అన్ని చర్యలు తీసుకుంటోంది” అని TGSRTC మేనేజింగ్ డైరెక్టర్ VC సజ్జనార్ అన్నారు . భక్తులు ఈ ప్రత్యేక సేవలను సద్వినియోగం చేసుకుని శివాలయాలకు సురక్షితంగా చేరుకుని ప్రార్థనలు చేయాలని అధికారులు కోరారు.
కరీంనగర్ నుంచి వేములవాడకు ప్రత్యేక బస్సులు ఇలా
కరీంనగర్: మహా శివరాత్రి (Maha Shivaratri) సందర్భంగా వేములవాడ శ్రీ రాజరాజేశ్వర స్వామి ఆలయానికి (Vemulawada Temple) ప్రత్యేక బస్సులు నడపాలని టీజీఎస్ఆర్టీసీ నిర్ణ‌యించింది. ఫిబ్రవరి 25 నుండి 27 వరకు కరీంనగర్, ఆదిలాబాద్, వరంగల్, నిజామాబాద్ ప్రాంతాల నుంచి వేములవాడకు మొత్తం 778 బస్సులు నడిపిస్తున్నారు. కరీంనగర్ ప్రాంతంలోని వివిధ డిపోల నుంచి తిప్పాపూర్ బస్ స్టేషన్‌కు 443 బస్సులు నడిపించ‌నున్నారు. మిగిలిన 335 బస్సులు ఇతర ప్రాంతాల నుంచి కట్టకింది బస్ స్టాండ్‌కు నడపబడతాయి.
తిప్పాపూర్ బస్టాండ్ నుంచి ఆలయానికి భక్తులను ఉచితంగా తీసుకెళ్లేందుకు 14 మినీ బస్సులు కూడా నడిపించ‌నున్నారు. కరీంనగర్ రీజియన్‌తో పాటు నిర్మల్, ఆర్మూర్, నిజామాబాద్-1, కామారెడ్డి, నర్సంపేట, మహబూబాబాద్, పరకాల డిపోల నుంచి వేములవాడకు ప్రత్యేక బస్సులు నడపనున్నారు. మరోవైపు, మంథని డిపో నుంచి కాళేశ్వరంకు 26 బస్సులు నడపాలని నిర్ణయించారు. ఇదిలా ఉండగా, గోదావరిఖని, మంథని డిపోల నుంచి 96 బస్సులు వేలాలకు నడపబడతాయి. అదేవిధంగా జగిత్యాల డిపో నుంచి దుబ్బ రాజన్న ఆలయానికి 50 బస్సులు నడపనున్నారు.
కరీంనగర్ ప్రాంతంలోని వివిధ డిపోల నుండి వేములవాడకు నడపాల్సిన బస్సుల వివరాలు
Maha Shivaratri Buses : డిపోల వారీగా బస్సులు
- కరీంనగర్-1 కరీంనగర్-వేములవాడ 51
- కరీంనగర్-2 కరీంనగర్-వేములవాడ 30
- కోరుట్ల కోరుట్ల-వేములవాడ 62
- మెట్‌పల్లి మెట్‌పల్లి-వేములవాడ 105
- వేములవాడ వేములవాడ-జేబీఎస్ 84
- వేములవాడ వేములవాడ-21కే
- రాజన్నగల్లవాడ-21 వేములవాడ-వరంగల్ 27
- రాజన్న-సిరిసిల్ల సిరిసిల్ల-వేములవాడ 25
- కరీంనగర్-1 వరంగల్-వేములవాడ 16
- కరీంనగర్-2 వరంగల్-వేములవాడ 7
- హుజూరాబాద్ వరంగల్-వేములవాడ 15
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
