నన్ను క్షమించండి…

*నన్ను క్షమించండి*
======🎊=======
నన్ను క్షమించండి…
తేనెపూతల మాటలతో
మెప్పించలేక పోయినందుకు..

నన్ను క్షమించండి..
పూటకో మాటలా నైజాన్ని మార్చుకోనందుకు

కటువు మాటతీరుతోనైనా
బ్రతుకు గమనం బోధించాలనుకున్నా..

కష్టాలెన్నో చూసిన అనుభవంతో
పదేపదే జాగ్రత్తలు వల్లెవేశా.

వెలివేత బహుమతి అందుతుందనుకోలేదు.
బంధాలమధ్య బీటలు చేరుతాయనుకోలేదు..

నన్ను నన్నుగా ఒప్పుకోలేని బంధంలో
నిజమైన ప్రేమ.. ఆప్యాయత
నాకు లభిస్తాయని నేనెప్పుడూ అనుకొను..
అందుకే దూరమైనా నేరమేమీ కాదు..

అయినా మనసులో ఒక్క ఆశయితే ఉంది
కాలమే గురువుగా మారుతుందని..
నేటి అపార్థమే రేపు నిలకడగా
ఎన్నో విలువైన అర్ధాలను చెబుతుందని..
నాలోని స్వచ్ఛతను మీ భాషలో
తప్పకుండా బోధపరుస్తుందని..!

అనూశ్రీ గౌరోజు

ఈ వెబ్ సైట్ లో ఏదైనా వార్త/స్టోరీ మీకు నచ్చినట్లయితే కామెంట్ చేయడం మర్చిపోవద్దు. అలాగే మీతోటి స్నేహితులతో ఈ వార్తను పంచుకోగలరు.. కృతజ్ఞతలు..

Green Mobility, Solar Energy, Environment కి సంబంధించిన తాజా సమాచారం కోసం హరితమిత్ర ను సందర్శించండి. తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..