Bastar Development :గత ఏడాది కాలంలో మావోయిస్టుల పట్టు నుంచి విముక్తి పొందిన ఛత్తీస్‌గఢ్‌లోని బస్తర్ ప్రాంతంలోని గ్రామాలలో కేంద్ర, రాష్ట్ర ప్రభుత్వాలు కమ్యూనికేషన్ వ్యవస్థను బలోపేతం చేస్తున్నాయి. ఇప్పటి వరకు కనీసం 300 సెల్ ఫోన్ టవర్లను (Bastar Mobile Towers) ఏర్పాటు చేశారు. భద్రతా దళాలు, మావోయిస్టు గ్రూపుల మధ్య సెల్ ఫోన్ టవర్లు మొదటి నుంచీ ఒక ప్రధాన వివాదంగా ఉన్నాయి. ప్రభుత్వానికి, టవర్లను ఏర్పాటు చేయడం వ్యూహాత్మక ప్రాధాన్యం.. కానీ మావోయిస్టులు వాటిని నాశనం చేయడం కూడా అంతే ముఖ్యంగా భావిస్తారు.
కాగా కనీసం 32 సెల్ ఫోన్ టవర్ల (Bastar Telecom Towers )ను ప్రత్యేకంగా అబుజ్‌మడ్ లో ఏర్పాటు చేశారని అధికారులు తెలిపారు. బస్తర్ ప్రాంతంలోని మావోయిస్టు ప్రభావిత జిల్లాల్లో దాదాపు 5,000 చదరపు కిలోమీటర్ల దట్టమైన అడవి విస్తరించి ఉంటుంది. సాయుధ మావోయిస్టు కేడర్లతో చివరి పోరాటం ఇక్కడే జరుగుతోంది. శుక్రవారం జరిగిన కాల్పుల్లో ఆరుగురు మావోయిస్టులు హతమయ్యారు. గత ఏడాది కాలంలో భద్రతా దళాలు అబుజ్‌మడ్లోని కొన్ని ప్రాంతాలలోకి ప్రవేశించాయి. ఈ ప్రాంతాలు ఇంతకు ముందు ఎన్నడూ ఇంతలా జల్లడ పట్టింది లేదు. ఇన్నేళ్లుగా ఈ ప్రాంతాలు మావోయిస్టుల నియంత్రణలోనే ఉన్నాయి. కానీ ప్రస్తుతం ఆపరేషన్ కగార్ పేరుతో కేంద్రం చేపట్టిన చర్యలతో మావోయిస్టుల ప్రాభల్యం తగ్గిపోతోంది.
“గత ఏడాది కాలంలో బస్తర్ జోన్‌లో ఏర్పాటు చేసిన ఈ 300 సెల్ ఫోన్ టవర్లు కాగితంపై మాత్రమే ప్రణాళిక చేయబడిన ప్రాంతాలలో ఉన్నాయి, కానీ భద్రతా సమస్యల కారణంగా ప్రభుత్వ అధికారులు ప్రవేశించలేకపోయారు. నక్సల్స్ నుంచి గ్రామాలను నియంత్రణలోకి తీసుకుని శిబిరాలను ఏర్పాటు చేసిన తర్వాత, ఆసుపత్రులతో పాటు సెల్ ఫోన్ టవర్లు కూడా మొదటి ప్రాధాన్యత అని ప్రభుత్వం తెలిపింది” అని ఛత్తీస్‌గఢ్‌లోని ఒక సీనియర్ భద్రతా అధికారి తెలిపారు.
మావోయిస్టుల నియంత్రణ నుంచి విముక్తి పొందిన ప్రాంతాలలో రాష్ట్ర ప్రభుత్వం, హోం మంత్రిత్వ శాఖ ప్రధానంగా సెల్ ఫోన్ టవర్లను ఏర్పాటు చేయడంపైనే ఫోకస్ పెట్టింది. ఎక్కువగా గ్రామస్తులు గత 4-5 దశాబ్దాలుగా మావోయిస్టు ప్రభావంతో సంబంధాలు తెగిపోయి నివసిస్తున్నారు. వారిని ప్రభుత్వంతో అనుసంధానించనుంది. సాయుధ మావోయిస్టు కార్యకర్తలు, సెల్ టవర్లను ధ్వంసం చేయడం చేస్తూ వస్తున్నారు. ఐదు రోజుల క్రితం, నారాయణపూర్ జిల్లాలోని ఒక గ్రామంలో మావోయిస్టులు టవర్‌ను తగలబెట్టి, అదే ప్రాంతంలో ఇద్దరు పౌరులను చంపారు. గత ఏడాది కాలంలో మావోయిస్టులు నాలుగు సెల్ టవర్లకు నిప్పంటించిన ఘటనలు నమోదయ్యాయి.
మావోయిస్టుల నియంత్రణ నుండి విముక్తి పొందిన గ్రామస్తులు తమ ఇళ్లకు తిరిగి వస్తున్నందున సెల్ ఫోన్ టవర్లను ఏర్పాటు చేయడం కూడా అవసరమని ప్రభుత్వం భావిస్తోంది. గత సంవత్సరం నవంబర్ మధ్యలో, భద్రతా దళాలు నారాయణపూర్ జిల్లాలోని గార్పా గ్రామంలో, అభుజ్‌మద్‌లోనే ఒక సెల్ ఫోన్ టవర్‌ను ఏర్పాటు చేశాయి. నవంబర్ 6, 2024న గ్రామంలో దళాలు శిబిరాన్ని ఏర్పాటు చేసిన మూడు వారాలలోపు ఈ టవర్‌ను ఏర్పాటు చేశారు.
“గ్రామాలను బలగాలు ఆక్రమించుకున్న తర్వాత, నక్సల్స్‌కు భయపడి వెళ్లిపోయిన చాలా మంది తిరిగి వస్తున్నారు. ఒక్క గార్పాలోనే దాదాపు 300 మంది తమ ఇళ్లకు తిరిగి వచ్చారు. వీరు 10-15 సంవత్సరాల క్రితం LWE ఉచ్ఛస్థితిలో ఉన్నప్పుడు తమ ఇళ్లను విడిచిపెట్టారు. వారు సెల్ ఫోన్ కనెక్టివిటీ ద్వారా ప్రయోజనం పొందుతున్నారు. వారు తమ కుటుంబాలతో కమ్యూనికేట్ చేయడమే కాకుండా, ఫోన్‌ల ద్వారా ప్రభుత్వంతో కూడా కనెక్ట్ అవ్వగలరు” అని అధికారులు చెబుతున్నారు .
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్వెబ్ సైట్ నుసందర్శించండి. అలాగే మా గూగుల్ న్యూస్ (Google News), తోపాటు ఎక్స్(ట్విట్టర్), ఫేస్ బుక్, వాట్సప్ చానల్ లో కనెక్ట్ అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
