భారత్-EU చారిత్రాత్మక వాణిజ్య ఒప్పందం: సామాన్యులకు పండుగ.. పరిశ్రమలకు ఊతం! – India EU trade benefits
India EU trade benefits | భారతదేశం – యూరోపియన్ యూనియన్ (EU) మంగళవారం చారిత్రాత్మకమైన, ప్రతిష్టాత్మకమైన స్వేచ్ఛా వాణిజ్య ఒప్పందం (India–EU FTA)పై చర్చలను విజయవంతంగా ముగించాయి. ఇది ఇరు పక్షాలు ఇప్పటివరకు కుదుర్చుకున్న అతిపెద్ద వాణిజ్య ఒప్పందం (India-EU trade deal ) గా నిలిచింది. ప్రపంచ ఆర్థిక వ్యవస్థ ఒత్తిళ్లు, భౌగోళిక రాజకీయ ఉద్రిక్తతల మధ్య ఈ ఒప్పందం నియమాల ఆధారిత అంతర్జాతీయ వాణిజ్యానికి భారత్–EU ఉమ్మడి నిబద్ధతకు ప్రతీకగా నిలుస్తోంది.ఏమిటీ ఒప్పందం? దీని ప్రత్యేకత ఏంటి?ఈ ఒప్పందం ప్రకారం, భారతదేశానికి ఎగుమతి చేయబడిన 90% కంటే ఎక్కువ యూరోపియన్ ఉత్పత్తులపై దిగుమతి సుంకాలను (Import Duties) పూర్తిగా తొలగించడం లేదా గణనీయంగా తగ్గించడం జరుగుతుంది. దీనివల్ల యూరోపియన్ ఎగుమతిదారులకు ఏటా సుమారు 36,000 కోట్ల రూపాయలు (€4 బిలియన్లు) ఆదా అవుతాయి. ఈ ప్రయోజనం ప్రత్యక్షంగా భారతీయ వినియోగదారులకు తక్క...