తిరుమల లడ్డూ కల్తీ వ్యవహారంపై రంగంలోకి దిగిన కేంద్రం..
Tirupati Laddu Row : ఆంధ్రప్రదేశ్‌లోని తిరుపతి దేవస్థానంలో లడ్డూలను కల్తీ చేశారన్న వివాదం శుక్రవారం (సెప్టెంబర్ 20) మరింత ముదిరి పాకాన ప‌డింది. ఈ వ్యవహారంపై స‌మ‌గ్ర నివేదిక ఇవ్వాలని కేంద్ర ప్రభుత్వం కోరింది. ఇండియా టుడే కథనం ప్రకారం.. తాము నిర్వహించిన ఐదు పరీక్షల్లో పంది కొవ్వు, బీఫ్ ఫ్యాట్, పామాయిల్ తదితరాలను ఉప‌యోగించిన‌ట్లు తేలిందని ఆలయ నిర్వాహకులు తెలిపారు. దీంతో పాటు లడ్డూల నాణ్యత నాసిర‌కంగా మారింన్నారు.
ఇదిలా ఉండగా, చంద్రబాబు నాయుడు టీడీపీ దేవుడి పేరుతో రాజకీయాలు చేస్తున్నార‌ని వైఎస్ఆర్ కాంగ్రెస్ పార్టీ (వైఎస్ఆర్సీపీ) అధినేత, మాజీ ముఖ్యమంత్రి జగన్ మోహన్ రెడ్డి ఆరోపించారు. ముఖ్యమంత్రిగా ఉండగా లడ్డూల్లో కల్తీ జరుగుతోందన్న ఆరోపణలను కొట్టిపారేశారు. టీడీపీ పంచుకున్న ల్యాబ్ రిపోర్టు జూలై నాటిదని, అది నయీం హయాంలోనిదని జగన్ పేర్కొన్నారు.
కల్తీని అంగీకరించిన టీటీడీ
కాగా తిరుమల తిరుపతి దేవస్థానం (టీటీడీ) ఎగ్జిక్యూటివ్ ఆఫీసర్ శ్యామలరావు మాట్లాడుతూ ఈ విషయాన్ని ముఖ్యమంత్రి చంద్రబాబు లేవనెత్తడంతో, అనేక పరీక్షలు నిర్వహించగా, ప్రసాదాల్లో కల్తీ ఉన్నట్లు తేలింది. ల్యాబ్ రిపోర్టు షాకింగ్‌గా ఉందని ఆయన తెలిపారు. త‌మ వ‌ద్ద పరీక్షా సౌకర్యాలు లేకపోవడాన్ని నెయ్యి సరఫరాదారులు సద్వినియోగం చేసుకున్నారని తెలిపారు.
నివేదిక కోరిన కేంద్రం
కాగా, కేంద్ర ఆరోగ్య శాఖ మంత్రి జేపీ నడ్డా శుక్రవారం ఆంధ్రప్రదేశ్ ముఖ్యమంత్రితో మాట్లాడి ఈ అంశంపై నివేదిక కోరారు. ఈ నివేదికను ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (ఎఫ్‌ఎస్‌ఎస్‌ఏఐ) సమీక్షించి, ఆ తర్వాత చర్యలు తీసుకుంటామని నడ్డా తెలిపారు.
కాగా . తిరుపతి దేవస్థానంలోని ప్రసాదంలో జంతు కొవ్వు కల్తీ కావడం తనను తీవ్రంగా కలచివేసిందని, దీనిపై జాతీయ స్థాయిలో విచారణ జరిపించాలని ఆంధ్రప్రదేశ్ ఉప ముఖ్యమంత్రి పవన్ కళ్యాణ్ సోషల్ మీడియా పోస్ట్‌లో పేర్కొన్నారు. సనాతన ధర్మ రక్షణ స‌మితిని ఏర్పాటు చేయాలని డిమాండ్ చేశారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..
