JioCinema అద్భుత‌మైన ఆఫ‌ర్ ను తీసుకొచ్చింది. జియో సినిమా ప్రీమియం సబ్‌స్క్రిప్షన్ (JioCinema premium subscription plan) ధరను ఒక డివైజ్ కోసం నెలకు కేవలం రూ. 29ల‌కే అందిస్తోంది. ఒక‌వేళ గరిష్టంగా నాలుగు డివైజ్ ల‌లో ఒకేసారి యాక్సెస్ చేసుకోవాలంటే.. అందుకోసం ఫ్యామిలీ ప్లాన్‌కు నెలకు రూ.89 కే అందిస్తోంది. ఈ ప్లాన్‌లు గతంలో వరుసగా రూ. 59 (సింగిల్ డివైజ్), రూ. 149 (కుటుంబం)గా ఉన్నాయి. ప్రత్యేక ధరలు ఎంత కాలం చెల్లుబాటు అవుతాయి అనేది స్పష్టంగా తెలియ‌రాలేదు..
గతంలో JioCinema premium ప్లాన్‌కు నెలకు రూ. 99 చార్జ్ చేయ‌గా అయితే ప్లాట్‌ఫారమ్ యాడ్-ఫ్రీ స్ట్రీమింగ్‌ను అందించలేదు. కొత్త ప్లాన్‌లతో కంపెనీ సబ్‌స్క్రిప్షన్ ధరలను తగ్గించడమే కాకుండా యాడ్-ఫ్రీ స్ట్రీమింగ్ అనుభవాన్ని కూడా అందిస్తోంది.
కొత్త ప్రీమియం ప్లాన్‌ల ప్రకారం JioCinema 4K రిజల్యూషన్‌తో యాడ్-ఫ్రీ కంటెంట్ స్ట్రీమింగ్‌ను అందిస్తుంది. లైవ్ స్పోర్ట్స్ మినహాయింపు ఉంటుంది. ఈ ప్లాన్‌లో HBO, Peacock, Paramount+ వంటి భాగస్వాముల నుంచి ప్లాట్‌ఫారమ్‌లో పెద్ మొత్తంలో స్ట్రీమింగ్ కంటెంట్ ఉంది.
వినియోగదారులు JioCinema యాప్ లేదా వెబ్ నుంచి ఈ ప్లాన్‌లకు సభ్యత్వం తీసుకోవ‌చ్చు. ప్రస్తుతానికి, ఆఫర్‌లో వార్షిక సబ్‌స్క్రిప్షన్ ప్లాన్ లేదు. ఈ ధర తగ్గింపుతో, భారతదేశంలో ప్రకటనలు లేని స్ట్రీమింగ్ అనుభవాన్ని అందించే అత్యంత త‌క్కువ ధర క‌లిగిన OTT ప్లాట్‌ఫారమ్‌లలో JioCinema ఒకటిగా నిలిచింది.
JioCinema స్మార్ట్‌ఫోన్‌లు ( Android, iOS ), స్మార్ట్ టీవీలు ( Google TV, FireOS, Apple TV), వెబ్ బ్రౌజర్‌లతో సహా వివిధ ప్లాట్‌ఫారమ్‌లలో యాక్సెస్ చేయవచ్చు . స్క్రీన్ రిజల్యూషన్‌పై ఆధారపడి, ప్లాట్‌ఫారమ్ స్ట్రీమింగ్ నాణ్యత పరిమితం చేయబడుతుంది. ఇది ప్రస్తుతం 4K రిజల్యూషన్‌తో పుష్కలంగా కంటెంట్‌ను అందిస్తుంది. జియో సినిమా ప్లాట్‌ఫారమ్ ప్రస్తుతం TATA IPL 2024ని గరిష్టంగా 4K రిజల్యూషన్‌తో ప్రత్యక్ష ప్రసారం చేస్తోంది.
Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..
