Vadodara Gangrape | బాలికపై గ్యాంగ్ రేప్.. నిందితుల ఇళ్లకు వాటర్, కరెంట్ కట్
Vadodara | గుజరాత్లో 17 ఏళ్ల బాలికపై సామూహిక అత్యాచారానికి (Vadodara Gangrape ) పాల్పడిన కేసులో వడోదర మున్సిపల్ కార్పొరేషన్ ఇద్దరు అనుమానితుల ఇళ్లకు విద్యుత్, డ్రైనేజీని డిస్కనెక్ట్ చేసింది. నిందితుల ఇండ్ల నిర్మాణాలకు మునిసిపాలిటీ నుంచి అనుమతి లేదని పేర్కొంటూ నోటీసు అందించిన 72 గంటల తర్వాత అధికారులు తాజాగా కరెంటు, డ్రెయినేజీ కనెక్షన్ ను కట్ చేశారు.
అక్టోబర్ 4న వడోదర నగర శివార్లలో బాధితురాలిపై సామూహిక అత్యాచారం జరిగింది. అక్టోబర్ 7న ఐదుగురు నిందితులను అరెస్టు చేశారు. అయితే కనెక్షన్లను డిస్కనెక్ట్ చేసేందుకు బృందాలు వచ్చాయి. మూడు రోజుల క్రితం వడోదర మునిసిపల్ కార్పొరేషన్ (VMC) నోటీసు ఇచ్చింది. దాని తర్వాత నీటి సరఫరా, విద్యుత్, డ్రైనేజీ కనెక్షన్లను గడువు ప్రకారం కట్ చేసినట్లు తెలిపారు.
నిందితులు నిర్మించిన ఇళ్లకు బిల్డింగ్ పర్మిషన్ లేదని VMC నోటీసులో పేర్కొన్నారు. ఇంతలో, వడోదర రూరల్ పోలీసులు అరెస్టు చేసిన ఐదుగురిలో ఒకరిని వడోదర నగరంలోని ఒక ప్రదేశానికి తీసుకువెళ్లారు, వారు బాధితురాలి ఫోన్, సిమ్ కార్డ్ను ఎలా పారవేసారో విచారణ (సీన్ రీక్రియేట్) చేసి తెలుసుకున్నారు. పోలీసులు తెలిపిన వివరాల ప్రకారం, బాధితురాలిని సంఘటన జరిగిన వెంటనే అధికారులను సంప్రదించకుండా చేసేందుకు బాధితురాలి ఫోన్ను పారేశారు. అయితే మొబైల్ ఫోన్ ఇంకా రికవరీ కాలేదు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
🇮🇳 జాతీయ ప్రయోజనాలే పరమావధిగా.. 🇮🇳
