Jharkhand Assembly Elections : జార్ఖండ్ ఎన్నికల్లో కాంగ్రెస్, జేఎంఎం కూటమి సీట్ల పంప‌కాలు ఖ‌రార‌య్యాయి. హేమంత్ సోరెన్ నేతృత్వంలోని JMM 43 స్థానాల్లో పోటీ చేస్తుండ‌గా కాంగ్రెస్ 30 నియోజకవర్గాల నుంచి అభ్యర్థులను బరిలోకి దించనుంది. రాష్ట్రీయ జనతాదళ్ ఆరు స్థానాల్లో పోటీ చేయనుండగా, వామపక్షాలు మూడు స్థానాల్లో పోటీ చేయనున్నాయి.
అయితే మూడు జార్ఖండ్ నియోజకవర్గాల్లో “స్నేహపూర్వక పోరు” జరిగే అవకాశం ఉందని బ్లాక్ నాయకులు సూచించారు. ఇప్పటికే ధన్వర్‌లో జేఎంఎం, సీపీఐ-ఎంఎల్‌లు ఘర్షణకు దిగాయి. మరోవైపు ఛత్తర్‌పూర్‌, బిష్రాంపూర్ స్థానాలకు సంబంధించి కాంగ్రెస్, ఆర్‌జేడీలు ఇదే తరహాలో సందిగ్ధం నెల‌కొన‌గా స‌యోద్య‌కు ప్రయత్నిస్తున్నాయి.
“JMM, కాంగ్రెస్, RJD మరియు CPI-ML సంయుక్తంగా జార్ఖండ్ ఎన్నికల్లో ఇండియా బ్లాక్ కింద పోటీ చేస్తున్నాయి. కూటమిలోని అన్ని నియోజకవర్గాలకు – ఛతర్‌పూర్, బిష్రాంపూర్, ధన్వర్ మినహా – సీట్ల పంపకానికి సంబంధించిన ఏర్పాట్లు పూర్తయ్యాయి. ధన్వార్‌ స్థానంలో సీపీఐ-ఎంఎల్‌తో స్నేహపూర్వక పోటీ’’ ఉంటుంద‌ని జేఎంఎం ప్రధాన కార్యదర్శి వినోద్‌ పాండే శనివారం విలేకరులతో అన్నారు.
ఆర్జేడీ, కాంగ్రెస్‌లు ఛతర్‌పూర్, బిష్రాంపూర్ స్థానాల నుంచి తమ అభ్యర్థులను బరిలోకి దించాయి. సీట్ల భాగస్వామ్య ఏర్పాటు అధికారికంగా ప్రకటించలేదు. కాగా, 81 మంది సభ్యులున్న జార్ఖండ్ అసెంబ్లీకి నవంబర్ 13, 20 తేదీల్లో రెండు దశల్లో ఎన్నికలు జరగనుండగా.. ఈ నెలాఖరున నవంబర్ 23న ఓట్లను లెక్కించనున్నారు.