Assembly Election Results | ఎన్నికల సంఘం వెబ్‌సైట్‌లోని తాజా ట్రెండ్‌ల ప్రకారం హర్యానా అసెంబ్లీ ఎన్నికల్లో (Haryana Assembly Elections) అధికార బీజేపీ 45 సగం మార్కును దాటింది. ఇప్పుడు 49 స్థానాల్లో కాషాయ ద‌ళం ఆధిక్యంలో ఉంది. ఇక ప్ర‌తిప‌క్ష కాంగ్రెస్ 33 స్థానాల్లో ఆధిక్యంలో కొన‌సాగుతోంది. ఉదయం 8 గంటలకు ఓట్ల లెక్కింపు ప్రారంభమైన తర్వాత రాష్ట్రంలో రెండు పార్టీల మధ్య హోరాహోరీ పోరు సాగింది. టీవీ చానెళ్లలో అందుబాటులో ఉన్న తొలి ట్రెండ్‌లు బీజేపీ కంటే కాంగ్రెస్ ముందున్నాయని సూచించ‌గా,
ఆ తర్వాత అధిష్ఠానం వేగంగా పుంజుకుంది. ఉదయం 10.20 గంటలకు అందుబాటులో ఉన్న EC ట్రెండ్స్ ప్రకారం, బిజెపి 48 స్థానాల్లో మరియు కాంగ్రెస్ 34 స్థానాల్లో ఆధిక్యంలో ఉన్నాయి. 90 మంది సభ్యుల అసెంబ్లీకి మెజారిటీ మార్క్ 46.
బీజేపీ గెలిస్తే.. హర్యానా సీఎం ఎవరు?
నయాబ్ సింగ్ సైనీ
నయాబ్ సింగ్ సైనీ (Nayab Singh Saini) ప్ర‌ముఖ రాజకీయ నాయకుడు, అతను 12 మార్చి 2024 నుంచి హర్యానాకు 11వ ముఖ్యమంత్రిగా పనిచేస్తున్నారు. 2023 నుంచి హర్యానాలోని బిజెపి అధ్యక్షుడిగా కొనసాగుతున్నారు.
అనిల్ విజ్
అనిల్ విజ్(Anil Vij) భారతీయ జనతా పార్టీకి చెందిన సీనియర్ నేత. గతంలో హర్యానా ప్రభుత్వంలో క్యాబినెట్ మంత్రిగా పనిచేశారు.
కెప్టెన్ అభిమన్యు
కెప్టెన్ అభిమన్యు సింగ్ సింధు ఒక భారతీయ రాజకీయవేత్త. హర్యానాలో ఎనిమిది శాఖల స్వతంత్ర బాధ్యతతో క్యాబినెట్ మంత్రిగా ఉన్నారు.
మోహన్ లాల్ బడోలీ
మోహన్ లాల్ బడోలీ సోనిపట్‌కు చెందిన రాజకీయ నేత.. ఇప్పుడు ఆయ‌న హర్యానా భారతీయ జనతా పార్టీ రాష్ట్ర పార్టీ అధ్యక్షుడుగా కొనసాగుతున్నారు. అతను బిజెపి సభ్యునిగా 2019 హర్యానా శాసనసభ ఎన్నికలలో రాయ్ నుంచి హర్యానా శాసనసభకు ఎన్నికయ్యాడు.
ఎగ్జిట్ పోల్స్ ఏం చెప్పింది?
67.90 శాతం ఓటింగ్ నమోదైన హర్యానాలో కాంగ్రెస్ విజయం సాధిస్తుందని అనేక ఎగ్జిట్ పోల్స్ అంచనా వేసింది. అయితే, బీజేపీ మాత్రం వరుసగా మూడోసారి అధికారంలోకి వస్తుందని ప్రకటించింది. ఎన్నికల ఫ‌లితాలు మాత్రం ఎగ్జిట్‌పోల్స్ అంచ‌నాల‌ను త‌ల‌కిందులు చేస్తూ బిజెపికి ప‌ట్టం కాట్టాయి.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..