PM Modi At Gir National Park | ప్రపంచ వన్యప్రాణుల దినోత్సవం (world wildlife day) సందర్భంగా 2025 మార్చి 3 సోమవారం గుజరాత్‌లోని జునాగఢ్‌లోని గిర్ జాతీయ ఉద్యానవనానికి ప్రధానమంత్రి నరేంద్ర మోదీ (PM Narendra Modi) వెళ్లారు. ఈ సందర్శన సమయంలో, ప్రధాని మోదీ జంగిల్ సఫారీని ఆస్వాదించారు. అనేక జంతువులను ఆయన స్వయంగా ఫోటో తీశారు. ప్రధాని మోదీ తన కెమెరాలో అనేక సింహాల చిత్రాలను బంధించారు.
ప్రధాని మోదీ గుజరాత్ (Gujarat) పర్యటనలో ఉన్నారని తెలిసిందే.. ఈ రోజు ఆయన గిర్ నేషనల్ పార్క్ చేరుకున్నాడు. తన పర్యటన సందర్భంగా, ప్రధానమంత్రి ప్రాజెక్ట్ లయన్‌ను ప్రారంభిస్తారు. సింహాల సంరక్షణపై ప్రధానమంత్రి ఒక ముఖ్యమైన సమావేశాన్ని కూడా నిర్వహిస్తారు. గిర్ నేషనల్ పార్క్ ఆసియా సింహాలకు రెండవ నిలయంగా పరిగణించబడుతుంది .18 సంవత్సరాల తర్వాత ప్రధాని మోదీ గిర్ జాతీయ ఉద్యానవనానికి చేరుకున్నారు.
సింహాల స్వేచ్ఛా విహారం
గిర్ జాతీయ ఉద్యానవనం దేశంలోని అత్యంత ప్రతిష్టాత్మకమైన జాతీయ ఉద్యానవనాలలో ఒకటి. ఇది 1412 చదరపు కిలోమీటర్ల విస్తీర్ణంలో విస్తరించి ఉంది. ఈ వన్యప్రాణుల అభయారణ్యం 1965 లో స్థాపించారు. గిర్ నేషనల్ పార్క్ లో అంతరించిపోతున్న ఆసియా సింహాలను సంరక్షించేందుకు పటిష్టమైన చర్యలు తీసుకుంటున్నారు. సుమారు 2 శతాబ్దాల క్రితం మధ్యప్రాచ్యంలో సంచరించే ఆసియా సింహాలు ఇక్కడ స్వేచ్ఛగా తిరుగుతాయి.
Gir National Park : గిర్ నేషనల్ పార్క్ ప్రత్యేకతలు
గిర్ నేషనల్ పార్క్ ప్రపంచంలో ఆసియా సింహాల (Asian Lions) జనాభాకు మిగిలి ఉన్న చివరి ఆవాసం. ఇది ఆసియా సింహాలతో పాటు 2,375 జాతుల జంతువులకు నిలయంగా ఉంది. ఇక్కడ 600 కంటే ఎక్కువ సింహాలు నివసిస్తున్నాయి. గిర్ నేషనల్ పార్క్ భారతదేశంలోని అతిపెద్ద జింకలు(Deers), నీల్గై, సాంబార్, చిటల్, బరాసింఘా, చింకారాలు జీవిస్తున్నాయి. అలాగే చిరుతపులి, నక్క, ఎలుగుబంటి, పెద్ద తోక గల కోతి, సాంబార్, హైనా, మొసలి. చిటల్ వంటి అనేక జంతువులు ఇక్కడ కనిపిస్తాయి. ఇది కాకుండా, 300 కంటే ఎక్కువ జాతుల పక్షులను కూడా ఇక్కడ చూడవచ్చు. ఈ ప్రదేశం పక్షి ప్రేమికులకు చాలా ప్రత్యేకమైనది.
గిర్ పార్క్ ను ఎప్పుడు సందర్శించాలి..?
గిర్ జాతీయ ఉద్యానవనంలో ధాతర్వాడి, షింగోడా, హిరాన్, షెత్రుంజీ, రావల్ మచ్చుండ్రి, అంబాజల్ అనే 7 ప్రధాన నదులు, సరస్సులు ప్రవహిస్తున్నాయి, ఇవి ఉద్యానవన జంతువులకు దప్పిక తీరుస్తాయి. మీరు ఇక్కడ జీప్ సఫారీని ఆస్వాదించవచ్చు. దీని కోసం మీరు ఆన్‌లైన్ లేదా ఆఫ్‌లైన్‌లో బుక్ చేసుకోవచ్చు. మీరు ఇక్కడ ఉదయం 6:30 నుండి 9:30 వరకు మరియు మధ్యాహ్నం 3:00 నుండి సాయంత్రం 6:00 వరకు జీప్ సఫారీని ఆస్వాదించవచ్చు. అక్టోబర్ నుంచి మార్చి నెలల వరకు ఇక్కడ సందర్శించడానికి అత్యంత అనుకూలమైనవిగా భావిస్తారు. గిర్ నేషనల్ పార్క్ జూన్ నుండి సెప్టెంబర్ వరకు మూసివేయబడుతుంది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.