తెలంగాణలో భారీగా ఐఏఎస్ అధికారుల బదిలీలు.. 45 మందికి కొత్త పోస్టింగ్స్! – IAS Transfers List

IAS Transfers List 2026 : తెలంగాణ ప్రభుత్వం రాష్ట్ర పరిపాలనలో కీలక మార్పులు చేస్తూ భారీగా ఐఏఎస్ అధికారులను బదిలీ చేసింది. మొత్తం 45 మంది ఐఏఎస్ అధికారులను బదిలీ చేస్తూ ప్రభుత్వం ఉత్తర్వులు జారీ చేసింది. ఇందులో పలువురు సీనియర్ అధికారులతో పాటు జిల్లా కలెక్టర్లు కూడా ఉన్నారు.

కీలక శాఖల మార్పులు:

రాష్ట్రస్థాయిలో కీలకమైన ఐటీ, పంచాయతీ రాజ్, సాగునీటి శాఖలకు కొత్త అధికారులను నియమించారు:

సంజయ్ కుమార్: ఐటీ, వాణిజ్య శాఖ నుంచి పంచాయతీ రాజ్, గ్రామీణాభివృద్ధి (PR&RD) మరియు గ్రామీణ జల సరఫరా శాఖ ప్రత్యేక ప్రధాన కార్యదర్శిగా బదిలీ అయ్యారు. ఎన్. శ్రీధర్: ఐటీ మరియు పరిశ్రమల శాఖ ప్రధాన కార్యదర్శిగా నియామకం అయ్యారు. ఈయనకు గనులు, భూగర్భ శాఖ బాధ్యతలను అదనంగా కేటాయించారు. ఎం. దాన కిశోర్: రెవెన్యూ శాఖతో పాటు విపత్తు నిర్వహణ విభాగం ప్రత్యేక ప్రధాన కార్యదర్శిగా అదనపు బాధ్యతలు అప్పగించారు. రాహుల్ బొజ్జా: రాజకీయ వ్యవహారాల (Political) ప్రధాన కార్యదర్శిగా నియమితులయ్యారు. ఈ. శ్రీధర్: సాగునీటి మరియు CAD శాఖ కార్యదర్శిగా బాధ్యతలు చేపట్టనున్నారు. డా. గౌరవ్ ఉప్పల్: ఆర్థిక, ప్రణాళిక శాఖ కార్యదర్శిగా బదిలీ అయ్యారు. ఈయనకు మెడికల్ సర్వీసెస్, ఇన్‌ఫ్రాస్ట్రక్చర్ డెవలప్‌మెంట్ కార్పొరేషన్ ఎండీగా అదనపు బాధ్యతలు ఇచ్చారు.