Heat Wave Warning | మరో మూడు రోజులు తీవ్రమైన వేడి గాలులు.. వాతావరణ శాఖ హెచ్చరికలు

హైదరాబాద్: తెలంగాణలో ఉష్ణోగ్రతలు 44 డిగ్రీల సెల్సియస్‌కు చేరుకునే అవకాశం ఉన్న నేపథ్యంలో భారత వాతావరణ శాఖ (ఐఎండీ) హైదరాబాద్‌లో హీట్ వేవ్ హెచ్చరిక (Heat Wave Warning)జారీ చేసింది.

వాతావరణ శాఖ ప్రకారం, రాష్ట్రంలోని వివిధ జిల్లాల్లో ఏప్రిల్ 3 వరకు ఉష్ణోగ్రతలు 41 నుండి 44 డిగ్రీల సెల్సియస్ వరకు నమోదయ్యే అవకాశం ఉంది. తెలంగాణలో ఉష్ణోగ్రతలు పెరగడంతో హైదరాబాద్ ఐఎండీ హీట్ వేవ్ హెచ్చరికలు జారీ చేసింది. ఏప్రిల్ 1న నిర్మల్, నిజామాబాద్‌లో వేడిగాలులు వీచే అవకాశం ఉంది.

ఏప్రిల్ 2న ఆదిలాబాద్, కుమురం భీమ్, నిర్మల్, మంచిర్యాల, నిజామాబాద్, జగిత్యాల, పెద్దపల్లి, కరీంనగర్, భూపాలపల్లి, ములుగు, కామారెడ్డి, నల్గొండ, సూర్యాపేట, ఖమ్మం జిల్లాలకు వడ గాలులు వీస్తాయని హెచ్చరికలు జారీ చేసింది.

ఈ జిల్లాలతో పాటు వనపర్తి, నాగర్‌కర్నూల్, నారాయణపేట, మహబూబ్‌నగర్‌లలో కూడా ఏప్రిల్ 3, 4 తేదీల్లో వేడిగాలులు వీచే అవకాశం ఉంది. ఉష్ణోగ్రతలు 44 డిగ్రీల సెల్సియస్‌ను తాకే అవకాశం ఉన్నందున హీట్ వేవ్ హెచ్చరికలు జారీ చేసింది.

హీట్ వేవ్ అంటే ఏమిటి?

హీట్ వేవ్ అంటే అసాధారణమైన వేడి వాతావరణం ఉండే కాలం. ఇంటర్‌గవర్నమెంటల్ ప్యానెల్ ఆన్ క్లైమేట్ చేంజ్ (IPCC) ప్రకారం, హీట్ వేవ్‌ను “అసాధారణంగా వేడి వాతావరణం ఉండే కాలంగా పేర్కొంది. , ఇది రెండు రోజుల నుండి నెలల వరకు ఉంటుంది.”

తెలంగాణలోని వివిధ జిల్లాల్లో ఉష్ణోగ్రతలు 44 డిగ్రీల సెల్సియస్‌కు పెరిగే అవకాశం ఉన్నందున, హైదరాబాద్ IMD ఏప్రిల్ 3 వరకు రాష్ట్రానికి హీట్ వేవ్ హెచ్చరికను జారీ చేసింది..